¹ Ətyə nyyuŋ bumi +ətǝm ntswa natad ba wo ku byoŋ +cyicyo natad na ni, əsɨ nyo bǝ nuŋ, "Bay, nnǝ tag a tǝŋkəy fyyed ǝlyyad zwod tuza gbǝŋdaŋ kham ǝwo swan tuza +sǝhwod na ni. ² Dǝnian ka kyo ceced +ǝgwam dunio ba ǝkɨ nyyo shɨshɨg kɨnyyo bǝ nka. Gbǝŋdaŋ kham ǝwo sɨ cyyo ǝnied dunio ba sɨ hyoŋ əkan shin yed +uləm nio." ³ Kukwo ǝtǝm ntswa wu sɨ kyag n ǝ nkad ndyo bǝ ǝhwwod uyid wu bumi Ntswa. Əzǒ nsɨ ndi ǝbyyug ǝ swan tuza ǝshwoŋ nyam zo byyo yuyorog sàbó ni. Kǝtug nyam wu sɨ byyo pɨpyo natad bǝ gugwa swag. ⁴ Əbyyug ǝwo sɨ kub +ǝtǝrog shunayya bǝ ǝshwoŋ garura. Kasɨ bɨ ghab gɨghab bɨ kub nkyaŋ zinariya bǝ nfaŋ ya ǝyyi mbyyaŋ lù u-lù ai. Kasɨ byoŋ bǝ mbwag kaku tasa zinariya kyo nhyad bǝ nkyaŋ nkag mbyyaŋ shɨshɨg kɨnyyo bǝ nka. ⁵ Əsɨ ndyurug bǝ ukpəraŋ kaka ǝyorog kyo əniad kyaŋ ǝkwo ka fa ni. "Gbəŋdaŋ Babila wu, wo yed ǝyaŋ +kham ji bǝ nkyaŋ nkag bǝ dunio ku." ⁶ Nsɨ di naŋ ǝbyyug ǝwo ǝ hyoŋ bǝ ǝswog nnwan Əgwaza na bǝ ǝswog ǝnied ǝbyo ǝ hyay dǝnian Yesu kyo ni. Nsɨ cyyo bǝ kwod bǝd naŋ ndi ka ni. ⁷ Əwod ǝtǝm ntswa wu sɨ nyo bǝ nuŋ. "Yag ǝ mbyyo a nnyyo kwod? Nnǝ twǝrag a kyaŋ ǝkwo ǝyorog ǝbyyug ǝkay ni ǝ fa ni mbyyaŋ kyaŋ ǝkwo ǝshin ga kətug nyam ǝzo ka nswan ni ǝ fa. Ga kətug nnyam ǝwo sɨ byyo pɨpyo natad bǝ gugwa swag." ⁸ Ga kətug nnyam əwo aku di ni, kə nshyyo nini dag. Əwod ǝ bwad kpəkpəg ǝ gud ǝwurug nyyo bǝ gɨ bwoŋ saŋ sɨsag ji. Kukwo na nkad byyan +ulwo na. Ənied ǝba ǝ swan bǝ dunio ku ni, mmantug ǝnied ǝbyo ǝkǝ ndyurug yuyorog baku bumi kwa twaŋ sɨced ku nyyo bǝ utsa ǝtyin swanta ka ni. Ba na sag mbwag tunuŋ dɨ nyyo kwod naŋ ba bwo na ndi ga kətug nnyam ǝzo bu nshyyo ǝced ni. Zo nshyyo nini ni dag ǝwod ji bwad kpəkpəg jî bwwog bay. Sɨkwǐ ni yyi ǝtyǝ cug dam gwô byyo tsutswad. Pɨpyo natad ji ku yed +tswog natad byo ǝbyyug ǝwo ǝ nswan ni. 0 Basɨ bwo yed ceced +ǝgwam ǝtswoŋ ǝkǝ nshwod, ǝnyyuŋ ǝ nshyyo, ǝnyyuŋ wu ǝkǝ mbay dag. Kǝ ǝba bay, ətə ba nshyyo bǝ adɨday njen. ¹¹ "Ga kətug nnyam ǝzo ku nshyyo ǝwod nini ji nshyyo dag. Izo bwo bǝ ǝpyo ji yed ǝgwam unaymbwag wu. Əwod ji zo yed ǝnyyuŋ bǝ +ǝgwam natad ba, ji corob nyyed ǝhwu. ¹² Gugwa swag ǝkwo aku di ni yed +ǝgwam swag ǝbyo ǝkǝ nsan ulwo tyog bana dag. Əwod bana san tyog dɨ yed +ǝgwam bǝ tswam nyyuŋ dunduŋ bǝ ga kətug nnyam wu. ¹³ Bumi tsswo nyyuŋ, bana ŋwwag ga nnyam wu ced bɨ tyog baku. ¹⁴ Bana wurug dɨ nyyo zwaŋ tuza Zwon Tsyyeb ji. Əwod Zwon Tsyyeb ji ǝna ya ba bǝ nzwaŋ ji dǝnian ǝka ngwo yed Ətyə Uli ǝnied usa ba mbyyaŋ gbaŋdaŋ Əgwam tuza +ǝgwam ba. Dǝnian gu ǝkyo ǝ mbyyo əsɨba ǝkǝ ngyoroŋ ni, byo ǝku khay nyyo bɨ kay nnyyo mbyyaŋ ǝsɨba kwog cucug ni." ¹⁵ Ətǝm ntswa wu sɨ nyo bǝ nuŋ, "+sǝhwod ǝnio a di dulwo ǝna gbǝŋdaŋ kham wu ǝ nswan ni, yed ǝnied byo, ǝkpa ǝnied, +ukəraŋ bǝ lɨlyem kwo. ¹⁶ Gugwa swag byo aku di ni, ba byo mbyyaŋ ga kətug nnyam wu ǝna lag di kham ǝzo. Bana bwwag ulwo nswad kaka ncyyo bubwad dɨ cyyo ka kǝgbyaŋ. Bana fǝw nam kaku ǝwod bâ fi ka bɨ loŋ kǝkǝb. 7 Əgwaza ǝwo ǝwa kǝ ncyyo ntsswo bana dɨ nyyo bɨ kyaŋ ǝkwo ba kyag dɨ ŋwwag ga kətug nnyam wu tyog baku. Sǝnaŋ +swaŋ ǝlyyad Əgwaza na nyyo kyaŋ ǝkwo gwo cad nyyo ku ni. ¹⁸ Əbyyug ǝwo aku di ni ǝ yed gbǝŋdaŋ ukəraŋ əkyo nyyo tyog tuza kǝkǝb ceced +ǝgwam dunio ba."