¹ Sei n og ara paari pəkkak naa dəlla pəllal, nok ara paari se̱e̱nkak naa dəlla se̱e̱ndal i assapu, gbona bən pii pa. ² N og berniya ookapaz, Ursaliimaa pəzza tiitə diga Billəz bille paaz, go̱'rəs zok ni kiiza pəzza i bo̱'su kim nok ya'za ulləzzak. ³ N gee gweraa gbi'kak diga ting gwansirə dookrə bonge, ''Ogum! Ar gapta Billət pu yanga marirə, gakp naa ii. I gakp mariya ulləi, sə Bil naa zura gwandəl gakp naa ii sə gau Billa iil. ⁴ Ra'səski me̱e̱ma iim yas, gəbən wərk, koo baar gomd, koo wəra, koo ɓərka baar piik pa. Ne̱ta do̱o̱t assapu. ⁵ Ura gau teng gwansirə paaz doo bonge, ''Ogum! N gənpu koo anya pənnən.'' Doose bonge, ''Biim ina an nok ne̱ta at ina kweekarə zəmanni.'' ⁶ Doose bonge, "I ɓamsapu ne̱ta at! Mizi Alfa naa Omega, ma'ka naa ɓamka. Ura ɓəngba bo̱'ruz n esku maama zəngsəm kotto naa tog pa. ⁷ Ura regə nasaraz, pe'ek ɓinta ne̱ta attəz; sə n gau Billa ulləl, ur boo gakp waza miiz. ⁸ Ama iya i serəmmai naa iya i esə timr pai, naa iya naa səəruwai, naa iya i iu marii, laabaki'ei, naa iya naa yiilai, naa iya i duu do̱'zai, naa songbai ar gapta iit gakp gəəga ra'rə te' koo bənaya. Wərka ittəkəkki.'' ⁹ Muzə diga malaikaiya gbansa airə te', ura punaa taasauwi gbansa yi'niyi naa ne̱ta ɓəsək mari baarat zaa miirə sə doose bonge, ''Zam ang n yiisəka kiiza pəzza Waa Ma'azzəz.'' ¹⁰ Sei pe'e Rumsə roo rekarə yiiga gbi'ka ye'enkakrə sə yiisə berniya ookapaz, Ursaliima, pu tiitəkrə diga Billə billo paa. ¹¹ Ursaliima punaa darajaa Billəsz, se̱kəmkaa ullək goo pu ni billa gomal gəbən ni billa yasfaa ookapaizak. ¹² Punaa kongza gbi'za ye'enzaz, naa sugognət komna naa ittəkə, naa malaikai komna naa ittəkə sugognəta etirə. Sugognəta rootə ii bii ri'teya me'tiya Israilarə komna naa ittəkəi. ¹³ Naa à di'ik sugognət taatə, Pa' sugognət taatə, aa sugognət taatə Nimz sugognət taatə. ¹⁴ Konŋza berniizirəz punaa de'si komna naa ittəkə, iirə paa uni ri'teya manzaaniya Waa Ma'zə komna naa ittəkəi. ¹⁵ Ura pagne ezi punaa gbala riinaa zinaariya rək nok riika dəlli, naa sugognəta ullət naa konŋyi a ulləi. ¹⁶ Berniizi wom zok ni soorok; ye'kaa ullək, naa aakaa ullək irəmma mukəkki . Ríí berniizi naa gbalaa riikarək, melli mu' komana naa ittəkəi,( aaka, naa ye'ka, naa nookaa ullək yas kwerkənkwen). ¹⁷ Sə ge rii konŋza ulləz, kamu 144, riikaa marirəkrə ( uki gə riikaa malaikarək). ¹⁸ I wom kongza ezi naa yasfa naa gəbən zinaariyaa ookapa goo darogallaz. ¹⁹ I go'rəz kongza ezi kim naa bileya ookapa i gommai. A seendal yasfa, ittəz Saffir, taaz Agat, naz Emeral, ²⁰ gbanaaz Oniks, bambuz Sardiyus, gbansaz kirisolat, samsaaraz Beril, pitti muzəz toofas, komnaz Lirisofaras, a komna naa muzəz zasinta, a komna naa ittəkəz Ametis. ²¹ Sugognəta komna naa ittəkət, Lu,u lu,uiyi komna naa ittəkəi, kala sugogna mukə i go'rə naa Lu,u lu,u muzə. Bilətta berniizirət zinariyazi yas ni daarangallak. ²² N og Gwaaga Billək berniizirə pa, nok Daa Bil naa gbi'kəmmaz naa Waa Ma'az iiyi Gwaaga Billək. ²³ Berniizi ii ubla koo se' raasa səna okusu pa nok oosaa Billək okusu, Waa Ma'azi pitilaa ulləz. ²⁴ Derme i gakkpən oosaa berniziirək. Gwaniya dəlləi i kamtək gbi'kəmma iim roo. ²⁵ Sugognəta ullet gbe'sək zok naa ubla pa, tuks bən piik roo pa. ²⁶ I kamtək gbi'kəm naa diima de̱rmerəm roo. ²⁷ Ge unaa oopan tork dəllirə pa. Koo uzaa bo̱'rə ina dəksa zullən koo zambukaz torrək dəllirə pa, ama sei iya i biisapu ri'teya ii Waa Ma'azə rababaaza zəngsəzzəi.