nbtt-ver-x-vere_mat_text

Ridər 12

¹ Ublaa engəskarə Yeeso ruu ri'gə keer popsa naa baas, Kubrubaiya ulloi wodu gomi i mà laaka nena tèt sə i regrə. ² Ama dè Bafarasə i og ina eni , i doosu bonge gwenəm Kubrubaiya mooi i bòro ina too bòkarə ubla asawə rə pa. ³ Ama doosi bonge i me'ɗə zangəka ina Dauda bo'ron paya? de wodu gomu úr naa doowiya ulləi de i ipu ri'gəttə, ⁴ ree gwaaga Billəkrə sə rege rekaa Í ro'on rekak paya? ko̱o̱s dəlmiya ullə naa ri'gət sə torÍ tan. ⁵ koo i zangə rababai paya, ubla engəska Toriya buuga Billək rəi, dèes ro'oknai ubla engəskarə naa gòka koo hakəi paya? ⁶ n pu doosukəndə ura ar buuga Billək pu ari. ⁷ Ina ka meegəskən mən, mii gə gapta wessatti n laa iirə, màka dònet pa, nok ika og hakəiya ura bòros pa. ⁸ Nok waa maz uzi Daa ubla asawe" ⁹ Sei Yeeso ruu daa orki ri'gə ɓàreya buttirəirə. ¹⁰ Maz uza pii ang naa na,a bò̀sənk, Sei desu i doo bonge gògon ora aka gòsun maz ubla asawe rək rə ya? i desu noka i kangɓun uk doonirə mùuk. ¹¹ Dosu bonge, rèsi pak neezi irə tèka naka punaa màaz naka kas ubla asawe rə, səka kamu səka keetutu paya? ¹² den rigazi mara wiiz ar màaz paya? noka ri'ik tooton gòka gònum ubla asawe rə. ¹³ Sei dooso mazzi bongə, "yəətəm na,a mooi" yəə na,a. Sei gətə wessa wè ni ura ni piizak. ¹⁴ Ama Farisaawayi i keetə, i gaptə gapt gwandə paa, ni i igɓunuk. ¹⁵ Dè Yeeso meegəs ri' ruu diga eri, sei mari gənŋa i duuwu sa'ka, go'si gwani pat. ¹⁶ Sei bi'si bonge, kaina dooso maz pa. ¹⁷ bo'rə ri' nok ina anabi Ishaya doon bonge, ¹⁸ "Gwenən se̱nza miirə N teeguz! gɓaanzi zaz, ura zok yag neu omiz. N tosusku Rumsa miiz, doosək menki bissa pu zakrəz. ¹⁹ Noos zur pa koo tèg gweraa ullok paari pà pa, koo ura geek gwera ullok bilarə paazi pa. ²⁰ Tè a̱ artə kosspuk kò̱suk zok pa, fitilaa ɓàɗə rəmsəkaz i rəmsuku pa, haa gònum rə mù. ²¹ Ullo ri'iilə zi sə menki i kine gɓa̱m." ²² Sei i kamtu ruz uza ura pak paz punaa zam zokro, gòsu bo, haa ura rooz kine pak, gəə kine og ar. ²³ Bansa mariya eyi inni məsi, i doo bonge ura azge waza a ge a Dauda rəzzi ya?" ²⁴ ama dè Farisaawayi dè gee ri'eri i doo bonge, "bòro tomtoya naa gɓi'kəma gwanza mairəz, sə kees zam marirə zokro." ²⁵ Dè Yeeso meemen sunduməya iirəi, sei doosi bonge, gwanta gau naa (gaabat) rə tèet gwanta root laalan. Gwaaga bo gau naa gaaba sə markən pak bo piipa , ka gau pa bo. ²⁶ Setan naka keesək ken Setan, ka markən gaaba ro zi, ka bòro riga sə gwanta root sə ka gau yama? ²⁷ nok na naa, gɓikəma mazzəmmi n keesən zam ur yangiya iiy bo, naa gɓikəma neem sə i keesən ya? nok ri'ik gwani sə i ɗèsək pak. ²⁸ Mii na, naa rumsa Billəs sə mina kee zamn nok ri'ik gwanta Billət zasən pu. ²⁹ Gak riga sə maza naa gbamazzə gwa sə afaks neta ullot gwa,at ya sei ina mà dogdusku gwan zanga paya? sə i kink sə i waas neta pu ullo gwa,at. ³⁰ Ura puna miiz paz gòro dekəngka (gaaba) na miizi, ura dòsə tooguskarəs paz, faagəs fanzi mùka. ³¹ "Nok ri'zi n pu dosukəndə i ràsəskə ran kooneya hakəiya ulloi gòpai, ama naa rumsa Billəs paa i ràsəsku pa. ³² Ura gòsə mara wiiz hakəiyaz i ràsuskui, ama mona bòsə rumsa Billəs i ràsəskai pa diga dellə haa paari." ³³ Koo doon tè,a gòok nena ulloi ma a wessa wèekki, tè,a na opak nena ulloi ma i gòpa. Nok tè,a wessak diga nena ulloi sə i mee. ³⁴ Ii bigi i ma,ak riga sə i kè paka wessak ya, nok rigaya mariya i engsapuiyi? nok ina timr mùus uni maz doosuka. ³⁵ Maza omiz diga gwandə timra gwandə wessa wèelə sə i meegəs maza omiiz, ura naa engkuz bo diga gwandə diga gwandə timra gòpa eliro sə i meegəs maza enggaz. ³⁶ Paka mondokki keesəka , koo biska mon." ³⁷ Paka mondokki keesəka, koo biska mon. ³⁸ Lamiya biibairə uri naa Farisaawai i iisu bonge lamz è ii oka in rekakikan diga mondo, i laa oka reka koo una diga gwandə, ama yiisi koo una paa assikin diga Saariza Billəz Yunana. ³⁹ Sei iisi bonge, yanga Zamanui, engbai, iya i regə hakəiyai, i laa noka i kingkə (alamaa) una rəz ama rèsa uka pii sə maz rèsəki pa, sei dei rèsa Saariz Yunana. ⁴⁰ Nok ni Yunana gò̱tun rù taarə duga rə baalə. Ri'zi waa maz gòok rù taarə tuks naa ubla butto dii. ⁴¹ Ublaa bissək mariya Nenevai naa mariya zamazuwazzəi sə i wòki, nok i yete nok paka Billək Yunana doosik, ura bo ar Yunana uza az. ⁴² Ublaa Bissək rə kitakiiz gwanza pa,az ruutuk paa naa mariya zamanuwazzəi, nnok zaka diga bapsa dellek sə geek meegəskənaa Sulemanu rok, ura bo ar Sulemanuz uza az. ⁴³ Maaza wiizaz na markən naa maz, sei na duupu ata naa maam pat, nok laaka ar engəska. ⁴⁴ Sei dook bonge, n gə̱ə̱ gwaaga n keetənakrə, dè gəə gwa rə oks koo maZ gwa pa, koosung kuk ɓeesən kik. ⁴⁵ Diga eri rə tuuto mai uri ɓansa, i aru an engku ro, sə i tor i gau roo. Maza ezi gapta ullot ar an a doot laakarə, ri'zi gak zamuna eng haa az gakrə" ⁴⁶ Pu rekrə mu' naa pak bansa mariya eyirə, sai do'giya ulləz naa do̱o̱wiya ulləi ipu de'narə góka, Ípu laakrə bóka pag naa úr. ⁴⁷ Uza doosu bonge, do'giya mo̱o̱z naa doomiya mo̱o̱i ipu de'narə góka, Í Íisapu pak naa mo̱o̱. ⁴⁸ Sei iisə maza doosu ezi, bonge, neezi maiya booz ya, neri doomiya miiya? ⁴⁹ sei yii na,à gwandə Kubrubaiya ulloi ro paa bongə, dògutta miit naa zeiya mii uyaa ai! ⁵⁰ Ura bòro ina Daa mirə paariz iin, uzi doomiya mii, uzi maiya miiz , uzi bo wàkəwiya miiz.