Ənied ǝbyo ncad bǝd ni, nyi yog san kozan tswa dag, sǝ naŋ nyi mag +tswa ji nyi sɨ di kǝ ji nyyo bə Əgwaza tuza u, nwad, ǝnied lyyad ǝŋwwad Əgwaza ǝlyem ba ŋwwo bə swanta ku. I kwo nyi nɨ ndyen tswa Əgwaza ji. Kozan tswa əzə shim nyo Yesu Kristi ǝ̀ bay bumi lwam ni ji nyyo bǝ Əgwaza. Kəkəb tswa əzə nyi fəg ji nyo dǝ ji shim nyo Yesu ə nyyo bɨ lwam Əgwaza ni dag, mbyyaŋ +tswa əzə dǝ naŋ ji shim Yesu ni dag ji yed +nəndwan Əgwaza, byo nyi fəg nyo ba təbay ni, əkan bay, bə Dunio ku nini. Nnwan ənio ncad bǝd ni, byo ə nyyo bə Əgwaza ni, nyi kə ncyyo ba ǝbyin, nwad ǝtyo əwo ə shyo bə nyin ni ə shi ə̀ sswag ǝtyo əwo ə shyo bə Dunio ku ni. Ba yed ǝshin Dunio byo; nwad kyaŋ əkwo ba lyyad ni ku yed shin Dunio, Dunio ku sɨ tsswoŋ ba. Zɨd yed ǝshin Əgwaza byo, konyan ǝ lyen Əgwaza u ǝ̀ tsswoŋ zɨd. Ə sɨ wo də ǝ yed ǝshin Əgwaza ni dag, ǝ tsswoŋ zɨd dag. Ənyo naŋ zɨ nfɨg tswa cucug ji mbyyaŋ tswa ǝlyem ji. Ənied ǝba ncad bəd ni, zɨ cad ǝyyaŋ, cad ku nyyo bə Əgwaza, konyan ǝ twarag cad ǝ̀ yed byin Əgwaza, mbyyaŋ ə sɨ lyen Əgwaza u. Ətyo əwo dǝ ə byyo cad ni ǝ̀ lyen Əgwaza u dag. Nwad, Əgwaza yed cad. I kwo mbyyo ǝ́ ntwərag cad Əgwaza ku bumi zɨd ka, Əgwaza ə̀ təm bə ŋgwon unyyuŋ gu ka bumi swanta ka zɨ nshyo ǝ cǝd dǝnian guka. 0 Sɨkwi yed cad kwo, zɨ byo cad Əgwaza dag. Əgwaza ǝ cad zɨd ikwo gwo ntəm bǝ ŋgwon gu ka u bay u yurub kətug zɨ ku. 1 Ənied ǝ ba n cad ni, kə Əgwaza ə cad zɨd ǝni, ǝnyo ku myim zɨ ncad ǝyyaŋ. 2 Əyin ə kə ndi Əgwaza u dag, kǝ naŋ zɨ cad əyyaŋ, Əgwaza u ə shyo bə nzɨd, cad guku sɨ swan shənsham bumi zɨ ka. 3 Ənyo naŋ zɨ nɨ ndyen naŋ Əgwaza u ǝshyo bumi zɨ ka zɨ sɨ shyo məngu, nwad ǝnyo gwo njoŋ zɨd tswa gu ji. 4 Zɨ di, zɨ ŋwwag cucug nyo Əgwaza ə təm bǝ ŋgwon gu ka u ba san Dunio ku. 5 Konyan ǝ shim nyo Yesu ǝ yed ŋgwon Əgwaza, Əgwaza u ǝ swan bumi guka, gu bumi Əgwaza ka. 6 Zɨ lyen, zɨ sɨ ŋwwag cucug bɨ cad ǝkwo Əgwaza u ə byyo dǝnian zɨka ni. Əgwaza ǝyed cad kwo, ǝtyo ǝwo ǝ swan bumi cad ni ǝ swan bumi Əgwaza kyo, Əgwaza u ǝsɨ swan bumi gu ka. 7 Nwad ənyo, cad ǝkwi hyad bǝ nzɨd,dɨ gag əkwo zɨ ba nshyyo gbɨgbag bɨ nwam fag ǝlyyad ku ni, nwad gag ǝkwo gwo ndi ni ǝnyǒ zɨ́d bwo zɨ ndi bǝ Dunio ku. 8 Uwun u shyyo bumi cad dag. Cucug cad u ǝ turuŋ uwun na, ǝwod uwun na u coŋ bɨ zwod. Ətyo ǝwo ǝ̀ byyo uwun ni cucug cad ǝ shyo bǝŋu dag. 9 Zɨ cad, nwad Əgwaza ǝ tsa ǝ cad zɨd. 0 Kǝ ǝyin ǝ nyo, "n cad Əgwaza u" ǝwod ǝ̀sɨ lag di +nǝnyyug gu wu, ǝtyǝ ǝlyem ǝ gwo yed. Ətyo ǝwo dǝ ǝ cad nǝnyyug gu ǝwo gwo cyyaŋ ni,ǝ na yǝw ǝ cad Əgwaza ǝwo dǝ ǝdi ni dag. 1 Doka ǝji i zǝ zɨ nyyo bǝ ngu, kwo nyan ǝ cad Əgwaza u tɨlɨd kwo gwo cad nǝnyyug gû bwo.