¹ ''Rekerə malaikaa ikiliisiya Sardiisussəi biim: 'Paka ura kam Rumsa Billəz gbansa naa zosi gbansa. ''N me̱e̱men ina a bo'rən. Apu naa riira yii apunaa zəngsal, ama moo wərki. ² weetum sə a wengs zok ina seendən, ama a wərk dera no̱k N oks tomteya mooi ɓomsinii Billa miilə mu' pa. ³ Sundum, ina a gee sə a kween. Duum sə a pu' na'. Ama moona wee pa, N zak ni ruuzak, a meek zoora N zakə moorə pa. ⁴ Ama ri'teya urirəi topa i pii Sardiisu iya i wiis yaləna iin pai. I ri'gək naa mii i tə'ək yaləna bunnan no̱k i to̱o̱ton ri' ⁵ Ura le'es araz i tə'əsku yaləna bunnan, gə N ra'sə riira ulləl rababaaza zəngsəzzə pa. N dook riira ulləl Daa miizə mu', naa malaikairə mu'. ⁶ Ura punaa to'os naa gee ina Rums doosə ikiliisiyaiyan.''''' ⁷ ''Rekarə malaikaa ikiliisiya Filadelfiyazzə biim: Paka ura pu ookapas naa gongaz ura kam mabudiya Daudarəz, naa gbe'rə ura gbe'səkaz pipa, naa gbe'es ura gbe'rəkas pipa. ⁸ ''N me̱e̱men ina a bo'rən. Gwenum N de'sapu sugognaa weng az moorə mu' ura gbe'sukaz piipa. N me̱e̱men apunaa waa gbam, naa ri'ik a duuusapu paka miik a sin riira miil pa. ⁹ Gwenum! Iya buuga seetandəkrəi i doo bonge boo Yahudaawaiyi ama iyii pa, gobtəra ri'il ii songbaiyi. N bo'ok sə i gu' moorə dii, sə ina mee N iya in. ¹⁰ De a kamsapu dookaa miiz sə a wengs zok lo'ti, N təkska diga zoora gwekarə pu zakrə dəllə te'el no̱k gweka iya i gau dəllə rooi. ¹¹ Npu zakrə ri'ak kamn ina pisan no̱k uza kana kweerəsa meetuwolla mooz pa. ¹² N esək ura le'ez araz de'səz gwaaga Billa miilə, gə keek diga roo pa. N biik riira Billa miilə ullə paa, riira dəlla gbi'lal Billa miilə (Ursaliima pəzzaz tiitə diga billə paa), naa riira miilə pəllal. ¹³ Ura punaa to'oz naa gee ina Rums doosə ro'tiya aiyan.''''' ¹⁴ ''Rekarə malaikaa ikiliisiya Lawodiisiyaz biim: 'Paka Na gau ri', seedakuwa zəma gbenkarəz, ura gau gwant neta Bil womattəz. ¹⁵ ''N me̱e̱men ina a bo'rən. Gə moo apu tamzəz koo ma'anzəz pa. N win akapu tamzəz koo ma'anzəz! ¹⁶ Nok apuni yoowak a ma'pa a tau pa, N tu'uska miirə su'rə dera. ¹⁷ Nok a doo monge, 'Npunaa zaudi, npunaa net gənɲa, n ii una es pa.'' Ama a mee monge boozi bo ar zaam, yirku ruurum naa kandumrə pa. ¹⁸ Ke'em to' ina n dooskandə: Yiwum kangeeriya oomi i suktu naa ra' miirə sə a gau naa zaudi, yaləna sekə sə buron sə a təsə zura mool no̱k bo'ta a yii burka zoka kanduma moom dəm, naa waaga wookarə no'rək no̱k sə a okə oomi. ^{20 19} geesə ura N gbaau az, N geesi ni gakpənak. No̱ka ri'ik, pu'um na'. ²⁰ Gwenum, Npu de'narə sugognarə sə N daggbo. Ura gee gwera miik sə gbe'rə sugognaz N tork ullə gwa' sə N reg naa ur, ur gə naa mii. ²¹ Ura le'es arz N esku bilaa gakpən naa mii teng gwansa miitə, ni mii bən N le'sun sə N gau naa Daa miiz ullə teng gwantək. ²² Ura punaa to'oz naa gee ina Rums doosə ro'tiya aiyan.'''''