¹ Ublut bamrə sei Yeeso pe' Biturus naa Yaakubu naa Yahaya so'za ulləz sə kammi yiigrə pa', Gwani muyo. ² sei yessi rə muu, zok naa muuga ullək gau ni ublak, yallena ullən Oo ni ra'ak. ³ Arkirə sai Muusa naa Iliya i gbəsirə sə í pag naa úr. ⁴ Biiturus bagu bonge Yeeso go'gon aka gau ari mona iise, n go'tuk nu'tə taarə ari, mulo a mondəl, mulo a Muusa rə naa gəbən à Iliya rəl. ⁵ De ipu pakrə sei koliya buriyai i gbəsi, sei i gee gwera uka kolirə te, bonge ura azzi Waza miirə N iinu paz, ura zok yagnəuwaz ke'sunu tò' ⁶ De Kubrubaiya ulləi i gee pakki sei kasé naa muuma iim nok ser kamikan go'ma go. ⁷ Sei Yeeso zaa sə təgi sə doosi bonge, ''Ruun paa ser kana kamən pa.'' ⁸ Ama de' i ruu i gwenə ar i og maz pa, sei Yeeso gwan muzo. ⁹ De ipu tiitikrə ge'ekirə sai Yeeso pi'i kaina doosə, ''Koo neeya ina bo'rumman pa, sei Waa Maz naa ruutə pu diga roobaamrə. ¹⁰ Kubrubaiya ulləi i desu bonge, ''Sə bo'rə ga biibai i doo bonge, Iliya zi ma'tək zaka ya?'' ¹¹ Yeeso doosi bonge, zəmazi Iliya zak sə gətən yas. ¹² Npu dooskəndə Iliya rektəpu i meeu pazi noka ri'ik i bo'su ina baar kweesən, gwan Bilaa mukkokki waa maz ɓərk baar gwanirə nattə.'' ¹³ Arkirəzi sə Kubrubaiya ulləi i meegəsən, paksi Yohana ura bo'rə batismazzə paa. ¹⁴ De ipu bansa mariya eyirə maz uza pii zaa sə gu' gwandə mu' sə geee, ¹⁵ Daa ogum yirkuwa waza miizəu nok kunuwa bulmuzzəu pu ribdukuro, nok koo bənaya na ruuto mangsu ra'rə koo ma̱a̱mrə, ¹⁶ N kamtu Kubrubaiya mooirə ama i le'sə i go'su pa. ¹⁷ Yeeso bagu bonge, ''Mooi ii mariya i wəng zulləi sə i esə timr pai, haa bəna sə n gakp naa iiya? haa bənazi n gbak tók iirə ya? kamtunu ang. ¹⁸ Yeeso bi'su sə zammi kee sə daa wazzi zo̱o̱ra elirə. ¹⁹ Sei Kubrubaiya i zaa lo'ti sə i doo bonge, ''Nok an sə é le' keeska paya?'' ²⁰ Yeeso doosi bonge, ''Nok eska timra iil pu topa. Zəma zə' n pu dooskəndə, ina ka esə timra iil ni rentillak ika doosə yiiga ak na ruu səna ɓəə ari, sai ka ɓə́ə́s zura gwandəl, una ka pi səka le'en bo'karə pa. ²¹ Irəm zama ri'ak am ke̱e̱ zuk pa sei naa wəərək naa riika maam. ²² De Iipu gamnarə Galiili, sai Yeeso doosə Kubrubaiya ulləi bonge, i esək waa maz marirə nattə. ²³ Sə i ikɓu sə ruutuk ubluta taatəkrə, sei Kubrubaiya ullə i gau naa suksa baar go'mago' ²⁴ De i zaa Kafarnahum, sei mariya i kwee sookai i zaa oks Biiturus, sei i de̱su bonge, ''Lamza iiz gə essə pu sookya? ²⁵ Sei doosu bonge, "Oo." De Biiturus gəə gwa' roo, sei Yeeso desu bonge, Saminu moo à sundo rigazi gwaniya dəlləirəya i kwe̱e̱ sook yangiya dəlləirə ya koo maraginirə ya?'' ²⁶ Biiturus iisu bonge, maraginirə Sai Yeeso doosu bonge na ri'zi gə i pi'sə pu yangiya dəlləi toks. ²⁷ Ama ka ena tog mariya i kwee sookai hakeirei pa, rem gbənarə sə à me' galum, dúgáa na ma' kang kpák à ɗa' su'a ullək à oksuk wees roo sə à pe' sə à essə mariya i kwee sookai, à tog à miik naa mo̱o̱k.