¹ Yeeso tor gɓarkrə roo ga' sə zaa gwandə dəllə. ² Sə i kamtu maza naa zok bo'sunkaz, kinarə gwandə gɓəttillə, de' og eska timra iil, sə Yeeso doosə maza naa zok bo'sunk ezi, ''Waza miiz, zok na yaga. I ra'sə sa hakkəiya mooi.'' ³ Sei biibai i doo gwanirə timtirə bonge, maza az pu go'sukboro. ⁴ Yeeso de meemen ina i sundən bonge, nok an sə i sundə neta ə̱ngkəttət iirə timterə ya? ⁵ Anni ar arkarə í ra'səsapu hakkeiya mo̱o̱i koo i doosa bən ruum à ri'gə ya? ⁶ nok an sə i me̱e̱ Waa Maz punaa gbi'kəma ra'səska hakeirəm dəllə roo ang paya? "Sei i doosə ura naa zok bo'sunk ezi, ''Ruum paa àpe' gbəttira mo̱o̱l à ri'gə gwa.'' ⁷ Sei mazzi ruu sə ri'gə gwandə gwa' ⁸ Bansa esi i og ina eni, sai məsi, í no̱o̱s Billa esə mari gbi'kəmal. ⁹ De Yeeso pu eri sai og maz uza pu eri ura i deru mattaz ara i kween sokkakrə doosu bonge, ''Duutume.'' Ruu pukti sə dúúw. ¹⁰ De Yeeso pu rək rəkarə gwanirə te'ka, sei mariya i kwee sookkai naa mariya naa hakkəiyai ipu rəkrə naa Yeeso naa Kubrubaiya ulloi. ¹¹ De Farisaawai i og ri'eri sei i dooso Kubrubaiya ulləi, ''Nok an sə lamza iiz reg reka naa mariya i kwee sookairə te'ka ya naa iya naa hakkeiyairə te'ka ya?'' ¹² De Yeeso gee pakki doo bonge, mariya naa kunt pai í laa lami pa, sei iya naa kuntayi i laa lami. ¹³ Ren i sundə sə í mee re'sa paka eki, meen N zaa nok mariya wessai pa, ama nok iya naa hakkei airə paa. ¹⁴ Sei Kubrubaiya Yohanarəi í zaa ullə bonge, nok an sə ée naa Farisaawai é rii sə ii i riipaya? ¹⁵ Yeeso doosi bonge, iya gwaaka kiimrəi ii gakp naa yirku tun ípu yam naa ya'az ya? wakatə pu zakrə sə pe'siski ya'azzi, sə í go'ok suumai, ¹⁶ Maza ka daks yaluwa peuwaw naa do̱o̱waw piipa, do̱o̱waw taagəska, taakaa gɓekkək sə taagisik. ¹⁷ Mari i took maama inabirə pennan doomanrə pa, ina boro, yemi uak. Sə maa inabir imi kuuk benugiski, ama ina birem yema pemmarə sə gaup oomi. ¹⁸ De Yeeso pu dooski nettirə, sai do̱o̱nz uza zaa sə no̱o̱su, doosu bonge wai kÍiza miiz wər pu. Ama zam á ree à ruusu seu naa ɓii, ¹⁹ Yeeso ruu pukti sə dúúw sa' naa Kubrubaiya ulləi. ²⁰ Kitakiiz uza pii ira punaa senuwa kuuska kwa'rəu, wi' komna naa ittikəu. Sə mogruto Yeeso rə sa' sə pa' yaluwa Yeeso rəu. ²¹ Sə sundə gwandə timlə bonge koo mina pogo yaluwa gwandəu tan n go'suk gon. ²² Ama Yeeso yer sə gwenu, sə doosu bonge wai naa yaksa zok, nok eska timra mool go'sapu, diga wakatiya ezirə kitakÍiza ezi go'os. ²³ De Yeeso zaa do̱o̱nzirə gwa, sə re oks mariya i urə nettai naa bansa mari gənɲa ipu bongsarə. ²⁴ Sə doo bonge, "Ri'gən ang nok waa kitakiizi wərpa ama rus runzi kotto." Ama i mandu nok i mee wərpu. ²⁵ Se' i kees bansa mariya ipu werarə eyi, De' tor rolli rə roo sə kam na,a ulloi, sei waa kita kiiz ruuto paa. ²⁶ Ina bo'ro eni pagn faks delli rtə yas. ²⁷ De Yeeso pu arkirə ruri uri ittikə Í dúúw sa' Í doo bonge oksimee yirkurə waza Dauda rəz. ²⁸ De Yeeso tor gwaagirə sai ruriya ittikə eyi Í zaa ullə Yeeso dosi bonge, Í essə pu timr N le'ek len go'ka ina N iin ya? Í doosu bonge é le'ek Daa Bill. ²⁹ Sə Yeeso pogo no'a erəi sə doo gəə na gapsən rii ni ii esən timr ak.'' ³⁰ Sei nooa ii i gɓərum sə Yeeso gopsi to wessawe' maz kana mee inan pah ³¹ ama mariyei ittikə eyi i dooto ina boorum buttirəro yas ³² De mariya eyi ipu ri'gəttə, sai maz uza mu'ka ura punaa rúmsa go'pasas, i kamtu Yeesorə, ³³ de rúmsa go'pa esi kee sai mukaazozi paktə. Sei bansa mari i doo bonge, ina an me'ɗə bo'rumkpa Israilarə pa!'' ³⁴ Ama Farisaawai í doo bonge, ''Naa gbi'kəma gwanta mairəmmi sə keesən zam.'' ³⁵ Yeeso koolo dermiya gɓi'kəyai rə naa topai, sə ree mu'ka naa kubruskəna ro'tiya Billəirə, sə doosi paka gwanta Billəttə, sə rungɓo iya naa kuntai somaso'ai. ³⁶ De' og bansa mariya eyi, sə ogsi yirku nok ipu gɓérka baallə, i mee ar yena pa nok liplu ni məiyyak,l noi neebaaza pisipazak. ³⁷ Se doosə Kubrubaiya ulləi, tomtiya go'kairə nok ipu genŋa, ama mariya tomsəi ipu topa. ³⁸ Nok ri'zi oorun Daa Bil səna tomtə iya tomsəi.