¹ Kukwo nsɨ di gbəŋdaŋ ətəm ntswa nced əyyaŋ ə corob ə nyyo tuza ə bay əbyin, əsɨ kub gu bə ətərog bumi nɨnian ka. Əsɨ byyo male tutən əpyo guka. Uyyi guka usɨ di naŋ nwam ni. Tɨtag guba sɨ di naŋ +mbyyog ndoŋ ni. ² Əsɨ byoŋ adɨday kwa twaŋ kyo əkə nnyyib ni bumi mbwag guka. Əsɨ sag tag yag guku tuza əywi ka, tag myyan guku əsɨ sag əbyin ka. ³ Kukwo gwo sɨ kpaŋ kun bə ga gbəndaŋ əŋwwad naŋ əgwam uyid ə ni. Kə əkpaŋ kun, tad nzá natad na usɨ lyyad bə ŋwuŋwwad bana. Jen əzo tad nzá natad na ndyyad ni, nsɨ shyyo bɨ cad lyurug ku, nsɨka nfəg ənŋwwad ə nyyo tuza ə nyo: "Niad kyaŋ əkwo a fəg tad nzá natad ku ni bə ntsswo aku. Yog lyurug kyaŋ dag." ⁵ Kukwo nsɨ di ətəm ntswa əwo yoŋ tuza əywi bə əbyin ka ni, ə̀sɨ təkyem bwag yag guku tuza. ⁶ Əsɨ shyi də əyorog ətyə əwo ə shyyo əced nini tɨnad jen saŋ sɨsag. Ətyə əwo nwad tuza bə kəkəb kozaŋ nkyaŋ bum tuza ka ni. Dunio ku bə kəkəb nkyaŋ ənio nshyyo bumi ka ni. Ətyə ntswa wu əsɨ nyo, "Ə̀bwo na byyan jen dag." Əwod tuza nwam əkyo, +ətəm ntswa ntad ə ncad hyyab əgwa ka ni.Kukwo nkyaŋ ənio Əgwaza ə niad ə ntyoŋ ənied ba ni, əna gbərag na ə wod bənaŋ gwo ku ntag nnwan ntəm gu na ənied əlyyad əŋwwad Əgwaza ba ni." ⁸ Əŋwwad əkyo nku fəg nyyo tuza ka ni usɨ bu nyo bə nuŋ: "Nad â kyag kwa twaŋ əkwo əkə nyyib ni bə mbwag ətəm ntswa əwo yoŋ tuza əywi mbyyaŋ əbyin ka ni." ⁹ Kukwo nsɨ nad bə ətəm ntswa wu nsɨ nyo yog gwo joŋ n adɨday kwa twaŋ ka.Əsɨ nyo bə nuŋ, "Kyag kwa twaŋ ku â ya ku.Nna cyyo ufa aka uswan cway. Əwod bumi unuŋ aka, una swan naŋ toŋ ni." ¹⁰ Nsɨ kyag adɨday kwa twaŋ ka bə mbwag ətəm ntswa wu, nsɨ gya. Kusɨ byyo nyinyaŋ ku bənaŋ toŋ ni bumi unuŋ nka. Əwod də məta əka n ngya ni, ufa nka usɨ bwwag cyyo cway. ¹¹ Kukwo əyin əsɨ nyo bə nuŋ, "Tɨlɨd kwo abu twərag əlyyad ustwon ji bə ənied ba, +ukəraŋ na, lɨlyem ku bə +əgwam ba."