¹ Əsɨ di gbəndaŋ alama bumi tuza ka: Əbyyug əwo ə kub gu bu nwam ni. Əwod dunduŋ bə zwad ji utag tɨtag guka. Bə +uzwwad tyog təngwad swag bə əfyyaŋ bə əpyo gu ka. ² Əsɨ shyyo bɨ shyyo əkwo cyyo gwo kpaŋ nkun nzwod unag mbyin ni. ³ Kukwo əsɨ bwo di alama bumi tuza ka: Di la! Əku byyo gbəndaŋ əshwoŋ nzwag əwo əku byyo pɨpyo natad bə gugwa natad ni. Əsɨbo byyo +uzwwad tyog natad bə pɨpyo gu ku. ⁴ Lɨm guku sɨ lyyan əkpa ənyyuŋ bumi cyyan utad bə +təngwad tuza na ə cyyog ndyo əbyin. Ga kətug nzwag əwǐ ni əsɨ yoŋ duyi əbyyug əkay wo əsɨ cad byin ni. Dənian ə tswoŋ jen byin gu ji, gwô ga hyad gu nŋgwon ka. ⁵ Əsɨ byin ŋgwon əsam əkyo wo na nyyo tyog tuza kəkəb bɨbyin ənied ku bu bwag ntswam. Əsɨ təwob ka ənad ndyo bə Əgwaza u dulwo cug tyog gu ji. Əbyyug əwo əsɨ tyoŋ ənad uyid dulwo əkyo Əgwaza əwa kə njyi əsag gu ndyo ni. Əzǒ əna ncog gu tɨnad nnwam ci kwob jyyuŋ bə cyi shwaŋ bə nswag utâ. ⁷ Nini əku byyo zwaŋ bumi tuza ka. Ətəm ntswa Mikailu bə +ətəm ntswa ntəm gu ba, basɨ kwan zwaŋ bə ga gbəndaŋ kətug zwag əwo. Gu ga kətug nzwag əwo bwo bə +ətəm ntswa ntəm guba sɨ ma ndərog kwan nzwaŋ bə Mikailu bə əshin guba. ⁸ Əwod ga kətug nzwag əwo əsɨ ya mbyyo ced ya zwaŋ ji dag. Kukwo gwo sɨ ka ndyin ulwo nswad bumi tuza ka mbyyaŋ +ətəm ntswa guba. Ga gbəndag kətug nzwag əwo ə ngyi Iblis kwo huhwob nzwag əwo əbwo yed əgwam utənyiraŋ mbyyaŋ +ətəm ntswa guba, əkɨ lyyen ənied swanta ba, əsɨ ta ba əbyin. ¹⁰ Kukwo nsɨ fəg gbəndaŋ əŋwwad ə nyyo tuza nyo: " Nini san ku maŋ mbay, bɨ ced bə cug tyog Əgwaza zɨd ji mbyyaŋ shin tyog Kristi ji. Ətyə əwo əkɨ tyam +nənyyug zɨd ba tutug bə tənwam duyi Əgwaza zɨd ka ni, ə maŋ ə ta gu əbyin." ¹¹ Basɨ ya gu bə nzwaŋ ji dənian əswog Zwon Tsyyeb ji mbyyaŋ ced shey əlyyad bana. Dənian ba twərag cad əpyo baku dag had tɨnad əhwu. 2 Bə ənnyǒ, sə nyî twərag əsay ntsswo kəkəb nyin +tuza na mbyyaŋ kəkəb nyin əbyo swan bumi bana ni. Əwod sswo ubuŋ shyyo bə dunio ku, bə əywi ka dənian əka əgwam utənyiraŋ ə ncwwog əbay əbyin bə nyin ni. Ə nhyad bɨ tyɨrɨm lwam uwun swan əkug, naŋ gwo ndyen ə bwad bə adɨday njen kyo. 3 Naŋ gbəndaŋ kətug nzwag wu ə nfɨg ə nta gu bə dunio ku ni, əsɨ tyoŋ əcad əbyyug əwo ku byin ŋgwon əsam ka ni. 4 Əwod əku ŋwwag əbyyug əwo nfyyeb nfyyaŋ əshin gbəndaŋ əgwoŋ kwo byyaŋ gu ə fub ənad dulwo əkyo əwo kə njyi gu ndyo bumi uyid ka ni. Əna shyyo əzǒ ə ga cog gu bə a njen, bə ga njen bə əkum njen kyo. Jen əzo naŋ zwag ji nshyyo dag. 5 Səhwod əsɨ gwud əwurug bu unuŋ ga kətug nzwag əkyo naŋ cen ni, wo əna cyyo səhwod na ə nhyad cen ku ə byyo əkad səhwod nio əna pəd əbyyug əwo ə nkad dyo ni. ¹⁶ Əwod dunio ku sɨ byyaŋ əbyyug əwo. Dunio ku sɨ ŋab unuŋ ka ka usɨ nŋwan cen əkwo gbəndaŋ kətug zwag wurug ndyo bu unuŋ guka ni. 7 Kukwo gbəndaŋ kətug zwag wu əku fəg əkug tuza ŋway shyyo əbyyug wu. Əsɨka nkad nyyo zwaŋ bə əkum ənied byin əbyyug əkwo, byo əhwi dokoki Əgwaza ji mbyyaŋ nyyo kyaŋ əkwo Yesu ə cad ni. ¹⁸ Kukwo gbəndaŋ kətug zwag wu əsɨ yoŋ tuza jinjág cen ji.