¹ No̱k ni riik uriyangiya mində n iini pa sə n ningni, yaksa zokka miik naa gwanta miit bilaa ak rə de̱e̱n Daa Billə ungwaniya n iini pai. ² Npu oorək Afodiya rə, npu oorək Sintik rə Daa Billə. ³ Sinəm pipa n gə npu orukəndə, dowiya miirə soow rə zəmai po'on kita kii a ai, no̱k e ɓəətə baar yam naa Kilimas naa dowi uri a e bo'tə toms yam ai, iya riitə a ii ipu biisənən rababaza zəngsəs zə. ⁴ Bo'on yaksa zok Daa Billə koo bənaya, gə n npu dookrə bo'on yaksa zok. ⁵ Mari yas ina og ɓəska baar a iil Daa Bill rektək dera. ⁶ Koo una kana gbeen baar pa naa riik koo anya sei naa weerək, naa ooruk, naa iika useiko, no̱k oorəka iik sə gau naa me̱e̱ka Billək. ⁷ Go'numma Billəm assapu me̱e̱ka pat ak ama təksək temtiya ii naa sundume a ii Kwebaaz Yeeso rə. ⁸ ɓapsa rə, uriyangi, ina pu naa gongan yas naa ina kwee eska gbikəm rən, naa wessan, naa ina ookapan, naa gə ina wessan naa ina kamtə iika pat, naa ina i doo ookawai pan, ara zantəm piin ak bo'on sudume teta ri'attə paa. ⁹ Neta i kubrə sə i kwee, sə i gee, sə i og, gabta miitət, bo'rən neta goo ri'eti. Billa naa go'num al gakp naa ii. ¹⁰ Zok yagə pu wessa we Daa Billə, ɓamskarə i neksapu gbaaka iik mirə. I gwene oomi o wi'a i arai rə, ama i kinə bəlla pooka rəl pa. ¹¹ No̱k iika miiki sə i n doo ina an pa, no̱k kwesapu ɓəska baar koo irim go̱o̱sa passə ya. ¹² I me̱e̱n ni n gakpən iika mindək rə rook, gə n me̱e̱mn ni n kinkən gəngən. Ko bila koo andək ya, n kubrusapu susəma n rekən rek gənga naa a n gakpən naa wo̱dum, naa n gakpən naa ina na'rek naa n gakpən naa zaam ak. ¹³ N le̱e̱n bo'ka koo anya no̱k gwan ura baksə gbamaz. ¹⁴ No̱kka riik pat i dakəs zur naa mii soowa miiu rə te'. ¹⁵ I me̱e̱ boo, i Filibiyawai, ma'ka paka Billək rə bəlla n daatən Makidoyal, mariya ii uri i pii sə i po'e esəkrə ko kweeka rə sei ii in moirə. ¹⁶ Ko bəlla n piin Tasaloonika i tomse ton ina bo'ka haazerən ar an də muko. ¹⁷ N laa esəkki pa. Goptəra riil , n laa ina kamtək baka-baka siga a iizə. ¹⁸ N kweesapu neta eti pat, pise. I kangbe. N kwee neta keetə iirət Abafuroditussə na'rə neta iit. net dəənt a tingə gbiika rət hadaya i kwee sə i go'sə Billat. ¹⁹ Billa miil eskən en ina i iin pat, naa kinkaa gwandə gbikəmrək Kwebaaz Yeeso rə. ²⁰ Ri'ak gbikəm naa gau Bil Daa aazə haa ting ting, naa gau ri. ²¹ Də̱ə̱sən mariya i esə timr Kwebaaz Yeeso rə. ungwaniya miirə epu yam ai i pi də̱ə̱skəndə. ²² Mariya i esə timr ai pat i pi də̱ə̱skəndə, haa naa mariya Kaisallə gwai. ²³ Go'numma Dangwanz Yeeso Kwebaazzəm naa gau naa rumsa iis.