nbtt-ver-x-vere_mat_text

Ridər 13

¹ Ublaa ekiro Yeeso ruu kee daa gwaagi, ree gapte popsa naa gbena. ² Bansa mari Í dakən wessawè sə Í zaa oksu , haa kam tos ɓarkrə roo sə gau. Bansa mari Í de U' gbənaa ekirə ³ Sei doorisi net bese bə naa rèsa pankn doo bonge ur uza pii ree ta'ak baak rə. ⁴ Pu wo'ok dokto sei uta kasə wéérerə paa, sei noi i zaa dobdus. ⁵ uta bo kas wéérérə tè ora but dakən pakrə, bala dera ɓu'to nok dur sur pa. ⁶ Dè burka kaatə sei wò̱ks, dè yiisi ippi omi pa sei kos. ⁷ uta kas keptə paa, sei kept bobdusu pat. ⁸ Uta bo kasə buta omittə uta esə (riiba) haa zù gbenaarə uta zù taarə , uta bo zù naa reeta. ⁹ Aza naa tokkaz na gee. ¹⁰ Sei Kubrubaiya ulloi i zaa, i doosu bonge "nok anni sə a doosə pak naa rèsa ya?" ¹¹ Yeeso iisi bonge iigə i iisən pu ora i meekənnak ina sums zok gwanta Billəttən, nok iirə gə i iisin pu. ¹² Nok maza naa innaz i bak suku, haa daktək aza pisi paz bo koo topa, a pisun ma i kweerək. ¹³ Ri'zi sə n doosun pak naa rèsa nok koo i og i oogus pa. Koo i kè tò i geegəska pa gə̱ə̱ i meegəskən pa. ¹⁴ Zemzè paka Sarriz dook Ishaya tiii gwanirə paa, i geek meegəskən pa ves. ¹⁵ Nok timteya marirəi zuksa pu, i zuk pu tongna iin, ge̱e̱ i umsa pu nota iit , i geek i meegəska togn na iin pa. i meegəska pa gwanirə timle, haa i yetək mində sə n gòsi. ¹⁶ Sə̱səm gapsa ində notto nok i og on, naa togna iin bo geek gen. ¹⁷ zemzè n pu doosukədə Sarri naa mariya omii i yaan oka ina i oggan ama i og pa, ge̱e̱ gee ama i gee pa. ¹⁸ Too beska pak deu ura faa dokta paa. ¹⁹ Ura gee paka gwanta Billət az sə meegəs pa az, sei engbaaza az zaa gops paka i tà gwandə timlə eki. Uti dokta i tà bilarə paat. ²⁰ A kasə biləro tèet bo uti, uzi maza gees paka Billək sei kwee naa yaksa zok. ²¹ Ama bo punaa ar màna pa, yangga rù topa ɓes baar, too bəlla koo ɓerka baalək zaa ser kamu ni, sei deu dè kasə. ²² Dokta kase keptət bo uti, a gee paka Billək, ama neta dellə pèsu zur, haa gau ina zukkan. ²³ A tà ora wessak ret uti, a gee paka billə sə meegəsən omi, zemazi uzi ura gak wessaz haa gak naa sesəm, kinə (riiba) zù gbenaarə, uta zù taarə uta zù reeta. ²⁴ Yeeso gəə re'si paka uka doosi bonge, í re'e̱k gwanta Billət naa ura ta' dokta ookapat ò̱'kaz. ²⁵ De mari i pu rumro ura mu'súz zaa ta' nen wo̱'o̱s ullo dokta wessattə, ruu ri'gə ina ullən. ²⁶ Dokta root ɓú'to sə, réu sə wo̱'o̱s gbətə ²⁷ Sai séniya ulləi í zaa i doosu bonge, Dangwanz dokta wessatti à ta' moorə ò̱' panaa? nok an sə wo̱'o̱s gbətə ya? ²⁸ Sə doosi bonge e̱ngbaaz uzazi zaa kam to̱msa ri'as, séniya rooi i dosou bonge éna ree du'utto wo̱'sa roos sə éna toogusya? ²⁹ ama doo bonge kai i ree i mà baagəska pa, leege ika baagəs ina n baa roon yam pat. ³⁰ I daan na nopoo haa reks bəlaa pèka doktollo. Bəlla pèka rəllə n doosu uri ina mà baaka wo'os sə ina toogus, dogdus zog ɓundəni səna doos, bəlla pèka doktollo bo ina pète ina kamtə mində werkrə." ³¹ kamtə rèsa pak uka, gwanta Billə puni sə̀'ek a maz ta gwandə okat. ³² sə̀ a root uti yeegəm dokta seetəttə, ama na dag sei na arpu dangti nookarə, haa gak tè haa noi i zaa gak daliitta rooto." ³³ gəə rè pak bonge, "gwanta Billət puni yistik, ni kita kiiza doks naa zuma alkamarəm ɓòrakik taasai taarəkə.'' ³⁴ " Yesoo dosə bansa mari pagn naa rèsa, dosi koo una pa sei naa rèsa. ³⁵ Eni bo gak nok paka Sarriz Isaya dook, "na anya pat naa rèsa pak, n dook ina bòrungkan diga màka dəlləkrə." ³⁶ sei daa bansa mari, ruu tor gwa. Kubrubaiya ulloi bo i zaa ullo inge, ɓessəsimee rèsa paka a rè òka ak." ³⁷ Dosi bonge ura wò dokt az uzi waa maz. ³⁸ Baaka rook uki gwanta Billət dokta òkapa eti bo uti yangiya gwanta Billəttəi, wòsa roos bo uti yangiya engbaazzəi. ³⁹ Engbaaza wò ezi bo uzi Setan . Bəlla kweeka rəllə bo, dəl bamnaki, iya i kweei bo tombaiya Billəi. ⁴⁰ Ni i toogusun wòos eki ri'zi bamnaa dəllək. ⁴¹ Waa maz tomtuk tombaiya ulloi, i tooguska mariya i pi urəi sə i tom ina gòpannai, naa oya i gòro tomsa gòpasai, keesiki gwandə gwantə. ⁴² I mangki rà a rimpakrə. Eri zi i gòok sə i romro sut. ⁴³ Erizi iya omi i okuk ni ublak gwanta Daa irəttəzzə. Pat maza naa tò a gəəkarəi na gəə." ⁴⁴ Gwanta Billət puni weesa i iis òkassak, ni uza kinək, sə puu iis gəbən. Nok yaksa zoka gwnadək sə ree yiggəs ina pisun pat, sə gee yəu baak uka." ⁴⁵ Haa wongka gwanta Billẹt puni maza naa nà az zak, ura laa wees, wessa wèez naa gbi'kəm. ⁴⁶ Dè kinə wees omi, sei ree yingəs ina pisun pat, sirəə yeu." ⁴⁷ Haa wonka gwanta Billət puni yansa i me' du'ros, sə kamtə dukt ɓèseɓə. ⁴⁸ Dè yə paari, sə i goptu sù dùro, sə i gau i teegəs dukta omiit, sə i tos ar to'na rə , a gòpa eti i waagəs. ⁴⁹ Ri'zi gak dəl ɓamnarə. Tombai i tiitək sə i zaa kees iya i gòpai a wessairə tèka, ⁵⁰ i ɗongsiki rà a rimə pakrə roo. Eri zi sə i gòok naa romruka sut." ⁵¹ I məəgəs pu an pat ya?" too pat lamza Ataurat na gau waa senza gwanta billəttəz, puni Daa naa gwaagaz zak keetə naa yalina pennan naa doonan diga gwandə gwa. ⁵² Sei yeeso dosi bonge, kala biibazza gau orbaaza rekarə gwanta Billət puni daa naa gwaagaz, keetə naa yalina pennan naa doonnan diga gwnadə gwa. ⁵³ Dè Yeeso bams rèsa pagna eni pat, ruu diga eri. ⁵⁴ Dè zaa gwanirə dəllə, kubrusən gwanirə ròtiya billərə haa ina roon məsi." inge ora zi maza az kintə lèkaa rìak ya, naa neta gbi'kəmrət ri angya? ⁵⁵ ura azgə waza ura ɓaarə rat azzi panaa? zeiya ulloi bo Yakubu, Yusufu naa Saminu, naa gebən yahuda panaa? ⁵⁶ wat kiwitta ullot pat puna aa panaa? too orazi maza az kintə neta məsəmrət ri'ang ya? ⁵⁷ sei baar gomi gwandə paa. Ama Yeeso doosi bonge. "Anabi punaa gbi'kəm gwandə gwa pa." ⁵⁸ Go'rə neta naa gbi'kəmman eri pa, nok mùuska eska timra iil.