¹ Se i og do̱'net uta pu keetəkrə diga gbənarə roo. Punaa gur komna naa zut gbansa. ullə gurirə punaa meetuwol komna, gə kala zura ulləl punaa riira səəra pakrəl. ² Do̱' ina n ogan goo puna goluzzak. Dənta ullət puni beyarak, su'a ullək puna kəəzak gbama biks esupu gbama ulləm, naa teng gwanta ullət, naa gbi'kuma ulləm sə naa kisə gwans. ³ Zur mulo diga zu'teya do̱' inni rəi ipspu zok, ama nogruma ulləm go'ospu. Dəl tele inni məsi zoora ipu duukən do̱' nettirəz. ⁴ I noos gbama biks, no̱k essapu do̱'neta eti gbama ulləm. Sə i noos do̱'netti gəbən, ipu dookrə bonge, ''Neezi puni do̱' neta at ya? gə ''Neezi ka gwaa na ur ya?'' ⁵ I esə do̱'netti su' səna pag paka təka zullək səəra pagrəm. I iisu naa yii gbi'kum se'er zur ittəkə naa ittei. ⁶ Sei do̱'netti gbe'rə su'a ullə sə pagrə səəra pagn Billə paa. Pu dookrə riira ulləllə paa, naa ar gapta ullət, naa gə iya ipu gaptə billə paa. ⁷ I iisə do̱'netti naa yaa ya'am naa iya i esə timrai sə gə naa le'si. Gə i essup gbi'kum kala meelə paa, naa mari, naa me'te, naa dəlme tele. ⁸ Iya i gau dəlləi yas i noosku, iya diga gamna dəlləi i bii riira iil rababaaza zəngsəzzə pa, a Waa ma'azək, ura i ɗe'suz ⁹ Uza naa punaa to'a geekarəi, naa gee. ¹⁰ Kala maza i pe'ku senurəz, ri'gək senurəzi. Ura gə i ipkpə naa fonkaaz, naa fonkaaz sə i ipkpə. Ina an uni derkaa yirkurək naa ɓəska baar, naa eska timr iya ipunaa riisəmai. ¹¹ Sei n og do̱'net uta pu keetəkrə diga buttə diiri. Punaa gur itte ni waa ma'azak, sə pag ni gbama biksak. ¹² Kamkp toms naa gbi'kuma do̱'neta seenzaz ullə mu', tosək dəl naa iya i gau te'ei sə i noos do̱'neta seenzaz, ura i rumgbuz gida nogrəma ulləm rəi. ¹² Kamkp toms naa gbi'kuma do̱'neta seenzaz ullə mu', tosək dəl naa iya i gau te'ei sə i noos do̱'neta seenzaz, ura i rumgbuz gida nogrəma ulləm rəi. ¹³ Go'rə neta gbi'na məsəmrən, sə bo'rə ra' tiitə dəllə te' diga billə paari marirə mu'ka. ¹⁴ No̱k alaamaiya i iisu naa bo'rii, səərə iya i gau dəllə rooi. Sə doosi ina go'rə maarəza do̱'netirə no̱k nooskaa do̱'nettirəz ura punaa nogrəma fonkaazəz ama naa ri'ik ɓiik. ¹⁶ I iisu naa esə maarəzə do'nettirəz zəngs no̱k sə maarəzzi na pag səna tos iya i mu'us nooska maarəza rooz tele ina iu zok. ¹⁶ Pi' koo neeya, iya zukai naa iya naa gbamai, iya naa zaudi, naa iya naa zaam ai, seni naa seni pa, ina kwee alaama na'rə koo tiilə. ¹⁷ Bo'rumpa uza na yik koo na yingə sei na punaa alaama do'innirəz, nok ge'ema room pu de'ek de'ta riira ulləllə. ¹⁸ Ina anni meeka. Uza naa punaa meeka, na ge' ge'ema do'innirəz. No̱k ge'ema mazzəmmi. Ge'ema room uki zu' zur naa komnai naaa zu' taare naa bamrəi 666.