¹ Bəlla elirə, Hirudus Mukadas gəə zakaa Yeeso rək. ² Dosə se̱niya ulloi uraz ge̱ Yohana bo̱'rə batismaz; ruuto gagəllə: nok gbi'kəma bo̱'ro gwandə zokrom. ³ Nok doo Hiridu kampu Yohana, sə dogu. Tosu pusuna rə nok Hiridiya kiiza dooməya ulloz Filibus. ⁴ Nok Yohana dosusupu, diga ɓa̱la, too ora moo aka kamnu kiimak pa. ⁵ Ii boka ipsu, nok se̱ra bansa marirəs, nok mari i pe̱'eu saariz. ⁶ Sei ubla dibgka hiridus kooto, waza Hiridiya nau wa̱ag te'ka eri, Hirudus zok. ⁷ Diga rook gɓà̱'tumsunu do̱so wazzi bonge ina ullo iin pat bò esku. ⁸ Do'giya wazzirəz doosu bonge, na doo bo ii zura Yohanaa ura bo'rə batisma rəzzəl. ⁹ Timra gwanzəl la̱a̱ ama nok gba'tuma gba'tumsunúm naa gə iya i gau ullə pourəi í ḇo' yam í regə yam, sei gee bo esku en. ¹⁰ Pi' mari ina ree geptə zura Yohana rə eli pusuna rə. ¹¹ Ìi na kamtu zura rool te̱ngrə, i esə waa kita kiizi, urbo kamso̱ do̱'giya ulloz gwa roo. ¹² Kubrubaiya ulloi i zaa, i pe̱ wé̱səka rook, i əəs, i ri'gə i ree do̱so Yeeso. ¹³ Dè Yeeso ge̱e̱, gba̱rkrə roo, ri'ge ora maz pin pak rə, gwan muzo: bansa mari bo dè i gee i kee dermərə te̱, i dùu sa̱akà. ¹⁴ Ruu keetə, og bansa mari gengga, oksi yərku ro, gò̱os iya naa kunttai. ¹⁵ Dè nimz gò̱ro, Kubrubai i zaa ullo, ora ak door uli, bəl artə asapu; keesəm mariya ai gənəm noka iri'gəkən gwanirə gwaaməttə, noka i yəpsəkən koo zùtəya gwanirəi rekəttak. ¹⁶ Ama Yeeso doosi bonge kai keesi gənəm ri'eri pa; ama esni re̱ka. ¹⁷ I doosu bonge epu naa una ang pa, sei burodi gbənaarə naa dukt ittərə. ¹⁸ Dosi bonge kamtən ang mində. ¹⁹ Pi' bansa mari ina gau wòsa yəəsa esi rə paa, pètə burodiya gbənaarə ezi naa dukta ettərə eti. Təg nò paà sei sə̱'sə sei wè̱gəs burodiya ezi esə Kubrubai, Kubrubaiya ulloi bo i esə bansa mari. ²⁰ Gwani pat i re̱gə sə baar dagi, i toogus rutəya i seetəi, gbəni komna naa əttəkei paari pa. ²¹ Iya i Ìi rəgəi mù gbənààrə, banda kita ki' naa yangi. ²² Ɓa̱la dera pi' Kubrubaiya ulloi ina tor gɓarkrə roo, i gà' naa go'ok, nagə kees bansa mari gənəm. ²³ Dè kee bansa esi, ruu deg bilə paa gwan muzo , nok we̱e̱rək: dè nimz go̱'ro. Pu gwan muzo. ²⁴ Ama gɓark pu eri tèka tè dùro, pu yaalə naa ruuka maàmrək gongong. Nok zaka pèru mùka mù: ²⁵ We̱e̱s tàasə a̱ tukssoz, naa tuks sə zaa irə, ri'gətə maàm rə paa. ²⁶ Dè Kubrubaiya ulloi i ogu pu ri'gəttə maàmrə paa, timra iil ruugus, inge dengs usaa as, sei i təg gwera paari nok ser kamsi pu. ²⁷ Ama Yeeso pagni ya̱, bonge kpobsun təmtiya eyrəi miizi ser kana kamun pa. ²⁸ Biiturus iisu bonge Daa Bil, na moozi pi'mə n zaa mo̱oro naa maàrə paak. ²⁹ Dosu na zaa, Biturus tiitə gbarkrə roo, ruu ri'ge maàmrə paa, boka ree Yeeso rə. ³⁰ Ama dè og zaka ser kamu: ma̱' ɗungkpa, təg gwera Daa Bil keesəmə. ³¹ ɓala dera Yeeso yii na'a ulləi, sə kamu doo bonge moo waza a esə timr waa fintizzi, nok an sə a singkən mondə timlə ri'ari ya?'' ³² De Yeeso naa Biturus i tor ɓarkirə roo, zaka de'es. ³³ Iya ipu ɓarkirəi i noosu inge, ''Zəmazə, moo Waza Billəzzi.'' ³⁴ De i ga'gəs, i tiitə dii, buta Zanisarat. ³⁵ Dè mariya dəllirəi i meegusupu, i tom buta keer etirə, i kamtu kunz uza; ³⁶ i oru naa iisəbo, bo ii poka yaluwa ulləi kotto, iya i pògui i gò'os gwani yas.