Nyi di taŋkǝy cad ǝkwo ǝcyo u ǝ twarag zɨd had ǝ́ ngyi zɨd nnwan Əgwaza na ni, zǝm, ǝnyǒ zɨ ngyed. Dunio ku lyen zɨd dag nwad ku bɨ lyen Əgwaza u dag. Nsag ǝlyo mba nini zɨ yed nnwan Əgwaza, ǝ kə ntwarag zɨd kyaŋ ǝkwo zɨ nɨ yed duswon ni dag, zɨ lyen kə kristi ǝ ba bay, zɨ ba di gu bǝ naŋ ŋwo ndi ni. Kwo nyan ǝ byyo tswaŋ tsswo tuza Kristi ka mbyyaŋ nkyaŋ ǝnio tɨ ba bay duswon ni ǝkə nkwi ǝpyo gu ǝ wod zazarag naŋ Kristi ǝ n di ni. Ətyo əwo ya uswon bɨ nyyo kətug ku ni ə yed kətug. Nyi lyen ə́ twarag zɨd Kristi gwô ǝ kwi sǝllǝy kətug nyyo zɨwu nwad ə byyo kətug dag. ⁶ Ə́ byyo ətyo ǝwo nə shyyo bumi guka ni ǝ ya uswon ə nyyo kətug dag. Ətyo ǝwo ya uswon bɨ nyyo kətug ni ǝ kə ndî gu dag də gwo lyen gu dag. Nnwan nna, nsag ǝlyo mba, nyi yog wod ǝyin ǝ lay nyin dag, ǝtyo ǝwo dǝ ǝ nyyo ntǝm ǝbun ni dag, ǝ yed ǝtyǝ ǝbun dag, bə naŋ Kristi ǝ ŋway yed ǝtyǝ ǝ bun ni. Ətyo əwo ǝ nyyo kətug ni, ǝ nyyo bu utǝnyaraŋ nwad utǝnyaraŋ ka uku nyyo kətug nyyo mɨn kǝy nyyo kukwo sɨ mbyyo ǝsɨ ntwarǝg Ŋgwon Əgwaza ka u tyrɨb ntǝm utǝnyaraŋ na. Konyan ǝ yed byin Əgwaza, ǝ nǝ ya uswon bɨ nyyo kətug dag nwad tswa Əgwaza ji shyyo bǝ ngu, ǝna yəw ǝ ya uswon bɨ nyyo kətug dag nwad ǝyed byin Əgwaza. 0 Ənyo zɨ nɨ ndyen zɨ nkhab nnwan Əgwaza na mbyyaŋ nnwan +utǝŋyǝraŋ na. Konyan ə bwoy ǝbun ǝ nyyo bǝ Əgwaza dag, ǝmgbəm bǝ ǝtyo ǝwo ǝ mun ə lag cad nǝnyyug gu wu ni. 1 Naŋ ku ndi ə nyo ni, tǝm ǝzə nyi fəg nyyo mɨnkay nyyo naŋ ku ngyed tɨlɨd zɨ cad ǝyyaŋ. 2 Zɨ yog nyyo naŋ Kayinu ni dag wo ə nyyo bu utǝŋyaraŋ ka ǝ̀sɨ ba hyad nǝnyyug gu wu ni. Yag ǝ mbyyo gwo nhyad gu? Nwad ntǝm gu na ku yed nshin utǝnyaraŋ, nǝnyyug gu wu ǝ̀sɨ yed ǝtyi saŋ ǝbun. 3 Kǝ dunio ku lag nyin nyî yog kwog mbwwag say tunuŋ dag +nənyyug mba. 4 Zɨ lyen naŋ zɨ sswag cǝd ǝhwu tɨ nad sɨced saŋ sɨsag nwad zɨ cad nǝnyyug zɨ ba. Konyan ə lag nənyyug gu ə yed kwom kwo. 5 Ətyo əwo ə lag +nǝnyyug gǔ ni, ə̀ yed ə ətyi hyay ənied. Nyi lyen naŋ ətyǝ ǝwo hyay ǝnied ni ǝ̀ byyo sɨced saŋ sɨsag bə ngu dag. 6 Əni ǝ zɨ ndyen cad ku, nwad Kristi ǝ ŋwwag sswan gu ji dǝnian zɨka zid mgbom ku myim zɨ ŋwwag +nǝnyyug zɨ ba sswon zi ji. ¹⁷ Kǝnaŋ ǝyin ǝ byyo shyyo dǝ naŋ gwo byyaŋ +nənyyug gû dag, ǝ̀sɨ fǝg kunag gu dag cad Əgwaza na nyo ni nshyo bǝ ngu â? 8 Nnwan nna, nyi yog cad bu unuŋ mbyyaŋ-swaŋ ǝllyad dag, nyi cad bumi cucug mbyyaŋ ǝ tan nyyo. 9 Əni ǝ zɨ ndyen naŋ zɨ nyyo bumi cucug ǝwod ntsswo zɨ na lyen ǝnyo. 0 Kǝ ntsswo zɨ na joŋ zɨd ǝbun. Əgwaza u ǝ̀ sswag +ntsswo zɨ na ǝ̀sɨ lyen kozan kyaŋ. 1 Nsag ǝlyo, kǝ ntsswo zɨ na cyyo zɨd ǝbun dag, zɨ byyo tswaŋ tsswo bumi Əgwaza ka. 2 Kəkǝb kyaŋ ǝkwo zɨ lyib ni ǝna joŋ zɨd nwad zɨ nyyo nkyaŋ ǝnio gwo ntsswoŋ nyiyaŋ zɨ ku ni. 3 Doka gu əzə ji ni: zɨ ŋwwag cucug bǝ ǝlyurog Ŋgwon guka Yesu Kristi, zɨ bu cad ǝyyaŋ bǝ dɨgag ǝkwo gwo ǝ joŋ zɨd doka ji ni. 4 Ətyo ǝwo ə hwi doka Əgwaza ji ni ǝshyo bumi Əgwaza ka, Əgwaza u ǝ̀sɨ shyo bumi guka. Bǝ ǝnyo nyi nɨ ndyen naŋ gwo nshyo bumi zɨka bǝ ntswa ǝzə gwo joŋ zɨ ni.