¹ Kukwo nsɨ di ətəm ntswa ə nyyo tuza ətəbay əbyin. Əku byoŋ mabudi nyyib bwoŋ saŋ sɨsag ku. Əsɨ byoŋ gbəndaŋ nyanyan bə mbwag guku. Əsɨ nkwa bə ga huhwob kətug nzwag wu ə byoŋ, wo ə ngyi Iblis kwo əgwam utənyiraŋ ni. Nwad əsɨ ləb gu ənad ndyyo ci kwob jyyuŋ. ³ Ə̀sɨ jib gu bumi bwoŋ saŋ sɨsag wu. Ə̀sɨ nyim bwoŋ ku, əsɨ mkpərag əpyo əgwam ka tuza guka. Əku nyyo ənnyo, kəlag gwo bwo na lyyen +ukəraŋ na sə jen əzə ndyyo ci kwob jyuŋ na ntyag ni. Məta əkyo, tɨlɨd kwo əba fərəg gu ə wod, ə bwwo a dɨdəy njen. ⁴ Kukwo nsɨ di +ncug tyog. Kəkəb ənied əba nswan ni, ba byo ə kag ba bwag ku bâ fəg əlyyad na. Nsɨ mo ndi +sswan ənied əzə əku hyay dənian əka ba mbyoŋ kəŋkəm əlyyad Yesu na mbyyaŋ Əlyyad Əgwaza na ni. Ba byo də ba bɨ nyyo ga kətug nnyam wu bə wuwwo gu ku sujada dag. Basɨ bwo lag san zwunzwwo ji wu bu +ukpəraŋ kwo mbwag bana. Basɨ bwwog əbay bə Kristi tɨnad ndyyo ci kwob jyyuŋ. Əkum nkwom na əsɨ dərəg dag sənaŋ ndyyo ci kwob jyyuŋ na ntyag ni. Sɨkwi ni kukwo yed utsa dǝrəg ǝnied kukwi ba. Əgway əna bwwo ənied əba nyyo zɨzərag nswad ni, ba byo əba nshyyo bə anied əba na tsa dərəg bə əhwu ka əced ni! Əhwu əfyyaŋ ka əbyyo tyog tuza baka dag. Ba byo əna yed ənied fi zənaŋ Əgwaza mbyyaŋ Kristi di nyyo tyog dunduŋ bə ngu ndyyo ci kwob jyyuŋ. ⁷ Jen əzə ndyyo ci kwob jyyuŋ ji ba ntyag ni, əba fərəg əgwam utənyiraŋ wu bɨ hwo gu ku ə wod. ⁸ Əba wurug ə shyyo ced kɨ lyyen nŋwab na bə dunio bə nfam nnay dunio na kəkəb. Əna tuŋ dunduŋ Gog bə Magog ulwo unyyuŋ dɨ kwan zwaŋ. Shi ba ku na di naŋ shi jinjag əywi ni. ⁹ Basɨ səraŋ əpyo ba bə nfam dunio na, bâ ləb uyid nzwaŋ tuza nnwan Əgwaza na bə gbəndaŋ ukəraŋ əwo ə cad bəd ni. Əwod ga ndoŋ sɨ gud ə wurug ə nyyo tuza əba hyay ba. ¹⁰ Iblis wu, wo əku lyyen ba ni, əsɨ jib gu bumi ga jijyad ndoŋ wo ya bəd ni. Ulwo əkyo əkə njib ga kətug nnyam mbyyaŋ ətɨ lyyad əŋwwad Əgwaza bwoy əlyem wu ni. Əzə ba na nsswo ubuŋ bɨ zwod tutug bə tənwam nyyo nini tɨnad jen saŋ sɨsag. 1 Kukwo nsɨ di ga jijyad cug tyog, bə ətyo əwo nswan ni. Dunio ku bə tuza ji sɨ tyoŋ gbaŋ kəyəw duyi ji ka. Əwod əsɨ ya mbyyo ulwo əkyo na nɨ ntyoŋ nnad ni dag. 2 Nsɨ di nkwom, nshin saŋ nced bə ənied nced, naŋ ba yoŋ duyi ncug tyog əzə. Ə̀sɨ nyyib nkwa twaŋ na ə wod gaŋ. Kwo yed kwa twaŋ sɨced ku ni. Ənied kukwi ba əsɨ fag əlyyad na tuza nkyaŋ ənio əlyurug tuza baka bə nkwa twaŋ ənay ni, kwo twərag nkyaŋ ənio ba nyyo ni. ¹³ Əywi ka əsɨ gud əwurug bə ənied əba ka hyay ni. Əhwu ka bə Hadis bwo əsɨ wurug bə ənied əba ə shyyo mbwag bani. Əsɨ fag əlyyad tuza baka kwo twərag təŋkəy nkyaŋ ənio baku nyyo ni. ¹⁴ Əsɨ jib əhwu bə Hades bumi njog ndoŋ. Sɨkwi kukwo yed əhwu ufyyaŋ ka, uli ndoŋ əkyo. ¹⁵ Əwod kəkəb ənied əbyo lyuyorog baku nshyyo bumi Kwa sɨced ka ni dag, əsɨ jib ba bumi uli ndoŋ saŋ sɨsag.