¹ Sai Farisaawai uri diga Urusalima naa biibai i zaa Yeesorə í doo bonge, ² nok an sə Kubrubaiya mooi Ii ka'as langsiya do'ga mariya rəi ya? nok i nek nat sə í reg réka pa. ³ Yeeso bagi bonge ii bən nok an sə i ka'as dookaiya Billəi ya? sə í duu langsiya iirəiya? ⁴ Nok Bill doo bonge gbaam Daa mo̱o̱z naa maiya mo̱o̱z, gəə ura pagrə ke̱e̱ku gwandə Daarə koo mairə zema wərk rən. ⁵ Ama i doo inge kooneya doosə Daa naa mái gee neta íka kíne miirət essəkki Billə. ⁶ Úr maza ii gbaaka Daa úlləz paz, bilaa akrə gən paka Billək ina zukannən. Nok langsiya íiyi. ⁷ Ii mariya i təg zuttai,rizi sə Ishaya bo'rə anabchi iirə paa. ⁸ Ii Mariya ai i noosə mii naa sut tan, ama timtəya irəi ipu ye'niyi naa mii. ⁹ I noosə kotto, nok ro'oknaya i kubrusini a mari rəi yi'. ¹⁰ Sai de̱r bansa mari sə doosi bonge ke'en to' sə i meegəs. ¹¹ Neta tor su'rotti laks maz pa neta keetə su'rottoti laks maz. ¹² Sai Kubrubaiya ulləi í zaa Yeesorə, sə i doosu bonge apu naa meeka pa, Farisaawai í gee yaksa zok naa paka a doo ak pa, baar sugi sun. ¹³ Yeeso bagi bonge kala dokta Daa miirə Billə ta'pat, du'ruska dun zok. ¹⁴ DaanÍ ri'tan, nok íi ruriya i po' araiyi, nok ruz geesə doowi ruz bila pa, nok gwani yas íkarə kasə dúra múlollo ¹⁵ Biturus iisu bonge po'gisəmee re'sa paka ak. ¹⁶ Yeeso iisi bonge ii bən haa es i meegisən paya? ¹⁷ I gə gwenə sə i mee paya? kala ina tor su' rəni sə tii baalən, titigəska haa di'ri sə keegəska. ¹⁸ Ama neta keetə su' rən,keetə timlə zi, neta rooti laks maz. ¹⁹ Nok diga timlə zi neta go' pat keetə,ikpa zur, kim ruur, de'eska songb seera pak. ²⁰ neta ri'atti laks maz .Ama reka rək naa neta neks zok pat uti laks maz pa'. ²¹ Yeeso ruu diga eri, ri'gə buta Tayattə naa Sidon. ²² Ora eki kitakÍiz uza Kan'aaniyaz ɓapsa dərmirə, sə "Wo̱o̱ su' Paari" Sə doosu bonge ogum yirkuwa miiu mo̱o̱ waza Dauda rə, waza miirə kiizaz kunuwa zam rəu dogdusu pu. ²³ Ama Yeeso bangnu koo pak muko pa, Kubrubaiya ulləi Í zaa sə Í doosu bonge wa'ak kitakiiza az na ri'gə nok pu duugukunaa wo̱o̱ga su'rə ²⁴ Yeeso Íisi bonge Í tómtə nok kooneya pa, ama nok maiya Í yaa gwaaka Isra'ilak rəiyi tan Í tómtinéi. ²⁵ Ama zaa gu' Yeesorə mu' bonge Daa Po'mé. ²⁶ Iisu bonge go' ora Í pe'kən rekaa yangirək Í esəkən yanga zaiyak pa. ²⁷ Doo bonge, ''Ri'zi Dangwanz, ama yanga zai bən i rege diga ruteya í kadətə Dangwaniya iirə teebəlləirə.'' ²⁸ Sə Yeeso bagu bonge, kitakiiz eska timra mo̱o̱l pu waipa, na gapsa ri' ni gwan à esən timr ekik. sei wai kiiza ulləz go'os diga zo̱o̱ra elirə. ²⁹ Yeeso ruu daa orki rigə ɓapsa gbenaa Gaalilik sə gau ge̱e̱rə pa'. ³⁰ Bansa mari i zaa ullə i kamtu lendi, ruri, mukai lendi, naa ii uri iyanaa kuntai gwani pat i kamti Yeeso rə mu' sə rumgbi. ³¹ De bansa mari inni məsi de i og bingai ipu pakrə, naa lendi i go'os, iya i le' rigət pai i ruu rigəttə, naa ruri i og ar. sə i noos Billa Israilal. ³² Yeeso der Kubrubaiya ulləi sə doosi bonge, ''N oksə on bansa mariya ai yirkurə, nok epu yam ru' taarə i reg una pa. N ii wa'ka ri'eri naa busum pa bo'ta irə me'səm bilarə.'' ³³ Kubrubaiya ullə i doosu bonge, ara zi à kink buroodi gbi'zəz sə daksək bansa mariya aiya?'' ³⁴ Yeeso doosi bonge, ''Ipunaa buroodi rigaziya?'' i doo bonge, ''Buroodi gbansa naa dukt topa.'' ³⁵ Yeeso pi' bansa mariya eyi ina gau dii buttə. ³⁶ Pe' buroodiya gbansa ezi naa dukti, sa'a kaa rə də ii useiko sə we̱'gəs buroodi ezi sə esu kubrubaiya ulləi kubrubaiy ullə boo i esə bansa mari. ³⁷ Mariya eyi yas i reg sə bar daksi, i toogəs rekaa worə ru'ti eki gbeni yi'sin gbansa. ³⁸ Mari ya i regə rəkkai yara mari mu' narə baanda ki kiitaki' naa yangiwai. ³⁹ Sei Yeeso wa' bansa mari ha rigə, sə tor bark rə roo sə rigə buta Magadan dəttə.