¹ Gwanta Billət punni maza naa bāākas ura wəə naa dimta nit sə laatə mariya tomseiya ullə baakrəiyak, ² De ii gekənsapu naa mariya tomsei ei, we̱e̱s pene muzo ubla rə. ³ De keetə wees taaseə sai oks tómbai uri de'narə popsa luumarə kotto. ⁴ Doosi bonge ii bən ren mində baakrə ina toon uni n eskən, sə i ri'gə to̱msirə ⁵ Gəbən kee góka wees bamrə naa gəbən wees piti muzo pa, sə bo'rə nio keesin eki. ⁶ De gəə kee nimzəz oks uri de'timkparə kotto sə doosi gee, sə desi bonge nok an sə i de'tim kotto ya? ⁷ Í iisu bonge maz pe'é to̱msopa. sə doosi bonge ii bən ren baakirə. ⁸ De ubla wiis sei ura naa baakiz doosə waa gbamza ullə ezi bonge na der tómbaiya eyi sei na ma'i tóka iya i ma' zaka sa'kai, na gə tóg iya ma'karəi. ⁹ De to̱mbaiya i pe'ei ubla nimzəzeyi i zaa togí peeni muzo. ¹⁰ De tómbaiya i ma'i pé'kai i zaa i mee bonge i tokí ark an à esi ama i ma' tokí pení muzo. ¹¹ De i togi sei i ma' go̱o̱timə ura naa oogazzə pa, ¹² Í doo gee tómbaiya i kam to̱ms topai, à togee wees muso naa éya é kam to̱ms ubla bimmai.' ¹³ Sai maza naa baakaz bagi bonge, dooei n go'sa aibe pa, nok n toga ina à doks naa mooni koo ri'paya? ¹⁴ Kweem ina too nka togan à ri'gə, ni gosé minakki sə n tok iya n pe'ei sa'kai ni n tognən iik. ¹⁵ Asee n puna gɓi'kəma nbo'kən ina baar kweesenak paya? koo baar suggasuu go'numa mimrə ya? ¹⁶ Nokrik iya sa'kai i gətək iya se̱e̱niyai gəbən iya se̱e̱niyai gətək iya sa'kai. ¹⁷ De Yeeso pu ri'gəttə rekarə Urusalima, Sei pe' Kubrubaiya ullə komna naa ittikə eyi, de ipu ri'gəttə doosi bonge. ¹⁸ Ogən à pu rəkrə Urusalima, sə i assək Waa Maz firissiya gbi'kiyairə naa biibairə na'rə, sə i ze̱e̱susuku bisa wərkrəz. ¹⁹ Í esku menki sə i bəsku sə i ɗa'kú sə gəbən i ɓaaku vaga raurə, ama ublaa taatəkrə ruutuk. ²⁰ Sai Maiya yangiya Zabadi rəzzəi , zaa Yeeso rə na yangiya ulləi sə gu' dii gwandə mu'ka sə ooru uan. ²¹ Yeeso desu bonge a ii anya? Iim yangiya miirə ittikə ai Ina gau muzo moorə na' go'narə, muzo bo moorə na' ú'karə gwanta mootə. ²² Yeeso doosu bonge a mee ina apu oorukron pa, i le'eklen bo'ka naa kəra N bo'kunnak ya? Iisu bonge n i le'eklen. ²³ Doosi bonge N mee i le'eklen bo'ka naa kəra miik, ama gamn miirə na' gomnarə naa na' ú'karə a miiki sə N esək pa. Ama sei iya Daa miiz iiniy. ²⁴ De Kubrubaiya komna eyi i gee pakki sai baar sugi, uriyangiya ittikə eyirə. ²⁵ Yeeso deri gwandə mu' sə doosi bonge, i meemen gwani i yii gwant naa gəbən gwaniya dəlləi i yiisi gbi'kəm. ²⁶ Ama noka ri'ik gakp ri' iirə te'pa. ²⁷ Nok ura ii gamna gbizəzzaz, na yər zula ulləl sénz. ²⁸ Ni Waa Maz zannak noka i noosukənuk pa, ama nok úr nooskən marík, sə esə zəngsa ulləs nok keesəka mari genɲa ²⁹ De Yeeso keetə diga Jeriko, bamsa mari gənɲa i duutu. ³⁰ Ama rui uri ittəkə ipu gamnarə bilarə paa, de i gee Yeeso pu arkrə, i wo̱o̱ su' ''Dangwanz Waza Dauda rəz, oksəmee yirkurə.'' ³¹ Ama bansa mariya eyi i bi'si bonge ina rəəs. Ama i bag teka gwera paari gee, ''Dangwanz Waza Dauda rəz, ogum yirkuwa eeu.'' ³² Yeeso de' sə deri bonge, ''Mina bo'sun anya?'' ³³ Í iisu bonge, ''Dangwanz é ii oka ar.'' ³⁴ Yeeso og yirkuwa iiu sə pog no'a ii, sə go'si, ni ungkpa norak i og ar sə i dúú.