¹ Sei malaikaazi yiise womaa maama zəngsəmrək, ookapa ni kiristaalak. Wuutə diga ting gwansa Billə naa Waa Ma'azzəkrə, ² duu bilətta dəllirə te'et. Naa bapsəta womaa ekirək, te'a zəngsə reu yangi somaso se'rə se' komna naa ittəkeik pii. Danŋa te'a rookrəi a rungbuka marirəiyi. ³ Rekarə mu' kankpəna su' piik pa. Ting gwansa Billəs naa a Waa Ma'azzək gakp bernirə roo, sə se̱niya ulləi i se̱nu. ⁴ I og muuga ullək, gə riira ulləl gakp iirə tiilə. ⁵ Tuks piik gəbən pa, i winnək oosaa pitilarə koo ubla rək pa, nok Daa Bil okəski. I gakp gwanta ɓampat. ⁶ Malaikaazi doose bonge, "Pangna an a kweekarənni pu zəma. Daa Billa Rumsa anabaawairəssəl, tòmtə malaikaa ulləz səna ge̱e̱sə se̱niya ulləi ne̱ta bo'rəmka ri'ak at'' ⁷ ''Gwenəm! N pu gətekrə ya'! Ura naa sə'səmazzi ura duu pangna rababaaza azzəmmaz." ⁸ Mii Yohana, miizi n og sə n geetə ne̱ta at. Bəlla n ogən sə n geenazzə, sei n kisə malaikaa doose nettizzə dentə sə n no̱o̱su. ⁹ Ama doose bonge, ''Kaa bo'rə rii pa! Mii bən se̱nzi ni mo̱o̱k, naa uri yangiya mo̱o̱i anabaawai naa iya i duu pangna rababaaza azzəmai. No̱o̱səm Bil!'' ¹⁰ Doose bonge "Kaa gbe'es paka ne̱ta bo'rəmka i doo rababaaza azzək pa nok bəl rektəpu. ¹¹ Ura punaa go̱'num paz na ree mu'ka kana bo̱'rə go̱'num pa, ura punaa səəruwaz na ree mu'ka naa səəruwa ulləu. Ura puna go̱'numaz na ree mu naa go̱'numa ulləm, ura pu ookapaz na ree mu ookapai. ¹² ''Gwenəm! Npu gətəkrə naa gbaku. Faasəma miim pu minde na'rə sə n faasəkən kone̱e̱ya ni ur bo'rən tomsak. ¹³ Miizi Alfa naa Omega, ma'ka naa ɓamska, ina i ma'an puna ɓamna. ¹⁴ Iya naa sə'səmai yi iya i dəps yaləna iin nok səbo kinə billaa reka ne̱n te'a zəngsəkrəi sə gə bo tor bernizirə naa a sugognəttək. ¹⁵ Zai naa iya naa yiilai, iya i no̱o̱s do̱'zai, naa iya i laa ki' koo yaarii, naa iya iu marii, naa iya i ii bo̱'ka tòmsa go̱'passai ipu goka. ¹⁶ Mii Yeeso, N tomtə malaikaa miiz naa doosa ne̱ta at no̱k iya i duu Billai. Miizi yiisək naa gidaa zeewa Dauda rəurək, zo̱sa ar oonaa okəz.'' ¹⁷ Rums naa kiiza pəzzaz i doo bonge, ''Zam!'' Ura geez na doo bonge, ''Zam!'' Kala ura gee ɓəngba sə iiz na zaa na kin maama zəngsə zukam. ¹⁸ N doosə koo ne̱e̱ya ura gee pangna ne̱ta bo'rəmkpa bii zok rabaabaza azzət: Uza na bag una paa, Bil bagsuku ne̱ta ɓəsək mari baar bii zok rababaaza azzək. ¹⁹ Uza naa ya'rə una pangna bii zok ne̱ta bo'rəmka bii zok rababaaza azzət, Bil ya'rək ina ullə kink diga te'a zəngsəkre naa dəlla ookapa a i bii rababaaza azzə te'en. ²⁰ Ura ese seedaakum ne̱ta attəz doo bonge, ''Oo! Npu gətəkrə ya'.'' Na gau ri'! Zam, Daa Yeeso! ²¹ Go'nəma Daa Yeesorəm naa gau naa koo ne̱e̱ya. Na gau ri.