¹ De Farisaawai naa Sadukaawai i zaa ullə noka i gweknuk, sə i desu bonge, na yiisəbo ni gwanta Billət ni pinnak. ² Sə iisi bonge, kaa naa zur nimz i doo inge dəll okənkpa pa, nok ora paak pu bəkp ɓək. ³ Gəə naa nit i doo inge ara wo̱nkak okək pa, nok ara paak bipsapu haa ɓamspu ár i meegəsən ni zamanuwaz az ɓamkənnak pa. ⁴ Enkabaiya zamanuwazzəi i laa boka mee ama i yiisiki una pa, assəkin re'saa Yunana rək pa. Sei Yeeso ruu ri'gə daaiyi. ⁵ De Kubrubaiya ulləi i gbətə naa kana uka rə ama timr zinsi naa pe'tika burodirə. ⁶ Yeeso doosi bonge, gbagə tók sə i zo' zur nok yistiya Farisaawai naa Sadukaawai rəz. ⁷ De Kubrubai i sundo gwanirə te, sei doo bonge, nok é pe'tə buroodi pa, ⁸ Yeeso meegəsapu sundumeya ii, sə doosi bonge, mooi ii mariya eska timr daksən pai, nok an sə i gau naa sundume ində te'ka enge bo zaa naa burodi paya? ⁹ Gwan ri'ak ii megəsin buroodi gbanarə azzi sə kamgə mari mu' gbanrə paya, ruteya i seyi ɓeni rigazi sə i to̱gisi ya. ¹⁰ Gəbən buroodii gbansa nok mari mu' nare', na riik ɓeni riga sə i pe'ti ya. ¹¹ Nok an sə ii megəsən paya? n doosən pakka buroodii rəkki pa, nokka ri'ik gbagən tok naa yiisti a Faarisawai naa saadukawai rəs. ¹² Ri'erizi sə ii megəsən, nok doosubo gbakka tok nok yiisti a buroodii rəzzi pa, ama bona gbagə tok nokka kubruskəna Faarisawai naa saadukiyawai. ¹³ De Yeeso zaa buta Kaisariya Filibittə sə des Kubrubaiya ulləi bonge, ''Mari i doo bonge Waa Maz neeziya?'' ¹⁴ I doosu bonge, uri i doo bonge, Yohana ura bo'rə batismaz, úri í doo bonge, Iliya, úri bo Irmiya, leegə pu anabawairə te'. ¹⁵ Sə desi bonge moi ii gə inge mii neeziya? ¹⁶ Siman Biiturus iisu bonge, ''Moozi Kweebaaz, Waza Billə naa zəngs az.'' ¹⁷ Yeeso iisu bonge moo ana səsəm azzi Simaan waza Yunanaa rəs, nok kwaal naa gala yiisa ina an pa ama Daa miirə pu pa'a ris. ¹⁸ Npu doos karə mozi Bitrus, n pu dooskarə n wonk gwaga Billək billərə pa', suknutta haades bən leek sə boonu una pa. ¹⁹ N eska ina gbə'rəka gwanta Billəttən, ina a doks dəllən pu doksənən Billə paa, naa gəbən ina a bins dəllən Billə paa yak pu binsənnən. ²⁰ Yeeso pi'Íi sə doosi bonge, kaina doosə maz koo boozi Kweebaaz pa. ²¹ Diga arkirə Yeeso ma' dooska Kubrubaiya ullə N rek Urusalima sə n ɓərk baar do̱o̱nirə nattə, do'ga tori naa Biibai Í ikɓe, sə N ruuk ublaa taatəkrə naa zəngs. ²² Sai Biiturus kamu kanarə sə əngsu doosu gee, Dangwanz ina an bo'rumkpa naa mo̱o̱pa. ²³ Yeeso yerə sə doosə Biiturus bonge, ruum miirə popsarə, setan mozi billa miirə dəkɓa de'rəl nok à esə tinm tómsa Billəssəpa, sai neta dəllət.'' ²⁴ Sei Yeeso doosə kubrubaiya ulləi, maza ii dookes muusək zura gwandəl sə peek vaga rauwa ullou sə duye. ²⁵ Maza ii zəngsa ulləs zaz kink pa, naa gəbən ura markən naa zəngsa ulləs nok mii kink. ²⁶ Anni keesək maz naa kins del təllə, sə markən naa zəngsa ulləs ya? Anni maz esək sə iigəsən zəngsa ulləs ya? ²⁷ Waa Maz zak naa gbikəmma ullə Daa rəm naa malaikai ulləi tok kooneeya ni bo'rən tomsa ulləs ak. ²⁸ Zema n pu dooskən də uri ipu iirə te de'narə ari ii wərk pa sei inaa ogpu Waa Maz zakrə gwanta ullət təm.