¹ Kukwo nsɨ di tuza bə əbyin ufay dənian əka tuza bə əbyin ənio ku tsa nshyyo ni bu nshyyo dag. Ənnyǒ əywi ka bwo nshyyo dag. Nsɨ di zɨzərag gbəndaŋ ukəraŋ wu, Urshalima əfay wu wo ku cyyog nyyo bə Əgwaza u tuza ə yed əfay əbay əbyin, kyo əku jyi ə yed əzwwad gunyyem dɨ tsswoŋ nyɨraŋ ətyog ka wu ni. ³ Nsɨ fəg gbəŋdaŋ Əŋwwad ə nyyo bə ncug tyog ji nyo, "Di la! Ulwo nswad Əgwaza ka u shyyo dunduŋ bə ənied əbyo gwo na swan dunduŋ bə mba ni. Bana yed əshin Əgwaza byo, əwod Əgwaza u bə əpyo gu na shyyo dunduŋ bə mba, əbwo yed Əgwaza ba. ⁴ Ngwo əna yurub əyyi bana əwod əhwu ə bu na nshyyo dag kwo byyan tswwo, unag kwo ŋway tsswoŋ nyinyaŋ dag. Huhwob nkyaŋ u ə sswag kəkəb. ⁵ Ətyə əwo ə swan tuza ncug tyog ka ni əsɨ nyo, "Di la! Nnyyo kozaŋ nkyaŋ nfay nio." Əsɨ nyo, "Lyurug kyaŋ əkwi dənian swaŋ əlyyad əji yed kyaŋ cad bɨ yed cucug ni." Əsɨbwo nyo bə nuŋ, "Nkyaŋ ənay ni əkə nyyo na!" Nuŋ ə ngyed Alpha bə Omega, Utsa ka bə nŋhan wu. Ətyə əwo tswoŋ nwamshyi ni, nna joŋ gu səhwod sswo də bə ntan kyaŋ dag nyyo bɨ nnan səhwod sɨced ku. ⁷ Konyan ə ya zwaŋ ji ənǎ shyyo kunuŋ guka bə nkyaŋ ənay ni əwod ǹgyed Əgwaza guwu, gu bwo gwô yed ŋgwon nkyo. ⁸ Əwod ənied byyo uwun, lag ŋwwag ntsswo bana ni, nyyo nkyaŋ nkag, hyay ənied, byo ə yed +uləm ni, tuntug, hwi +agwaza dunio, kəkəb ənied bwoy əlyem, +ulwo nswad bana uyed uli ndoŋ saŋ sɨsag. Əhwu cyyan ufyyaŋ əkyo." Ətəm ntswa ənyyuŋ bumi +ətəm ntswa natad ba sɨ bay bə nuŋ, gu ətyo əwo ku byoŋ +kham natad ji, zə bɨ nhyad bə zwod natad nŋhan bani. Əsɨ nyo bə nuŋ, bay əji. Nna twərag a əzwwad gunyyem əkyo na yed əbyyug ŋgwon Zwon Tsyyeb wu ni." ¹⁰ Kukwo gwo sɨ kyag n ə nkad ndyo bumi ntswa ə nad ndyo bə əkətən əfan, əsɨ twərag n zɨzərag ukəraŋ Urshalima wu ə corob tuza nyyo bə Əgwaza u. 1 Urushalima wu əbyyo kyeŋkyay shi Əgwaza u. Shisham ka ji sɨ di naŋ nfaŋ yaffa, garaw naŋ karaw ni. ¹² Usɨ byyo gbəndaŋ bad wo ə nog əbyyo uza bə +ulwo ŋwway swag bɨ ufyyaŋ ni. Tuza +ulwo ŋwway na əsɨ ndyurug lyuyorog nŋwab swag bɨ ufyyaŋ nnwan Israila ku. ¹³ Ətyin ka sɨ byyo +ulwo ŋwway utad. Ənnyǒ uzaka bə utag ka bə əfam ənyyuŋ ka sɨ byyo tàntád bwo. ¹⁴ Bad ukəraŋ ka ku byyo tɨtyin nog swag bə əfyyaŋ byo ə nduyrug tuza baka lyuyorog swag bə əfyyaŋ +əgwag nnwan ntəm Zwon Tsyyeb ji. ¹⁵ Ətyə əwo ku lyyad bə nuŋ ni əku byoŋ shan may əzo ə nnyo bə zinariya dənian ə ga mmag gbəndaŋ ukəraŋ wu, +ulwo ŋwway guna bə bad kaku. ¹⁶ Junjun bə kpay gbəndaŋ ukəraŋ wu sɨ yed kyaŋ nyyuŋ kwo. Əsɨ mag ukəraŋ ka bə shan may ji, əsɨ shyyo uzaka mil ci kwob swag bə əfyyaŋ kwo twərag kpay kaku, junjun ku bə uza kaku yed kyaŋ nyyuŋ. ¹⁷ Əsɨbwo mag bad ku ə shyyǒ kamu 144 dɨ yed may ətyɨbɨshyi ni, kwo sɨ yed kyaŋ mag ətəm ntswa wu ni. 8 Əku nog bad ku bə yasfa. Gbəndaŋ ukəraŋ wu bwo bə zinariya kyo byyo yàyà əwo di mɨmyad ni. 9 Ə nog tɨtin nog bad ku bə mɨmyad nfaŋ. Əkwog uswon wu sɨ yed yasfa, saffir sɨ ntuŋ, agat sɨ yed ətad, emerald wu sɨ yed ənay wu. ²⁰ Ətswon wu sɨ yed onis, sardiyus wu utâ kyo, natad ka sɨ yed kirisolat ,beril unaymbwag, tofaz bwo kubanyyuŋ, kirisofaras u sɨ yed swag, yakinta ə sɨ yed swag bə nyyuŋ, əwod ometis ə sɨ yed swag bə əfyyaŋ wu. ²¹ Ulwo ŋwway swag bə əfyyaŋ na ku yed lu'u-lu ənyyuŋ ə. Ndwag gbəndaŋ ukəraŋ wu əsɨ nyyo na bə zinariya ə ngyi yáyá garau ə. 2 Nsɨ di gbəndaŋ Uli Dyeb Əgwaza ku bumi gbəndaŋ ukəraŋ ka dag.Ətyə Uli mbyyaŋ Zwon Tsyyeb ji ba byo yed gbəndaŋ Uli Dyeb Əgwaza ku. 3 Gbəndaŋ ukəraŋ əwo sɨ ya ncad nwam kwo zwad dɨ shyyo say ku dag, dənian əka kyeŋkyay shi Əgwaza u ngwo say +ulwo na mbyyaŋ fitila zwon tsyyeb ji. ²⁴ +Nŋwab ənio shyyo san kuni, əna coŋ bumi say kwo shyyo bumi gbəndaŋ ukəraŋ wu ni.+Əgwam dunio ba na bay bə kyeŋkyay shi guwu bə nka. ²⁵ Əna nyyi +ulwo ŋwway na tənwam dag, də bâ na mbyyo utug əzǒ dag. 6 Bana bay bɨ shi bə kyeŋkyay shi nŋwab əkag ba bumi gbəndaŋ ukəraŋ wu. ²⁷ Kud! Əna mbyyo ənied nyyo nkag əbyo na ŋwwo bumi gbəndaŋ ukəraŋ wu ni dag. Kwo ətyə əwo kɨ nyyo nkyaŋ nsum kwo bwoy əlyem ni. Sə bə ənied əbyo əka ndyurug yuyorog baku bumi kwa twaŋ sɨced ŋgwon Zwon Tsyyeb ji bə əyin gu. Zəm!