¹ De Yeeso ɓamsapu pakki, sei datə buta Galilit, sə za Yaahudiya ɓapsa gbəna urdunak rə. ² Bansa mari gənga i du'u sə rumgbi. ³ Sei Farisaawai i zaa ullə i gwegu, i doosu gee, go'gon maz na fas kiiza ullə kala aibərə ya?" ⁴ Yeeso iisi sə doosi bonge, i zangə paya úra go'ríz ma'karə go'ti ya'az naa kiiz paya? ⁵ Sə doosi bonge, ura go'tiz ma bonge, 'Maz daatək daa naa maiya ulləz sə gakp naa kiiza ullə ii ittikə i gakp zok muko paya? ⁶ Noka ri'ik ipu ittikə pa, i gapsapu zok muko, ina Bill dakssan maz kana mar pa." ⁷ Sei i doosu bonge, ''Nok an sə Muusa doose ena esə rababaaza faska kiimrəz, səna ri'gə ya?'' ⁸ Sei doosi bonge, ''Nok we̱mka timteya ii sə Muusa iisə́n ina fas ki'ya iiy, ama pu ri'pa diga ma'karə. ⁹ N pu dooskəndə ura fas kiiza ulləzaz nok aibeya zinarəz pa gəə na kam uza go'rə pu zina. Gəbən ura kam kitakiiza i fasuz urma pu go'ok zinarəzi.'' ¹⁰ Sei Kubrubai i doosə Yeeso bonge, "Maz naa Kiiza ulləz gə, go'gon maz kana kam kiiza pa. ¹¹ Sei Yeeso doosi bonge, ''Kala mazzi meegəskən kubruskənaak pa sei maza i iinúz. ¹² Nok gallii i pii iya i dingii gallii diga maiya iirə baalə, uri bo i pii iya mari i yesi gallii, uri boo i pii iya i yes zura iil gallii no̱k gwanta Billət. Maza le'ek kweeka paka akaz na kweek na kwe̱e̱.'' ¹³ Sei kamtu yangi nok səna pa'si na' naa na wəərisi ama Kubrubaiya ullə i ro'ni. ¹⁴ Yeeso doo bonge, ''Daan yanga yé'kiyai ina zaa miirə kai ro'ní pa, nok gwanta Billət à gwanirətti.'' ¹⁵ Sə gbaksi na'rə sə ri'gə. ¹⁶ Sai maz uza zaa Yeesorə sə doo gee, "Kubrubaaz n bo'ok na sə n kinə zəngsa ɓampas ya?" ¹⁷ Yeeso doosu bonge no an sə à desé ina wessan ya? ura go'oz muzozi mona ii kinka zəng à duuk doka. ¹⁸ Sai mazzi doosu gee dookaiya paiya? "Yeeso doosu bonge, kaa iw maz pa, kaa bo'rə zina pa, kaa ruuro pa, kaa seedəsən songb pa. ¹⁹ Esəm Daa mo̱o̱z naa maiya mo̱o̱z gbi'kəm, gəbən iim doowiya mooz ni zura moolak ²⁰ Waa gbamzi doosu gee n duusapu netti yas, anni bən seetə ya?" ²¹ Yeeso doosu bonge mona ii gakpa maza wessaz, rem à yingəs neta à marə yas, sə à esə iya pisi pai. A kink zaudi Billə paa sə à duutə. ²² De gbamzi gee ina Yeeso doon ri'gə naa suksa baar, nok úr gwana mazzi. ²³ Sei Yeeso doosə kubrubaiya ulləi, zəma zi n pu dooskən də, gomkp gon sə maza naa zaudis tork gwanta Billəttə. ²⁴ Gəbən n pu dooskən də asək an geloba na tor dura zila rəl naa ara maza naa zaudis torkən gwanta Billəttək. ²⁵ De Kubrubai i gee ri'eri sei mesəm kami, ''Sə i doo bonge neezi seek ya?'' ²⁶ Yeeso doosi bonge marirə gə ka bo'rum pa, ama Billə gə koo anya ka bo'rum." ²⁷ Sə Biiturus iisu bonge, "É daatə pu koo anya sə é duuta; é kink anya? ²⁸ Yeeso doosi bonge, ''Zəma zə', Npu dooskəndə iya i duye miiy, dingkaa pekkakrə, waa maz na gau tengsa ullə gbi'kəm rəs i gakp tengtiya komna naa ittikəi, sə bisək me'teya komna naa ittikəi Israilai rəi. ²⁹ Kala ura datə gwag, ko dowiko watkiiwi, ko daa, ko maai, ko yangi, ko ba'ak nokriira miil, kik inni dən zur komna, naa zəngsa ɓampas. ³⁰ Ama uri gənga iya ma'ka rəi i gətək sa', uri gənga iya sa'ai i gətək maaka rə.