¹ De Yeeso tiitəge'ekirə, bansa mari duu sa'ka. ² Sai bə̱dəz uza zaa ullə sə gu' ullə dii bonge, ''Dangwanz mona ii rumgbəme.'' ³ Yeeso yii na' ullə sə pa'u bonge, N iisapu go'sum. Ni unkɓa norak bə̀dəmaroom fasu go'os. ⁴ Yeeso doosu bonge kaa doosə maz ina bo'rumman pa. Ama yiim zura mo̱o̱l do'ga tòzzo mu' sə à esə ina Muusa doo Ína nok meegəskəna à go'sapu. ⁵ De to̱r Kafarnahum daa Ya'al ula zaa ullə sə oru. ⁶ Sə doo bonge Dangwanz waza miiz pu geek zokro go'mago' ⁷ Yeeso doosu bonge n pu zakrə sə n go'su. ⁸ Daa ya'alli bagu bonge, ''Dangwanz n to̱o̱ ara aka torun miirə nuurək pa, ama pagəm tan waza miiz go'suk gon. ⁹ Nok mii maza naa gbi'kəmazzi n pu naa dogba seegéi mində dii,mina doosə az ri'gəm ri'gək. 'Mina de̱r uza na zaa zak,' gəə mina doosə se̱nza miiz bo'om an go'ok.'' ¹⁰ De Yeeso gee pakki inni məsu, sə doosə mariya i duutúi. ''Zəmazi Npu dooskəndə koo Isara'ila zi, N me'ɗə oka maza naa eska timr ri'az pa. ¹¹ Npu dooskəndə mari genɲa i tiitək ara diikrə naa nimzəz sə i zaa gau gbaktirə paa, naa Ibrahim naa Ishaku naa Yakubu gwanta Billəttə. ¹² Ama yangiya gwanta ye'niyai i ɗongski tégrarə ara í go'kun naa təbdəka nu'uk.'' ¹³ Yeeso doosə daa ya'alli bonge, ''Ri'gəm! Ni à esəm timr eki na gapsa ri'.'' wazzi go'os wakatiya ezirə. ¹⁴ De' Yeeso zaa Biiturussə gwa sei oks mai gwa kinarə kunzuz. ¹⁵ Yeeso pa' na,a ulloi sə kunuwa ewi daau, sə ruu paa ma' osiki rek. ¹⁶ De nim go'rum, sei mari í kamtə Yeeso iya zam fo'o̱i yai, sə ke̱e̱s rumsi naa pak, sə go'os íya zok ísí pai. ¹⁷ Bo'rum ri'erizi nok yi'iska ina anabi Isaya dook bonge, naa zura gwandəl sə pe' kúnta áát. ¹⁸ De Yeeso og bansa esi ko'su te'ka sədoo bonge, bo ga' rekarə ga'sa gbənaa Galilikrə. ¹⁹ Sei biibaaz uza zaa ullə sə doosu bonge, 'Lamz, n duuka ara à rekənnakrə tele.'' ²⁰ Yeeso bagu bonge, ''Rími ipu naa dura iil, nói yas ípunaa pumsa iis. Ama Waa Maz punaa ar kina pa.'' ²¹ Sei muzo diga Kubrubaiya ulləirə te'ka doosu bonge, ''Daa, daame n ree iitə Daa miiz zanga.'' ²² Ama Yeeso doosu bonge, "Duutume, dààm íya i wərai ina ii zura gwanirəl.'' ²³ De Yeeso tor ɓarkrə roo Kubrubaiya ullə i duutu sa' sə í tor. ²⁴ Sei bii ruutə gbənaa ekirə, haa maam ruuto yaan gbaska ɓarki, ama Yeeso pu rumrə, ²⁵ sei Kubrubaiya ulləi í zaa ullə sə i we̱e̱su naa ruupaa bonge, ''kwe̱e̱mee, Daa é wərk de̱ra!'' ²⁶ Yeeso doosi bonge nok an sə í serum ya? Íi iya í esə timr pai, sei ruu paa sə bi'sə zakaaki naa gbənaaki, sə arki de'es diikadi' ²⁷ Sei məsəm kam iya í geei, ''Irəm maza pazzi azya, ura zaka naa maama gbənarəm geesugen pak az ya?'' ²⁸ De Yeeso reks buta Garsinaawai rəttə, ree sai mari uri ittikə i keetə diga gagrə te, i dúúi mu' nok ipunaa ə̱ngkət, nok koo maza səka ark bilaa ekirəz piipa. ²⁹ Sə í wo̱o̱ su' paar Bonge, é bo'ok an naa mooya mo̱o̱ waza Billəz? àzaa ɓəskee baalə wakatə nagə bo zaaya? ³⁰ Eriya gbəəga yéwirək pu eri ne̱e̱urə, ara rook pu mis naa ara ii pin eki. ³¹ Maiya rooi i ree mu' naa ooruka Yeeso inge, "na keetitəbo góka to̱mmee gbəəga éwirəkrə." ³² Yeeso doosi bonge, "Ri'gən!" Maiya rooi i keetə sə í re tor gbəəga yéwirə ekirə; Gəbən, gwani yas ire tookən gbaksəra gbənaa ekirə, gwani yas i wər maamirə. ³³ Sei neebai i nog rekarə delleə te'ka, i doo pakki pat, naa ina bo'rum naa iya maiyayan, ³⁴ sei dellirə pat i keetə, sə i oks Yeeso, de' i oksu i ooru bonge na daasubo butta iit.