Məta nkyaŋ ənay ni nsɨ fəg gbəndaŋ əŋwwad əswan naŋ gbəndaŋ əŋwwad dɨdɨd ənied bumi tuza ka ni nyo, "Halleluya. San, kyeŋkyay shi mbyyaŋ tyog yed shin Əgwaza zɨd. ² Fag əlyyad guku na yed cucug bə cəcərag. Naŋ gwo nfyyed əlyyad tuza gbəndaŋ kham əwo tswwud dunio ku əbyyan ba bə shɨshɨg kɨnyyo ka wu ni. Ə̀ wa kə tan ta ku tuza əswog nnwan ntəm gu na wo əbyyug əwo bə əpyo gu ə wuyem ni." ³ Basɨ bwo lyyad ufyyaŋ ka nyo, "Halleluya! Ncuŋ əna wwud nyyo bə nka nini ni na nad tuza tɨnad jen saŋ sɨsag." ⁴ Kukwo +ətad əyyi nswag nfyyaŋ bə ənay ba mbyyaŋ nkyaŋ nwad əced unay na ni usɨ myyo əbyin u kwog Əgwaza u ntoŋ wo ə swan tuza ncug tyog guji ni. Basɨ nyo ənî, "Zəm. Halleluya!" ⁵ Kukwo əŋwwad əsɨ wurug ə nyyo bə ncug tyog ji nyo, "Taŋ Əgwaza zɨ wu dɨdyeb, kəkəb nyin nnwan ntəm gu na, nyin əbyo tswoŋ uwun gu ni, bə ənied ntyog bə ənied saŋ ntyog." ⁶ Kukwo nsɨ fəg əŋwwad naŋ əŋwwad dɨdɨd ənied ni, kyo ə swan naŋ dɨdɨd əkad səhwod na mbyyaŋ ga əŋwwad tad nza ni nyo, Haleluya! Ətyə Uli Əgwaza zɨd wu ə nyyo tyog, tuza kozaŋ nkyaŋ." Yog zɨd zɨ shyyo bə əsay ntsswo mbyyaŋ nhyad bə əgway dɨ ŋwwad gu kyeŋkyay shi dənian swoŋ ya bɨ sswo ləb nyiraŋ Nzwon Tsyyeb ku maŋ bay. Əwod əbyyug əfay gu wu əkə njyi əpyo gu ə wod. ⁸ Əku kag ka bwag kâ kub ətərog əwo ya əyyi bə lilin wo ə swan mumurug ni" (Mumurug lilin wu ə fa, saŋ əbun bɨ nyyo ntəm cucug ənied). ⁹ Ətəm ntswa wu əsɨ nyo bə nuŋ, "Lyurug kyaŋ əkwi ni. Əgway əna bwwo ənied əbyo əyyi bâ nad ya bɨ sswo nyɨraŋ Nzwon Tsyyeb ku ni." Əsɨbwo nyo bə nuŋ, "Əlyyad ənay ni ə yed cucug əlyyad Əgwaza." 0 Nsɨ kwa əbyin duyi tɨtag guka dɨ nyyo gu sujada. Əwod əsɨ nyo bə nuŋ, "Yog nyyo kyaŋ ənî dag! Ngyed bə kpəndaŋ ntəm bənaŋ ŋwan ni dunduŋ bə +nənyyug aba twərag shey uham ǝlyyad Yesu na ni. Nyyo Əgwaza sujada dənian twərag cucug tuza Yesu, ikwo yed tswa lyyad nkyaŋ utswon ji." ¹¹ Kukwo nsɨ di tuza ka u nyyib. Nsɨ cyyaŋ nsɨ ndi jijyad ntsay wo shyyo əzə ni. Ətyo əwo ban ji ni ngwo ə ngyi nyyo cucug bə cucug. Dunduŋ bɨ fag əlyyab bə saŋ əbun əbwo nnyyo zwaŋ ji. ¹² Əyyi guba ə di naŋ əlyərəb ndoŋ ni, tutən əpyo guka +uzwwan bə dɨdɨd unshyyo. Əlyurug əlyorog bə ngu kyo də əyin ə lyen ni sə bə ngu. ¹³ Ə̀ kub ətərog əwo ə swom bumi əswog ni, əsɨ yyi gu əlyyad Əgwaza. ¹⁴ Dɨdɨd nnwan nzwaŋ byo ə shyyo tuza ni, ə hwi gu tuza ətyoŋ +jijyad ntsay, ə hwi lilin əwo swan mumurug ni, wo bwo yed jijyad əbwo di zɨzərag ni. ¹⁵ Bumi unuŋ gu ka, tswad sɨ wurug zə ya ni bəd, izo gwo byoŋ nkwan zwaŋ ji bə nŋwab na. Ə̀na swan bɨ tyog gu ku, gwô bwo byoŋ ba bɨ shan ntswam. Əna shay ə shwi əŋway inabi na bəd bumi ga ndyen Əgwaza ətyi tyog səlləy. ¹⁶ Ə byo əyorog kyo ə́ yurug tuza ətərog mbyyaŋ əbwan tag gu wu ni: "Ə̀gwam tuza +ə́gwam mbyyaŋ Ətyo Uli tuza ənied usa." ¹⁷ Nsɨ di ətəm ntswa ə yog bumi nwam ku. Ə̀sɨ yoroŋ bə ga gbəndaŋ əŋwwad səlləy +unwan ənio utyoŋ tuza kani: "Nyi bay, nyi tuŋ dunduŋ dənian gbəndaŋ swoŋ ya bɨ sswo Əgwaza ji. 8 Bay, nyi ya +nnam ceced +əgwam, +ceced nnwan zwaŋ, ceced ənied, +nnam +tsay bə ənied əbyo ə tyoŋ tuza ba ka ni, bə nnam kəkəb +əhwo kwo ənied swan səd, ənied saŋ tyog bə ənied ǹtyog bə kəkəb ənied ba." 9 Nsɨ di ga kətug nnyam wu, bə ceced +əgwam dunio ba dunduŋ bə nnwan nzwaŋ bana. Basɨ tuŋ dənian ləb lwam kwan zwaŋ tuza ətyo əwo tyoŋ tsay ji dunduŋ bə nnwan nzwaŋ guna ni. ²⁰ Əsɨ ya ga kətug nnyam wu bə nzwaŋ ji dunduŋ bə ngu ətyi lyyad əŋwwad agwaza bwoy əlyem əwo ə twərag ənied ba nkyaŋ duyi gu ka ni. Dunduŋ bə nna əsɨ lyyen ənied əbyo əkə nsan zwunzwwo ga kətug nnyam wu ni mbyyaŋ nyyo wuwwo ji ku sujada. Əsɨ jib bə əfyyaŋ əced bumi njog jijyad ndoŋ zəfi wo ya bəd ni. ²¹ Əsɨ hyay kəkəb əkum ka bɨ tswad əzə wwud nyyo bu unuŋ ətyə əwo ə ŋhag tsay ji ni. Kəkəb +unwan na usɨ ya nkwom bana.