¹ De Waa Ma'az gbe'rətə ina budus zok gbansan ara billə paak rəəs kəs kəs reeta awa. ² Sei n og malaikai gbansa iya ipu de'narə Billə mu'i naa pot gbana sə i esi. ³ Malaika uza zaa, kam taasauwa kangeeriya urdirəz na'rə sə de'nu bagadirə. I esu urdi gənɲa no̱k səna weerə Bil naa weerə iya i esə timr airə yas kangeerirəz teng gwantə mu'uszə. ⁴ Yeema urdirəm naa weerəka Billa iya i esə timr airə ruu sə lees Billə u' diga malaikaa zirə na'rə. ⁵ Malaikaa rooz pe' taasauwa urdirə rooz sə yi'su naa ra' diga bagadirə. Sei mangu diiri dəllə te', sei sekəkaa ra'rək, naa do'kaa pipsəzzək naa lamrəkaa dəllək bo'rum. ⁶ Malaikai gbansa naa pot gbansa eiyi i go'rə zok no̱k pipkpa potti. ⁷ Malaikaa seenzaz piu poraa ullək, sei maama ra'rəm fəəkən naa kwaal gbətə. Mangs zok diiri dəllə te' sə doos rat naa wo̱'os yas ⁸ Malaikaa ittəzəz piu poraa ullək sei una ni gbindan yiigag naa ra'a dook mangs zok gbənarə. Ina ar reeta gbənarəz yer kwaal, ⁹ ina ar reeta neta naa zəngs gbənarət wəs, naa gə ina ar reeta ɓurumrən wo̱'gəs. ¹⁰ Malaikaa taazaz piu poraa ullək, sei doora zosus katə diga billə paa okə ni toocik ina ar reeta womut naa badəlləssə. Riira zosuszirəl womwud. ¹¹ Ina ar reeta maamrə yer womwud, gə mari gənɲa i wəs diga maama yet zokramrə. ¹² Malaikaa nazzəz piu poraa ullək, ina ar reeta ublarəkan wiis, rii gə ina ar reeta se' raasarən naa zosirən. Ina ar reeta iizan yer wiinən; ina ar reeta ubla naa tuksan punaa oosa pa. ¹³ N gwen, sə n gee gweraa vaalurək usukrə billə paari, der su' naa gwera paari bonge, ''Ɓərka baar, ɓərka baar, ɓərka baar, iya i gau dəllə rooi no̱k pota seetə pipkarə malaikaiya taarəkə airə.''