¹ Nsɨ di ga kətug nyyam ǝ gwud ǝ wurug bǝ ǝywi ka. Ə byyo pɨpyo swag bǝ gugwo swag. Uzwwan tyog swag sɨ shyyo tutǝn gugwa ka. Əwod kozaŋ ǝpyo usɨ byyo ǝyorog sabó bǝ nka. ² Kətug nyam ǝji ni sɨ di naŋ cwwo ni. Tɨtag guba sɨ di naŋ zad ni. Unuŋ guka usɨ di naŋ unuŋ əgwam uyid ni. Gbǝŋdaŋ kətug nzwag wu ǝsɨ ŋwwag kətug nyam ǝzo ced bɨ tyog mbyyaŋ ced nyyǒ tyog guku. Əpyo kətug nyam jyyuŋ usɨ wurug twǝrag eye ǝ hyad ji ni. Ə wod ǝsɨ wa corog ga nfǝd wu. Kǝkǝb ǝnied swanta basɨ cyyo kwod dɨ gag ǝkwo ə nhwi kətug nyam ǝzo ni. Basɨ nyyo gbǝndaŋ kətug nzwag wu sujada naŋ gwo kǝ nŋwwag ku mbwag kətug nyam ǝzo ni. Basɨ nyyo ga kətug nnyam ǝwo sujada. Basɨ ya uswon bɨ nyo, "Ənnyan ǝ maŋ a di naŋ ga kətug nnyam ǝwi ni?" "Ənnyan ǝ ǝmay ǝ kwan bǝ nji?" ⁵ Əsɨ ŋwwag ga kətug nnyam ced lyyad bǝ unuŋ ji ka ǝŋwaŋ ǝlyyad sɨn kɨ nyyo sabó. Əsɨ ŋwwag ji jen zwad nswag nnay bǝ ǝfyyaŋ dɨ nyyo tyog ku. Kukwo ga kətug nnyam ǝwo ǝsɨ nyyib unuŋ ji ka dɨ kɨ lyyad tuza byyan əyorog Əgwaza u. Əsɨ kɨ nyyo byyan ǝyorog Əgwaza ka, bǝ ulwo ǝka gwo nswan ni mbyyaŋ ǝnied ǝbyo ǝ swan bumi tuza ji ni. ⁷ Kukwo gbǝndaŋ kətug nyam wu ǝsɨ shyyo jen ǝ kwan zwaŋ bǝ nnwan Əgwaza na, ǝwod ǝ ya ba bǝ nzwaŋ ji. Əsɨ bwo joŋ ji ced tuza kozaŋ nŋwab, ǝnied, ǝlyem bǝ +ukəraŋ. ⁸ Kǝkǝb ǝnied ǝbyo swan bǝ dunio ku ni sɨ kwog ji ntoŋ, konyan ǝ dǝ ǝkǝ ndyurug ǝyorog guka bumi kwa ǝlyyad sɨced sɨn Zwon Tsyyeb ǝzo ǝkǝ nhyad ni nyyo bɨ kay nnyyo bɨ nwad swanta ku. ⁹ Kǝ ǝyin ə byyo tsutsswo, yog gwo ə tswoŋ. ¹⁰ Kǝ ǝsɨ kyag əyin ǝ nkad ndyo dɨ yed ǝhwo, ǝnɨ nad nyyo ǝnied ukǝraŋ ǝbyo hwo. Kǝ ǝsɨ ma hyad əyin bɨ tswad, tswad zo bwo ǝna nhyad gu. Əji ǝ ǝ ngyi nyin dɨ gba ǝpyo bɨ yab tsswo mbyyaŋ ŋwwag tsswo nyin əbyo ǝ yed zɨzərag ni. ¹¹ Kukwo nsɨ mo di ga kətug nnyam ǝyyaŋ ǝ gud ǝ wurug bǝ dunio ku. Ji ku byyo gugwa fyyaŋ naŋ zwon tsyyeb ni. Ji sɨ lyyad naŋ ga kətug nzwag ni. ¹² Ji sɨ twǝrag ga nced duyi ji ka bǝnaŋ ǝ kwog uswon ga kətug nyam wu ni. Ji sɨ cyyo dunio ku dunduŋ bǝ ǝnied ǝbyo nswan ni kwog ji ntoŋ, wo ǝku corog nkun guna dǝ unuŋ ǝhwu ni. ¹³ Ji sɨ nyyo ga ceced nkyaŋ nɨtyog. Ji sɨ cyyo loŋ sɨ gud wurug nyyo tuza bay ǝbyin duswon ǝnied ka. 4 Tuza kyaŋ ǝkwo ǝ kag ji bwag dɨ twərag ku ni, ji sɨ lyyen ǝnied bǝdɨdɨd ə cyyo uyid. Ji ku tag ǝnied ba ǝ shab gugwwug agwaza dɨ ŋwwag ga kətug nzwag ǝwo tswad ku cyyo gu ga nfǝd wu ni, ǝwod ji sɨ shyyo ǝced nî shi. ¹⁵ Əsɨ kag ji bwag jî ŋwwag wuwwo kyaŋ gugwwug agwaza kyo ə shab sɨn zwag ji ni sswan, jî ga lyyad dɨ yoroŋ kǝkǝb ǝnied lag kwog kətug zwag ji ntoŋ, jî hyay ba. ¹⁶ Ji sɨ bu cyyo konyan tɨlɨd kwo, ǝcwaŋ bǝ cəcəd, kunag bǝ ǝnied nzwa, ǝhwo bǝ ǝsɨba swan sǝd ni, bâ san alama ji wu bǝ mbwag yag kwo bǝ ukpəraŋ bana. ¹⁷ Ji sɨ ŋwwag doka nced bəd, zo ǝyin ǝmay san kwo lyab kyaŋ dag sǝnaŋ ǝnû ǝbyyo alama kətug nzwag wu kyo twǝrag ǝyorog ji ka ni. 8 Sɨkwi ni cad tsutswad Əgwaza kwo. Kǝ ǝyin ǝ byyo fɨg nkyaŋ, yog gwo twaŋ lǝmba ga kətug nzwag ku. Lǝmba ji ku yed sɨn ǝtyɨbɨshyi kwo. Lǝmba ji ku kukwo yed 666.