Nsɨ fəg gbəndaŋ əŋwwad əyoroŋ ə nyyo bə gbəndaŋ Uli Dyeb Əgwaza u mbyyaŋ +ətəm ntswa natad ba nyo, "Nyi nkad nyî weyem tuza dunio ka nkyaŋ ənio shyyo bumi +cyicyo natad ndyen Əgwaza ba." ² Ətəm ntswa əwo tsa wurug ə nkad ni əsɨ wyyem kyaŋ əkwo shyyo bumi +cyicyo gu ku bə dunio ku. Ga bɨbyyo fɨfəd əbyo pyyem ni sɨ gud əwurug tuza ndwam ənied əbyo kə san alama ga kətug nzwag nnyam wu basɨ bwo kwog wuwwo gugwwug nkyaŋ shab agwaza ji ji ntoŋ ni. ³ Ətyə ntswa əfyyaŋ wu sɨ ma wyyem cyicyo gu ku bumi əywi ka. Isɨ bwwag cyyo əswog ənio di naŋ əswog kwom ətyɨbɨshyi ni. Əwod kwo yag ə shyyo əced bumi əywi ka sɨ hwu. ⁴ Ətəm ntswa ətad wu sɨ wyyem kyaŋ əkwo shyyo bumi cyicyo gu ku bumi ncen bə ulwo əna səhwod ə gwwud əwwud ni, basɨ bwwag ə cyyo əswog nio. ⁵ Nsɨ fəg ətəm ntswa shin +səhwod na nyo, "Ŋwan ə yed Ətyə Uli saŋ əbun. Ətyə əwo shyyo nini ni, wo ku shyyo gbaŋgbaŋ ni bə əsɨ əwo təbay ni. Dənian əka əkə fag əlyyad tuza nkyaŋ ənay ni. ⁶ Bənaŋ baku nguyyem əswog nnwan Əgwaza na bə ənied əlyyad əŋwwad Əgwaza ba, a ma ŋwwag ba əswog basɨ sswo, ku sɨ nkwa bə mba cəcərag bəd." ⁷ Nsɨ fəg əgān fi zənaŋ wu sɨ shim nyo, "Î, Ətyə Uli Əgwaza səlləy, a nyyo cucug bɨ fag əlyyad a ku dɨ yed ətyə saŋ əbun." Ətəm ntswa ənay wu əsɨ weyem kyaŋ əkwo shyyo bumi cyicyo gu ku tuza nwam ka. Əsɨ kag gu bwag gwô pyyem ənied ba bɨ loŋ. Shway ndoŋ ku sɨ kpyyem ba bəd. Dənian ba kə mbyyan əyorog Əgwaza ka bə sabo, gu əwo nyyo tyog tuza annobəy əbay ni. Basɨ ya nnay Əgwaza U ə yurub ba ndyo dag, də bâ ŋwwag gu kyeŋkyay shi dag. 0 Kukwo ətəm ntswa ətswon wu sɨ weyem kyaŋ əkwo shyyo bumi cyicyo gu ku tuza cug tyog ga kətug nzwag wu, ga ndyin sɨ ka nkub tyog guku. Basɨ nyway lɨlyem baku bə nyinyuŋ ba dənian zwod əkwo ba tswoŋ ni. ¹¹ Basɨ byyan əyorog Əgwaza tuza ka dənian zwod bə bɨbyyo fɨfəd byo pyyem ba ni. Əwod basɨ kɨ lag nay Əgwaza u ə yurub ba nkyaŋ əna ba kə nnyyo ni. ¹² Ətəm ntswa utâ wu sɨ weyem kyaŋ ǝkwo shyyo bumi cyicyo gu ku bumi ga gbəndaŋ ncen Yufiretis wu. Səhwod cen ənio sɨ hwwod dənian ə ga jyi lwag əkwo +Əgwam əbyo əna nnyyo ətyin əbay ni. 3 Nsɨ di kətug ntswa ətad byo di naŋ +ləmaŋ ə gud ə wwud bə +unuŋ ga kətug nyam wu, ga kətug nnyam wu mbyyaŋ ətyə lyyad əŋwwad Əgwaza əshin bwoy əlyem. ¹⁴ Ba byo ə yed +ntswa +utənyiraŋ byo kɨ nyyo nkyaŋ nɨtyog ni. Baku wurug ə nyyed bə cəcəd +əgwam kəkəb swanta ba ə ga tuŋ ba dunduŋ dɨ nwam kwan zwaŋ bə gbəndaŋ nwam Əgwaza səlləy. 5 "Di la! Ntəbay naŋ ətaŋ ni! Əgway ə shyyo dunduŋ bə ətyə əwo swan bɨ cam bə +ətərog guba zəzərag kəlag gwo ba nkad kəgbyaŋ, ə ga di nkyaŋ nsum ənio shyyo guna. ¹⁶ Basɨ bay bə mba dunduŋ dulwo əkyo ə ngyi Armagiddon ni bə nŋwab Yahudawa ji. ¹⁷ Kukwo ətəm ntswa natad wu sɨ weyem kyaŋ əkwo shyyo bumi cyicyo gu ku bumi ngun tuza. Gbəndaŋ əŋwwad əsɨ gud ə wurug nyyo bə Gbəndaŋ Uli Dyeb Əgwaza ka bə cug Tyog guji nyo, "Ətyag!" ¹⁸ Əsɨ nyyo mimyyad say, tad nza bə gbəndaŋ tyɨrɨm əbyin. Taŋkay tyɨrɨm əbyin əkwi ni sswag kozaŋ ku kwo ətyibɨshyi bə dunio əkwi ni əkə ndi ni. Shi tyɨrɨm əbyin ku sɨ ya uwun bəd. 9 Gbəndaŋ ukəraŋ wu əsɨ tyəraŋ ə mbwwo nfam ntad. +Ukəraŋ ənied əkag na usɨ shwod. Əgwaza əsɨ jyuŋ bə gbəndaŋ Babila wu, əsɨ ŋwwag ukəraŋ əkyo kay əzə nhyad bə əkan ənio əkə nnyyo bumi ga ndyen Əgwaza na bəd. ²⁰ Kozaŋ ulwo nswad əkyo əywi ə kərag əbwwag ni, sɨ təyud. 1 Cəcəd nfaŋ tyyen byo swan kpəb na sɨ yed talanti ənyyuŋ ni, əsɨ shwwod əkwoy tuza ənied ka. Basɨ shyi Əgwaza u dənian əka gwo təm bə mba annoba tyyen bəd ni.