¹ Ndyurug nyin nnwan Əgwaza ənio shyyo Sardisu ni nyo: '+Swaŋ əlyyad əji ni ji zo yed shin ətyə əwo byoŋ ntswa natad Əgwaza na mbyyaŋ +təngwad natad na. "Ndyen kyaŋ əkwo əka nnyyo ni. A twərag ənied ba nyyo a shyyo əced, əwod naŋ awa yed kwom kwo. ² Də shyib â byyo gbugbag tuza kyaŋ əkwo bwad ni. Əwod ku shyyo dɨ unuŋ əhwu kyo dənian əka nshyyo cucug ntəm wu duyi Əgwaza ka dag. ³ Kukwo mbyyo anɨ njyuŋ bɨ kyaŋ əkwo a san asɨ fəg ni. Nyyo na, â nay ə yurub a ndyo. Əwod kə a sɨ təkyəm dag, nna bay naŋ ətaŋ ni. Əwod ana lyen kozaŋ njen zo nna mbay tuza aka dag. ⁴ Əwod ə mbyyo yuyorog nnwan Əgwaza bə dəday bumi Sardisu byo +ətərəg ba ba ə byyo əlyyad ni dag. Ba byo nâ coŋ dunduŋ bə nuŋ ə hwǐ jijyad +ətərog dənian ba ntay. ⁵ Ətyə əwo kwan asɨ shyyo san ku ni, əna kub gu bə jijyad +ətərog. Kukwo mbyyo kwo bə cuncwwad nna yurub əyorog guka bə kwa sɨced ku dag. Nwa na ndyyad tuza əyorog guka duyi Əcyo ngu bə +ətəm ntswa ba. ⁶ Yog ətyə əwo ə byyo tsutsswo ni gwô fəg kyaŋ əkwo Zɨzərag Ntswa u ə lyyad bə +ulwo nnwan Əgwaza nani." ⁷ Ndyurug nyin nnwan ənio shyyo Filadelfiya ni mbwag ətəm ntswa nyo: "+Swaŋ əlyyad əji ni yed zɨzərag bu yed cucug ə. Ə́ byoŋ yáyá Dauda wu, kə ə nyyib, ə mbyyo ətɨ nyim dag. Əwod ulwo əka gwo nyim ni, ə mbyyo ətɨ nyyib dag. ⁸ "Ndyen kyaŋ əkwo akə nyyo ni. Di la, N sag duyi aka ulwo ŋwwo əka əyin ə may ə nyim ni dag. Ndyen naŋ a byyo ced bəd dag, əmgbəm bə ənnyo, nyi hwi əlyyad nna, nyi sɨ bu tsswǒ əyorog nka dag. ⁹ Di la! kəkəb ənied əba yed əshin tu dyeb əgwam utənyiraŋ ku ni, bə ənied əba nyo ba yed Yahudawa ni.Əwod ba yed dag, ba wa bwoy əlyem kyo. Nna cyyo bâ təgbəg duyi tɨtag aka. Kukwo na cyyo bâ ndyen naŋ ncad a bəd. ¹⁰ Naŋ nyi kə hwi doka nji bɨ gbaŋ əlyo ni, nuŋ bwo nna cog nyin bə njen mag əzo təbay tuza kəkəb swanta ku ni.Ə ga mag ənied əba ə swan bə dunio ku ni. ¹¹ Ntəbay bə gboŋgboŋ. Byoŋ kəŋkəm kyaŋ əkwo a byyo ni kəlag əyin əna təwob zaŋ uzwwan a ji. ¹² Nna cyyo ətyə əwo yed əgwag nzwaŋ kwan bɨ san ni, ə yed byyog zo bumi gbəŋdaŋ Uli Dyeb Əgwaza nka. Kud, əna yəw gwô wurug əzo dag.Nna dyurug də ngu əyorog Əgwaza nka kyo ə ngyi Urushalima kyo corob ə nyyo tuza ə̀ nyyo bə Əgwaza ngu ni mbyyaŋ əyorog əfay nka. ¹³ Yog ətyə əwo byyo tsutsswo ni, gwô tswoŋ kyaŋ əkwo Zɨzərag Ntswa u əlyyad bə +ulwo nnwan Əgwaza na ni." ¹⁴ Ndyurug nyin nnwan Əgwaza ənio shyyo Lawudikiya mbwag ətəm ntswa nyo: '+Swaŋ əlyyad əji ji zo yed zəm.Ji yed byyog zo bɨ kub uma cucug wo nyyo tyog tuza kəkəb nkyaŋ ənio Əgwaza ə nwad əsɨ nyyo ni. ¹⁵ "Ndyen kyaŋ əkwo aka nyyo ni, naŋ a nŋway ngyed shinshyim kwo shway ni dag. N cad sə wâ yed shinshyim kwo shway kwo!' 6 To, dənian əka a ngyed ətyo əwo də ə shyyo ə ji, də gwô shyyo ə zaw dag dɨ ŋway shway kwo shyim ni. Ku bwad dəday nkwoy a ngurug ndyo bə unuŋ nka. ¹⁷ Kukwo a nyo, 'Mbyyo kurum n sɨmo mbyyo nkyaŋ nzwa bə dɨdɨd, mbyyaŋ mbyyo kyaŋ əkwo n saŋ ni dag.' Nwad, a lyen nyyo a yed ətye əwo saŋ nkyaŋ bəd ni dag, əbyem əyyi mbyyaŋ swan kəgbyaŋ, kwo yed kyaŋ nsum ni. ¹⁸ Fəg ətan əlyyad əwo ncad jen a ni: San əshoŋ əfaŋ bə nuŋ wo ə fi bə ndoŋ ni, a ga nshyyo yed ətyə nzwa mbyyaŋ shyyo jijyad ətərog wo na yurub a nsum coŋ kəgbyaŋ na ni, mbyyaŋ ə mio kwan bə lili a ba aga shyyo cyaŋ ku shensham. ¹⁹ N cyyed konyan əwo ncad ni. Nsɨmo ncyyed ba bu gag əkwo bana nyyo swad baku. Kukwo mbyyo ncad â nyyo əpyo a cucug dɨ nay ə yurub a ndyo. ²⁰ Di la! Ngyoŋ unukənnyyo ka ntswod. Ətyə əwo fəg əŋwwad nka ni, əsɨ nyyib nəkənnyyo tsswo gu ka ni, nnə ŋwwo bə uli guka ngya bɨ sswo dunduŋ bə ngu, gu bwo dunduŋ bə nuŋ. 1 Ətyə əwo ya zwaŋ ji dɨ yed əgwag kwan bɨ san ni, nna joŋ gu jen gwô swan dunduŋ bə nuŋ bɨ tyog nku bənaŋ nuŋ bwo n nkwan bɨ san, əsɨ nswan dunduŋ bɨ tyog Əcyo gu ku ni. 2 Yog ətyə əwo byyo tsutsswo ni gwô fəg kyaŋ əkwo Zɨzərag Ntswa u əlyyad bə +ulwo nnwan Əgwaza na ni."