¹ De Ípu eri Yeeso esə Kubrubaiya ullə komna naa ittikə eyi gbi'kəm, ruu diga eri noka ree kubruskən paka Billək tinkkak dərmurək. ² Ama de Yohana pu pusunarə gèè kubruskənaa Kweebaazzək To̱m Kubrubaiya ulləi rekarə ullə, ³ Í doosu bonge mo̱o̱zi ura pu zakrəz ya koo éna tos no'a ée ar ukarə somya? ⁴ Yeeso iisi bonge kaa, " rən i ree doosə Yohana ina i ogan naa a̱ i geen. ⁵ Ruuri i og on ar, lendi i ri'gə rin, bədi i kinə go'oska, gɓəngai i geegen tò,iya i werai i ruuto naa zengs, i dosodon bo mari paka Billək. ⁶ Iya naa sèsimaiyi iya i deu dè pai nok paka book pai. ⁷ Dè tombaiya eyi i kam bilaa iik, Yeeso mà pak naa bansa mariya eyi, Yohana rə paa, i ri'gə wo'̀səroo nok oka anya? Ara eki tele lams naa zaka? ⁸ Iirə gwenk andə ya? koo ura te' yaluna moon paya? Iya te' yalən iya i tè yaluna moon pai i gau gwanirə gwa. ⁹ Noka ri'ik irəə gwenk anabizi ya? o! ri'zi n pu doosukəndə, haa ri'gək Saarirə. ¹⁰ Uzi ura i bii ullo paaz, gwenin n pu tomtuk paka miik rə ində nollo ura gòruskən oraz koo bilaz ¹¹ N pu doosukən zəmazə' iya kita kiiza azzə dingi rəi tèka ura doorusə Yohana rəz piipa. Koo noka ura pu waa finti gwanta Billəttəz aru an. ¹² Diaga bəlaa Yohana bòrun batismal haa rikak gwanta biilət pu yaalə, marə bo ipu yaalə wonka. ¹³ Anabaawai naa biibai ipu dook pangndə haa, zakarə ru'a Yohana rəi rə. ¹⁴ Ina iisa pu kweeka ura azzi Iliya ura zakaz. ¹⁵ Aza punaa tò a gə̱ə̱ rəz na gəə. ¹⁶ Ama naa an sə n kwègəska bəlla alya? goo puni yangga yèkik ipu ar liimoroi, ipu derk doowiya iiyrə. ¹⁷ Doo bongə, è uusun gul nok ii, i naw waag pa, è gò nok ii i bè gumpa. ¹⁸ Yohana zaa regə rèka pa bòpa, i doosu gəə puna zam. ¹⁹ Waa maz zaa rəg rən bòbòn yam ingə gweninm rəg baaza az, iya i kwee sookai rə naa iya naa hakəiya airə, məəgəskəna bo diga yangrəmrə. ²⁰ Sei mà bi'səka dermiya eyi rə, ora i go'on neta mesəmrəttə. Nok i pù na,a pa. ²¹ Ina yirku rənni moo Korasini naa Baseida nok Suur ro tè, eri zi i bòro neta mesəmrət too ika pù na,a ɓa̱la basa yaləndə tè naa tam rə. ²² Noka ri'ik n pu doosukəndə ublaa bissəkrə Suur naa Basaida kink ges iirə pa. ̀ ²³ Moo Kafarnahum , i noosəka haa rəkarə paaziya? a rek Hades: nok naa Sodmom i bòro neta gɓikən rət ai i artə bòruska nok iit, haa es pu dii haa wongka. ²⁴ Nok ri'ik n pu doosukəndə gak gan zuk ublaa Sodom kingkən geska nok ii. ²⁵ Bəlla eli rə Yeeso ii bonge, " i noosən, Daa,Daa Billa paal naa diil, a sumsuso iya i mə̱ə̱i naa iya i məəgəsənai neta at a yiisə ya yèki: ²⁶ O̱ Daa Biil nok ri'zi sə gòsa. ²⁷ Anya pat Daa Bill esə pu mində nà,arə, gə̱ə̱ maza meek wazziz piipa. Sei Daa Bill tan, gə̱ə̱ maza meek Daaziz piipa, sei waz naa gebən sei ura wazzi baae kweesuz. ²⁸ Zan miirə ini pat iya ipu gɓərk baaləi, iya naa gumsai yam, mii bo n eskən ar engəska. ²⁹ Pèen vaga raw indè ii məəgəskən mində, i kingk ar engəskaa zengsa issə. ³⁰ Nok rawa meu mòpa neta i gummat bo a mo'otti pa.