Konyan ǝ ŋwwag cucug nyo Yesu Kristi ǝ yed byin Əgwaza, konyan ǝ cad ǝcyo u, ǝ mun ǝ cad ŋgwon ǝka gwo byin ni. ² Əni ǝ zɨ ndyen naŋ kǝ zɨ ĉad nnwan Əgwaza na, kǝ zɨ cad Əgwaza U zɨ sɨ byoŋ ǝlyyad guna. ³ Kyaŋ ǝkwo ǝ ngyi cad Əgwaza ku ni, kukwo kwi: kǝ zɨ hwi ǝlyyad gu na. Əlyyad guna ə yed kpyərǝg dag. Konyan ǝ Əgwaza ǝ byin ǝ nɨ sswag cǝd swanta ku. Ŋwwag cucug zɨ ku ikwo cyyo zɨ sswag ced swanta ku. Ənyan ǝ sswag ced swanta ku zan bǝ ǝtyo ǝwo ŋwwag cucug nyo Yesu ǝ yed Ŋgwon Əgwaza ni. Gwo ǝ bay bə sǝhwod mbyyaŋ ǝswog: Gu Yesu Kristi, ə bay bǝ sǝhwod bǝ nyin na dag. Ə bay bǝ sǝhwod bǝ sswog. Nkyaŋ tad nyo twərag gu: Zɨzarag ntswa mbyyaŋ sǝhwod mbyyaŋ ǝswog. Sǝlləy tswa ji, mbyyaŋ səhwod, mbyyaŋ əswog na, ba ətad ba fa kyaŋ nyyuŋ. Kǝ zɨ shim kub uma niobɨshi ku, kub uma Əgwaza ku tuza Ŋgwon guka ikwo sswag bɨ ced ku. 0 Konyan ə ŋwwag cucug bǝ ŋgwon Əgwaza ka ǝ byyo kub uma bumi guka. Ətyo ǝwo dǝ ǝ shim ǝlyyad Əgwaza na ni dag ǝ kyag Əgwaza u ətyi bwoy ǝlyem, nwad ǝ ŋwwag cucug bɨ kub uma ku tuza Ŋgwon guka dag. ¹¹ Kub uma əkwo kwi: Əgwaza u ǝ ŋwwag zɨd sɨced saŋ sɨsag. Shyyo ǝkwi shyyo bumi Ŋgwon gu ka. ¹² Konyan ǝ byyo Ŋgwon ka ǝ byyo sɨced saŋ sɨsag ku. Ətyo əwo ǝ saŋ Ŋgwon Əgwaza ka ni ǝ byyo sɨced saŋ sɨsag dag. 3 N dyurug nyin nkyaŋ ǝnay ni dǝnian nyi lyen naŋ nyi byyo sɨced saŋ sɨsag, nyin ǝba ŋwwag cucug bǝ ǝlyurog Ŋgwon Əgwaza ka ni. 4 Kyaŋ ǝkwo zɨ n tswod fɨriŋ ku d'uyi guka ni ikwo kwi, Kwo yag ǝ zɨ nay gu, kwo shyo bǝ ntsswo gu ku ni, ǝna fǝg zɨd. 5 Kǝ zɨ lyen naŋ gwo tsswoŋ zɨd, kwo yag ǝ zɨ nay gu, zɨ lyen naŋ zɨ wa kǝ nshyyo kyaŋ ǝkwo. 6 Kǝ ǝyin ǝ di nǝnyyug gu wu ǝ nyyo kǝtug, kwo ǝhwu ni, yog gwo nay Əgwaza ǝ joŋ gu sɨced. Ənied ǝ byo kətug ba ku i ntay ǝhwu ni dag ba byo n dyyad tuza baka. Kətug nshyo kwo coŋ bǝ ǝhwo ni; N nyo ǝ nay tuza taŋkay ǝyin əkwo dag. 7 Sǝllǝy bwoy ǝbun yed kətug, ə byyo kǝtug ǝkwo dǝ i ntad ǝhwu ni. 8 Zɨ lyen konyan ǝ ǝbyin ǝ nyyo bǝ Əgwaza, ǝnɨ ya uswon bǝ kətug dag. Ətyo ǝwo ǝ byin nyyo bǝ Gwaza u ni, Gwaza u ənə ghab gu, utǝnyaraŋ ka u yew byərǝm gu dag. 9 Zɨ lyen zɨ nyyo bǝ Əgwaza, swanta ku sǝllǝy sɨ shyo mbwag utǝnyaraŋ ka. 0 Zɨ lyen naŋ Ŋgwon Əgwaza ka u kǝ mbay u sɨ cyyo zɨ fɨg ǝtyo əwo yed cucug u ni. Zan bǝ ənyo, əmgbəm zɨ shyyo bǝ ǝtyo ǝ wo ə yed cucug u ni, bə Ŋgwon guka Yesu Kristi. Gwô yed cucug Əgwaza u mbyyaŋ sɨced saŋ sɨsag ku. 1 Nnwan na, nyi tyoŋ zan ǝzaw bǝ ki hwi nkyaŋ shab.