Dǝ mǝta nkyaŋ ǝnay ni, nsɨ di ǝtǝm ntswa ǝyyaŋ ǝ gud ǝwurug nyyo tuza. Əsɨ shyyo bǝ gbǝŋdaŋ tyog kwo sɨ cyyo dunio ku sɨ say bǝd bǝ kyeŋkyay shi ka wu. Əsɨ kpaŋ kun bǝ ga gbǝŋdaŋ ǝŋwwad nyo, "shwod kwa kwo, shwod kwa yed gbǝŋdaŋ Babila, ka bwwag cyyo ulwo nswad utǝnyɨraŋ nio. Ulwo ntǝkub kozaŋ kǝtug ntswa. Bɨ yed ulwo ntǝkub kozaŋ kətug ntswa bǝ +unwan nkag. ³ Nwad kəkəb nŋwab na sɨ sswo əkan shɨshɨg kɨnyyo kana. Ceced +ǝgwam dunio ba əsɨ nyyo shɨshɨg kɨnyyo bə nka. Ənied nzwa dunio ba shyyo zwa baji dǝnian tyog tswoŋ nyinyaŋ shɨshɨg ǝkwa kɨ ya bɨ sswo bǝ nka." ⁴ Kukwo nsɨ bwo fəg ǝŋwwad ǝyyaŋ ǝ nyyo tuza nyo, "Ənied mba, nyi wurug nyi won ka, kǝlag nyi na nkub dɨ nyyo kǝtug nyyo ka wu. Kukwo na cyyo nyî shwod shyyo zwod ka ku. Kətug nyyo ka wu əsɨ tuŋ ǝsɨ tɨnad tuza ka. Əgwaza u əsɨ jyuŋ kǝtug nnyyo kawu. ⁶ Bwwag â tan ta nkyaŋ ǝnio ka nyyo ǝyyaŋ ǝnied ndyo ni. Nyi tan ta kaku cyyan ufyyaŋ tuza kyaŋ ǝkwo ka nyyo ni. Bumi nkay əzo ka nsu ni, nyî mɨn nyyo ka ndyo cyyan ufyyaŋ. ⁷ Naŋ ku ndyeb ǝpyo ka bɨ nyyo swad tswoŋ nyinyaŋ əpyo kani, sǝ â joŋ ka sswo zwod bǝ byyan ntsswo. Nwad, u nyyo ni bumi ntsswo kaka, 'Nswan naŋ ǝbyyug ǝgwam ni, ngyed kpǝnyyug dag dǝ nuŋ ǝ nna di unag ǝhwu dag." ⁸ Kukwo mbyyo bumi nwam nyyuŋ, zwod ka ku na bay naŋ ǝhwu, unag ǝhwu bǝ ǝworomǝnde ni. Loŋ ku na ya ka tyag dǝnian ǝka Ətya Uli Əgwaza ǝ mbyyo ced. Əsɨbwo yed ǝtɨ fyyed əlyyad tuza ka ka." ⁹ Kǝkǝb +ǝgwam dunio ǝbyo ǝku nkub dɨ nyyo shɨshɨg kɨ nyyo wu bǝ nka ni ǝwod basɨ tǝyyeb dunduŋ bən ka ni. Bana kpaŋ nkun də njen ǝzo ba ndi ncun ndoŋ ǝnio ya kani. ¹⁰ Bana yoŋ bǝ zan ǝzǝw bɨ uwun tuza sswo ubuŋ ǝkyo shyyo kani. Bana nyo, "Ubuŋ, ubuŋ tuza gbəndaŋ ukəraŋ Babila əwo dam nyo əbyyo ced bəd ni,, bumi tswam jyyuŋ ubuŋ una tug a. ¹¹ Ənied əbwwaŋ swanta əbay ni na twi bɨ byyan tsswo dənian gu ka. Də əyin ə bwo nshyyo əna kway nkyaŋ əna naŋ ba lyay ni dag. ¹² Ənied lyyay nkyaŋ əna yed; əshoŋ nfaŋ, mimyad nfaŋ, sham nfaŋ, usham wulyin, əshoŋ uli, sarki bə ətorog əba bwoy shoŋ ni, nkyaŋ əna ə shab bə nkwon əna byyo ətan swam ni, nkyaŋ əna nyyo bə nyunyuŋ zwwom ni, nkyaŋ əna ə shab bə nkwon əna byyo kurum ni, əshoŋ ntswam, bə nkyaŋ əna ə nyyo bə sheshyed nfaŋ ni. 3 Ba ku mun ə kway sɨnemon, kyaŋ yaji, ətan swam ndoŋ, mur, luban, əsəhwod ənab, hyew zaitun, lilyid nhwwo alkama, tswa alkama, nyag, zwon ntsyyeb, tsay, keke ntsay, bɨ sswan əniebɨshyi bə +əhwo ba. ¹⁴ Əsum əkyo a cad bɨ kəkəb ced aku ni, ə tyag ŋwan a. Kəkəb nkyaŋ shisham mbyyaŋ nkyaŋ fəg nyinyaŋ na tyag ətəyurug, abu na shyyo na dag. 5 Ənied əbwwaŋ əbay ni, byo nyyo zwá bə əbwwaŋ wu bə ngu ni, bana hwwad ə yoŋ bə gbaŋ əzəw. Bana fəg uwun bə gbəndaŋ sswo ubuŋ bə ngu. Bana twi unag əhwu bâ swan bɨ byyan tsswo. 6 Bana nyo, "Ubuŋ, Ubuŋ tuza gbəndaŋ ukəraŋ əwo əkub gu bə +ətərog əbyo yed ni, byo byyo əŋway jinjog ntswon shin əgwam ni, byo ə jyi bə əshoŋ əfaŋ mbyyaŋ usham nfaŋ ni. ¹⁷ Bumi lwi tswam jyyuŋ, kǝkǝb zwa ka ji sɨ byyan. Kozaŋ ǝtyǝ cib gbəndaŋ jirgi sǝhwod, bɨ ənied ŋwway ba, ǝnied cib ba mbyyaŋ kǝkǝb ǝnied ǝba ǝ shyyad nkyaŋ byyaŋ dɨ nyyo swad swanta byo nyyo bǝ ǝywi ka ni, basɨ yoŋ bǝ zan ǝzǝw. 8 Basɨ kpaŋ kun naŋ ba ndi ncuŋ ndoŋ ənio ya ka ni. Basɨ nyo, "Zaŋ təŋkəy ukəraŋ kyo naŋ gbəndaŋ ukəraŋ əwi ni?" ¹⁹ Basɨ hwwod mbyin bə pipyo baku, basɨ twi bɨced, ə gwoŋ nkun unag əhwu bɨ byyan tsswo. Basɨ nyo, "Ubuŋ, ubuŋ tuza gbəndaŋ ukəraŋ əwo kəkəb ənied əbyo gbəndaŋ +kukwon səhwod wo ba nshyyad zwa ba ji ni. Nwad, bumi lwi tswam jyyuŋ əsɨ təsherag ka." ²⁰ "Yog tuza ka u gway dənian ka, nyin ənied ŋwwag cucug, +əgwag ntəm Yesu, mbyyaŋ ənied əlyyad əŋwwad Əgwaza ba. Nwad, Əgwaza ə fyyed əlyyad tuza kaka naŋ ka nnyyo nyin ndyo ni!" ²¹ Gbəndaŋ ətəm ntswa əku kyag əfaŋ əkyo di naŋ nan kwaŋ ni, əsɨ jib ka bumi əywi ka nyo, "Bə ənnyǒ bwo gbəndaŋ ukəraŋ Babila wu ənə ntǎ ka əbyin bɨ ced, də bâ bwo na di ka dag. 2 Ŋwuŋwwad ənied əbyo tswod zunzwom ucyyoŋ ni, bə ənied bubwom ba, ənied hyab zunzwug mbyyaŋ ənied hyab +gugwa ba, əbu na fəg nkyaŋ ənay bə nka dag. Əbu na mbyyo ətyə əwo byyo ntəm mbwag bumi ka ni dag. Də bâ na fəg kwaŋ bɨnan bə nka dag. ²³ Əbu na di say ndoŋ bə ŋwan dag. Də bâ bu na fəg ŋwuŋwwad əgway əbyyug mbyyaŋ ətyog ləb nyɨraŋ bə ŋwan dag. Nwad ənied əbwwaŋ a ba əku əyed nnwan əgwam na bə dunio ku, mbyyaŋ nyyo tuntug aku, asɨ ndyyen nŋwab na cyyo uyid. 4 Bumi ka ka, əsɨ nshyyo əswog ənied əlyyad əŋwwad Əgwaza ba mbyyaŋ ənied əba ŋwwag cucug ni mbyyaŋ ənied əbyo ə hyay bə dunio ku ni."