¹ Muzə diga Malaikaiya gbansa eyirə ura i kam taasauwi gbansai zaa sə doose bonge, "Zam, n yiisəka bisa i biskən tarabantaaza gbi'za gau maamterə paazə. ² Uzi gwaniya dəlləi i kidəmmunu sə i bo̱'re laatər. Maama inaabiya ullə tarabantaam rəmmi bo̱'rə mariya i gau dəlləi.'' ³ Sei Malakaazi pe' Rumso ri'ginə wo'səroo, sə n og kitakiiz gamna rə do'ina gbi'nan də paa naa ridəya seera pakrəi, do'inni puna zu' gbansa naa gur komna. ⁴ Kita kiizi te' yalina ullən puni wə'likək, naa galuuraa bibzazau sə gəə, pə̱'rə zok naa zinaariya naa bilə i go̱'ma naa lu'u'lu'ai. Punaa kop a zinariya rəz gwandə na'rə, yi'sənzəz naa neta séét, gəbən naa sə̱ə̱ru rət, a kidəmnin go'pat eti. ⁵ Ullə tiilə i bii ri'ra i sum ma'naa rooz az, "BAbilaa gbi'zaz, uzi maiya tarabantai rəz naa neta go'pat dəllət.'' ⁶ Sei n og kitakiizi kwa'a iya i esə timrai, naa iya i iwi no̱k Yeesoi, i bo̱'rusupu. De' n ogu, məsəm kame Omi o'. ⁷ Ama Malaika rooz doosə bonge, ''No̱k an sə məsəm kama ya? N dooskadon ma'anaa kitakiiza azzəz naa a do' ina gba'andəz, do' ina naa zu' gbansa naa gur komnai. ⁸ Do̱' ina à og eni , ri'ak pii pa, ama keetək de̱ra diga dura surkaa ulləl keespallə, sə wo̱'sək iya ipu gaptə dəllə ri'teya Ii i bii zok Rababaaza Zəngsəzzə pai diga ma'ka dəlləi._Məsəm bo̱'o̱ski ina og do̱'inni gəbən gə, pu ang ri'ak pa, ama zak de̱ra. ⁹ Ne̱ta at ii hikima nok me̱e̱gəska. Zu' à gbansa eyi, gbakseyi gbansa iya kitakiizi gamni paai. ¹⁰ Gəbən gwaniyi gbansa. Gawani gbanarə i waarumsapu, muzəzi see, a muzəz boo zaa dən pa, naa zaa gakp waa to'pa. ¹¹ Do̱'ina pi do̱o̱n, ri'ak pii pan, ur bən gwanza samsarazzi; amma pu gwaniya gbansa eyirə te' boo gə wo̱'o̱k wo̱n. ¹² Gura a ogi komna eyi gwaniya komna i tə'si dən paiyi amma i kweek kwen gbi'kəm ni gwanik a awa muzəm naa do̱' inni. ¹³ Sundumeya ii ipu muyo, gə i esək do'inni gwant naa gbi'kima iim. ¹⁴ I gwaag ya'am naa Wa Ma'az, ama Waa Ma'az le'eski no̱k ur Dangwanza gwanirəzzi-gəbən iya i de̱ri, sə i te̱e̱gi, iya wessai ipu naa ur.'' ¹⁵ Malaikaazi doose bonge, ''Maamətta a og ara tarabantaazi gamnak uki mari naa bansa mari naa iya i me̱e̱ Bil pai naa me'te' ¹⁶ Gura komna a ogi ai, ii naa do̱' inni i mu'sək tarabantaazzi. I tusku sə i daau kandəziz, sə i taagəsku kasaka, sə i do̱o̱su naa ra' yas. ¹⁷ No̱k Bil gbopsapu iirə timterə ina bo̱'rə ne̱ta boo iit naa eska do̱'inni gbama iim səna gau gwant haa sei pangna Bil doon na yi'sapu. ¹⁸ Kita kiiza i ogu ezi berniya gbi'za gau gwant gwaniya dəlleirə paazzi.''