¹ ''Rekarə malaikaa ikiliisiya afisus allə biim: 'Paka ura kam zosi gbansa n doosai mində na' go'narə naa fitilai a naa kangeeri gbansa ai rəi, ''N me̱e̱men ina a bo'rən, tomsa gbi'sas naa ɓəska baara mool naa de'eska timra mool. N me̱e̱men a kwee mariya naa enkui pa. ² N me̱e̱men a gweksapu iya i doo bonge, boo malaikaiyi ama ipu ri' pa, a oksi ipunaa songb. ³ N me̱e̱men apunaa kamska timr gə a ɓər baar no̱k riira miil, ama a yaps pa. ⁴ Ama Npunaa an moorə paa a daa gbaaka moorə seenkak. ⁵ Sundum naa ara ɓa gummunak. Pu'un na' sə a bo'rə neta a bo'rə seentat. Mona pu' na' pa, N zak moorə sə N pe'es fitilaa mooz ar de'naa ulləkrə. ⁶ Ama apunaa an a mu'us mun ina Nikolaawai bo'rən a mii bən N mu'usan. ⁷ Ura punaa to'os naa gee ina Rums doosə ikiliisiyaiyan. Ura le'es araz, N esku bila na regə diga te'a zəngsəkrə apu firdausiya Billəzzə.''''' ⁸ ''Rekarə malaikaa Simirnazzə biim: 'Paka ura seenzaz naa ɓamnarəz ura wər sə ruutə gəbənaz: ⁹ ''N me̱e̱men ɓərka baar naa zaama moon ama apunaa zaudi. Naa gə pagna zuk iya bonge boo Yahudawaiyi, ama iiyi pa. Ama buuga nooska seetandəkki. ¹⁰ Ser kana kamna ɓarka baara kinkal pa. Gwenum! seeta ɗonsək uri iirə te' pursinarə dera no̱k i gweknənnak, i ɓərk baar ru' komna. Gamn naa eska timr haa wərkrə, sə N eskən meetuwolla zəngsəs. ¹¹ Ura punaa to'oz naa gee ina Rums doosə ikiliisiyaiyan. Ura le'es araz ɓərk baar naa wərka buutəkak pa.''''' ¹² ''Rekarə malaikaa ikiliisiya Birgamassassə biim: 'Ura punaa fonkaaza romat ittərə: ¹³ ''N me̱e̱men ara a gamnak ara teng gwanta seetandəz piinakki. Naa ri'ik a kub riira miil naa gbam, a sin eska timra mool miirə pa, koo ru'a Antipas seekuuwa miiz ura naa eska timraz, ura iu zok iirə te'es eri ara seetan gamnakrə. ¹⁴ Ama npunaa net waani moorə paa: Apu naa uri iya i kuw kubruskənaa Balaamrək aki, iya i kubrusən Balak no̱k səna ɗonsə yangiya Israilai bilaa ɗəkkpa də'rəl, No̱k sə ina reg reka i esə do̱'zak sə ina laa naa laatəra kima ki'rəm. ¹⁵ Ri' gəbən apunaa iya i kwee kubruskəna Nikolaawairəi yak. ¹⁶ Noka ri'ik, pu'un nà'! Ina pu' nà' pa, N zak iirə ya' sə N gwaa ya'am naa ii naa fonkaaza keetək miirə su'rəz. ¹⁷ Ura punaa to'os na géé ina Rums pu doosək ikiliisiya airən. Ura le'es araz N esku manna i sumsus, sə gə N esku billa bullal naa riira miirə pəllal biisənən billirə paa, riira ura meez piipaz ama sei ura kweez.''''' ¹⁸ ''Rekarə malaikaa ikiliisiya Tiyaatirəz biim: 'Paka Waza Billəzzə, ura no'a ulləi i goo meela ra'rəl naa dənt ni weesa bipsas doon aa an: ¹⁹ ''Me̱e̱men ina a bo'rən: Gbaaka mook naa eska timra mool naa tomteya mooi naa kamska zura mool, ina a bo'rə ri'akan ar an a à bo'rə seenan. ²⁰ Ama Npunaa an moorə paa: a dàà Jezebel, kita kiiza der zura gwandəl anabiyaz. Səərə seniya mii naa kubruskəna ullək sə i bo'rə zina faasikanci naa reka i esə do̱'zak. ²¹ N esupu zoor na pu' na', ama ii pu'ka na' tomteya ullə i go'pairə pa. ²² Gwenən! N ɗonsku naa kunu, iya i bo'rə zina naa urai boo i ɓərk baara gbi'lal, sei ina pu' na' ina i bo'rəndə. ²³ N ipsək yangiya ulləi ikiliisiyai yas i me̱e̱k bonge Miizi ura gwen sundumerə naa timraz. N esək koo neeya iirə te' ina to̱o̱ ina bo'rən. ²⁴ Ama iya i seetə Tiyaatirairə, naa gə iya i kwee kubruskənaa ki pai, sə gə i me̱e̱ ina uri i der neta surunta seetandə Npu dooskəndə, 'N de'sən gums usa pa.' ²⁵ Naa ri'ik, kuwun paka miik ɗenɗen sei Mina zaa. ²⁶ Ura le'es araz naa ura bo'rə ina N bo'rə haa rekarə ɓamnarə, N esku gbam dermerə paa. ²⁷ 'Gakp gwant iirə paa naa gbala wees, uwa'gəski ni denda wopsak.' ²⁸ Ni N kweetən Daa miizək, N esku zosiza ar oonarəz. ²⁹ Ura punaa to'oz naa gee ina Rums doosə ikiliisiya airən.