¹ Ɓamnarə, uriyangi zok na yagən no̱k Daa, bako mina biitin ina an irə una ni pa mirə. Neta at neekənən. ² Ge̱e̱n gen naa zai. ge̱e̱n gen naa tombaiya i go'pai, ge̱e̱n gen naa mariya i derə arai. ³ No̱kka riik eyi gangs, no̱k ayi a noos Bil naa rums. No̱k ayi apu naa səgbəme Yeeso Kwebaazzə, gə aa a gəə sa' zoka akrə pa. ⁴ Ko naa riik, mii naa zura mil n də na gbam zokrə uza na le̱e̱k len sunduka naa gbam a ar an. ⁵ I na'we ru' samsarai rə,mariya Israilai rə meela Bilyaminu rəllə, Yahudawaza Yahudawairəz; dooka a bissək mii Farisawazzi. ⁶ Keetə mində timlə sə n ribdə mariya i doo Billai. N esə gbikəm bissə npu naa aibe pa boo. ⁷ Ama anni baksike miya n gwenə inni neta zuk atti no̱k Kwebaaz. ⁸ Zəma, n gwenə neta at yas ina zukkanni no̱k ara n me̱e̱n Kwebaaz Yeeso Daa miiz. No̱k uzi sə n daa net yas. N gwenə neta zukatti no̱k n iikənkaa Kwebaazək. ⁹ De n gwenə ullə n oks npu naa go'numma mindəm ro'oknairə te'pa. No̱kka riik npu naa eska go'numma omim Kwebaazzə mukə go'numma keetə Billəm puna eska timr. ¹⁰ Ri'ak n i'u meeka naa gbikəmma ullə ruu tun gagəlləm, naa ɓərka baara ulləl n me̱e̱ mige nka yer ni maza i wəka ullək az. ¹¹ Ubla uka miima n gwek gwen ruuka də mukə. ¹² Naa wai n kinsapu neta pa, ko n gabsapu maza omiiz, ama duu naa gbam ko n kink ni Yeeso Kwebaaz kinek. ¹³ Uri yangi n sundə naa timr zura mindəl, n kam dən una pa, Ama una pu munə: N zinsapu ina sa'kan sə n leerəs ina pu mu'kan. ¹⁴ N kopsəsə ina n sundə rekarə muun no̱k kinka fasuma paari Billəm no̱k Kwebaaz Yeeso. ¹⁵ A yas aa a daksa pui, a sunde bila ak rə: Ama mona sunde net uta bila uka rə som, Bil yiikən i bən. ¹⁶ Sei ena reksapu sə a rigə bən rigəta attə. ¹⁷ Uri yangi kubrən naa mii, gwenən iya ipu rigəttə wessa naa tomteya mirəi ai. ¹⁸ I uri gənga ipu rigəttə ni n doosənən ak sə gəbən npu dooskəndə naa meem no'rə ni umkeerəiya vaga rawrə Kwebaazzəi. ¹⁹ Ɓabsa iik wərki. No̱k bil la iili baar, dunska kura iiki dəksa zur, i sunjde neta dəllət. ²⁰ A boo ar gabta at pu Billə paa, aa apu zookən kesbaaz Dangwanz Yeeso Kwebaaz. ²¹ Yessək zoggn naa arə gbam pi pan, rekrə zongn naa wessa gwandə gbikəm rə, sə yetən koo anya arə.