¹ Yeeso der Kubrubaiya ullə komna naa ittəkə eyi, sə esi gɓi'kəma keesəka zamdəm, sə ina go'os kala kunt naa kuni somaso' ² Ri'ak ritiya Kubrubaiya ulloi uyi, muzo ura i deru Siman ura i deru Biiturus az, naa Andarawus zeeza ulloz Yakubu, waza Zabadi rəz naa Yohana zeeza ulloz. ³ Filibus naa Batalamus, Toma naa Mata ura kwee sookaz, Yakubu waza Halfa rəz naa Tadiyos, ⁴ Simion Zelotes naa Yahuda Iskaroti ura yənguz. ⁵ Íya komna naa ittikə eyi Yeeso tomi sə doosi bonge kaina duu ora menki Í pinnakrə pa, bo kaina tor dəlla Samiriyaawai rəllə pa. ⁶ Sai Í ree buta Isra'ilattə ara maiya ulləz pinnak ora yaa tinak. ⁷ Ina pu ri'gəttə bo'sun mari paka Billək doosini gwanta Billət pu zakrə. ⁸ Go'sən kuni, sə i ruus mariya i werpui, bəddi ina go'os, sə i nen zamn, i kwee kotto iima i esin kotto. ⁹ Kai tos net suttuns naa kangeeri ɓunarə pa. ¹⁰ Kaina pe' ɓunaa ri'gəttək pa, koo yalən ittənə koo taggi, koo bəlaa, nok tombaaza Billəz kingkin rəkaa ullək. ¹¹ Kala della i torunal koo gbilla to topa kinin maza wessaz sei gau sei ublaa i ruukunnakrə. ¹² Ipu naa toro ini rə gwaamro, go̱'num na tiitə iirə paa, ¹³ ama ina mu'sun kweeka, go'num na gətə iirə paa. ¹⁴ Mariya i kween pai sə gben i moos geeka paka iik kai, ina pu ketarə gwaamrəroo kooma della rool, dagɓisin kela denta iit sə kegi naa gə̱ gwanirə paa. ¹⁵ Zəmazə' N pu doosukəndə ublaa bissəkkrə, i keesikən dəlla Sodomal naa Gomaral naa dəllirə paa. ¹⁶ Rikak n tomun puni maiyak ora arairə tè, kai gau naa laakaɓe pa ni biga i rompaiyak na gbeng goolik. ¹⁷ Ama gɓa̱gən tok naa mari, nok i kangɓən doonirə mu' naa ro'tiya Billəirə sə i fo'on. ¹⁸ Sə i kangɓin doonirə mu'ka naa gwani nok ri'ra miil, sə i yiikən iirə mu' naa menkirəvnok sə ina me̱e̱. ¹⁹ Ama ina kamtən, timra iil kana ruusun paka i pakkak pa, naa ina i dook kan pa, sei Bilero i doosukun ina i doosukan. ²⁰ Moi i pakpa, ama rumsa iirə Daa rəssi doosukun ian i pakkan. ²¹ Doowiwaa esək doowiwaa sə i eu, naa gebən Daa esək waz. Yanggi i ruusuk do'ga mari digin sə tosi werrə. ²² I musukən nok ri'ra miil, ama maza wengs zokkaz uzi sepsək. ²³ Ina ɓèsən baar della allə nogən rekarə dell ula rə, zemzè n pu doosukəndə bako inge bo do'os della Isra'ilal yas, sei waza Billəz na zaa. ²⁴ Kubrubaaz lè sə ar lamz pa, gebən senz ar danggwanzza ulloz pa, ina der gwanz maaz i derk yangi bo rigaya. ²⁵ Reksapu ora kubrubaaz koo gǝbǝn lamz koo se̱nz ka gau dangwanz pa, ina der dangwanz ba,alzbuba sǝ yangi bǝn i derki rigaya? ²⁶ Kai i serum pa nok pu bo'sunun sə bərək pàpa, gbang uni pu sumsunun sə su bərpapa. ²⁷ Ina n pu doosukəndə tə̀grarən, doon oosa rənaa gə ina wombarən, doon gbərma ro. ²⁸ Gəbən ser kana kamən nok iya i ik zokkai pa, ama ipu naa gbama i ikɓin zəngsan pa, dikka i serum ura punaa gbama ura wo'suk zok naa zəngs pat rə kam rà'rə roo. ²⁹ Ani ittəkə i yingi kobo muzo paya, noka ri'ik uza muzo, naka kas butto naa meekaa Daa iizək pagə. ³⁰ Ama sugruma pu iirə zulləm pat pu gè'numum. ³¹ Ser kana kamun pa nok ara an aninin go'karə. ³² kala maza yirə mariro muuz, mima n yirku Daa mirə Billəz pat zə mù'ka. ³³ Ama maza mùsaz mirə mùkaz, miima n mùsuku Daa miirə Billo paazo mù. ³⁴ Kai sundo n kamtə soonum dəllə pa n kamtə gònummi pa, ama sorraki. ³⁵ N zaa nok n doosukən daa naa wazak, ben waikiiz naa maiya ulloz naa yera ki' naa mai gunəriya ulloz. ³⁶ Maza engasa roz kattək mondo gwa. ³⁷ Ura ar mee iika daa naa mai, eye pa gben ura ar waz naa wai kiiz əye pa. ³⁸ Maza pè vaga rawwa ulloi sə duuye paz puna miipa. ³⁹ Ura jengsa ullos wòwon, kingkin. ⁴² Geben maza lè sə esə mariya i toopai ai koo na maama tamnumam topazi, nok Kubrubaazi, zemazè n pu doosukəndə koo naa bilaa pakya sei na kinu koo gònuma ullom.