¹ Zo̱o̱ra elirə kunrubai i zaa Yeesorə sə i desu bonge neezi gbi'zəz gwanta Billəttə ya? ² Yeeso der waizəz sə gapsu gwandə pourə. ³ N pu dooskəndə zemazi, i na pu' na' sə ina gauni yanga wai ak pa I tork gwanta Billəttə pa. ⁴ Ura yes zura ulləs waani ni yangiwai ak, uzi maaza gbizaz gwanta Billəttə. ⁵ ko neya kwee waz waani muzo riira miilə kwe'ye miizi, ⁶ Ama ura toz muzo yangiya i timr miirəi sə bo'rə hakkeiyat asku an ina maasu bille̱ naaləl dukrə sə ika donsu gbonarə. ⁷ Gapk naa yirku nok del, noknrta hakkeirət, doole zi ii kinkkin neta tosək mari sə ii bo̱'rə hakkeiyat. Ama gapk naa yirku ur3a netti zaa nok urak. ⁸ Na' a mook ko də̱'a mook naa toska hakkeirə də̱ə̱səm a koz, aska an sə a tor gwanta Billət naa na' muko, ko də̱ muko, naa ara ii dōnsukuna ra'rək naa na' ittiikə naa də̱ ittiikə. ¹⁰ Ogən kai ɓə̱ə̱s uzamuzo yangiwaiya airə te' pa n pu dooskən də tómbaya ii ipu pa'ari ko bənaya ipu sink mu'ga Daa miirə paz'zək. ¹¹ Nok Waa Maz zaa nok kweeka ina yaan. ¹² I sundo riga uza napu naa mái zu' gbənaarə sə à muzoz na yaa, daatək zu' narkə naa komna naa piti muzopa eyi gída ge'rə sə laak a yaaz paya? ¹³ Na kintupu zema n pu dooskəndə zok yagu nok à muzo ezi, ark an à Í seetə zu' narkə naa komna naa piti muzo paeyi, a í me'də yaakapa eyi . ¹⁴ Ri'eri iikaa Daa iirə paazəkki pa muzo yangi wai airə te sə ina wo'pa ¹⁵ Dowiya moz a boosa aibei, rem a doosu aibeiya ulləi mo naa ur iin muyo. Naa geesa a gətənpu dowiya moz. ¹⁶ Ama na ge̱e̱sa pa dərəm maz muzo ko ittəi seidə nak, nok kala pak gapk ri'eri. ¹⁸ Zəma zi N pu dooskən də ina i doks zok dellə roon pu doksənən Billə pa' in a ii bindis delləro̱n pu binsənən Billə pa' ¹⁹ Gəbən n pu dooskən də, ina mari ittiikəi iirə te' paka iik naa rəpu muko dellə ro̱, ina i oorən də Daa miirə Billə pa' boosəkən. ²⁰ Nok ara mari ittəi ko tarəi i dakən nok riira miil n pu iirə te'. ²¹ Sai Biiturus zaa Yeesorə sə desu bonge, Daa rigazi sə doowiya miiz na go'sə aibə sə n ra'səskúi ya? den gbansa ya? ²² Yeeso doosu bonge den gbansa kotto pa ama den gbansa rekarə zu' bamrə naa komnai ²³ Noka ri'ik i riigəska gwanta Billət naa gwanz ii bonge i ge'es zaudiya boorə nattəz sénirə. ²⁴ De i ma' go'ka ri' sei i kamtu sénza uza ura pu duuku taalenti zur komnai. ²⁵ De le'eu pu tokarə sai Dangwanza ulləz doo bonge, ina yingu naa kiiza ulləz naa yangiya ullə naa ina marən yas. Sə ina togən we̱e̱si ²⁶ Sei sənza ezi guu' ullə dii, sə o̱ru, dangwanz ɓəssime bar n to̱ka to̱n pat. ²⁷ De dangwanza ezi oksə sənza zi yirku, sə faasu sə dásu gimra etti. ²⁸ Ama sénza ezi kee sə oks doowi sénz ura pu duuku gimra dinari zu' gbənarəllə sə kamu dukro, doosu gee tógmé ina n pu duukarən, ²⁹ sai doowi sénz gu' dii bonge oksimé yirku n tóka ton. ³⁰ Sei sənza maakarə ezi mu'us, sə pee'u sə gbetu pursina rə,sei na to̱ksapu gimra etti. ³¹ Sei dowi səniya ii, i og ina boorum an, sə bar sugii maasin, sə i re̱ i dotə dangwanza iiz ina boorum an pat. ³² Sai Dangwanza sénza ezirəz deru, sə doosu gee mo̱o̱ ke̱e̱kiza az mii n daasa gimra n pu duuka rəl noka à oorinek. ³³ a see go' ora à oksəkən doowi sénza mo̱o̱z yirku paya? ³⁴ Dangwanza ulləs bar sugu, sə pee'u sə esu iya i gbiisku boneirən haa sə naa tog gimra ipu duuku rət. ³⁵ Ri'erizi ma Daa aarə Billə paaz bo'səkən ina ra'asə mari laatəra iilpa.