¹ Kai ze̱e̱s pa nok iima i ze̱e̱skən pa. ² Nok ze̱e̱ska i ze̱e̱sən urik ii bən i ze̱e̱skənnən ri' naa kera i riinak uki sə riiskənnən. ³ Noka an sə i gwene ina pu doowirə nollən sə à daak keesəka te'à pu mondək ya? ⁴ nok an sə à doosuk doowi monge n keesa ina pu moorə nollən, sə à daatək à pu mondə nollək ya? ⁵ Moo zaga maz ma'am keeska à mondə nollən zanga, sə a og ar, à kasə pu doowiya moorə nollən sə a keesusu. ⁶ Kai iisə zai si ina o̱'mun pa kai kos lu'ulu'uiya ii yaawi rə mu' pa. Nok i digdig gwanirə dentə dii. Sei iyetə i tagəsin. ⁷ Orun i eskin, laan i kink, dagɓən sogna i gɓe'riskən. ⁸ NOk ura ooroz kweek kwen, ura laaz kingkin, ura dagɓə sognaz i gɓe'rusku. ⁹ Ura pazzi iirəi te'ka sə waza ulloz oorusu burodi sə esku bilya? ¹⁰ koo na oro duga sə esku biks ya? ¹¹ i ben ii mariya i eng ai ma, i esə en yangiya iiy ina wessan, sə Daa iirə pazz esik ina wessan iya i orui rə paya? ¹² noka ri'ik ina ii mari in abo'sənnan ii ma i bo'sə kən ri'eri, nok ri'eri zi ro'oknaiya Saarirəi. ¹³ Torun sognaa waikak rə, nok sognaa gɓi'kak, bilaa angkakbo a rekina werkəkki. Mari geng geng i tor pu roo. ¹⁴ Sognaa pu waikak, bilaa ben pu waanni, rekarə zengsək, iya i king kai ipu topa. ¹⁵ Gem zura iil oomi na Saariya sogroi, iya i zaa iirə naa woka mairé, ama timla iil go'pa. ¹⁶ Te' mee zok naa repkpaa yangiya ulləi rək ni iakpən rumb keptə zokrok pii pa, koo inabi vengə zə zakrə pa. ¹⁷ Ri'eri te' a wessak kees yangiya wessai gebən te' a go'pak keesək yangiya i go'pai. ¹⁸ Nok te' wessak rewe yangiya i go'paipa ben te' go'pak rewe yangiya wessai pa. ¹⁹ Kala te' a rewe yaangiya wessai pak dopsuk zok, sə i kos ra;rə. ²⁰ Nok ri'ik njh i meeki pa yangiya iirəei rə. ²¹ Naa maza der ri'ra Billəl Daa Daa sə tork gwanta Billəz piipa, ama sei ina duu inaa Daa mirə paariz iin. ²² Mari geng geng i doksə ublaa ekiro, Daa Daa, a bo'ro saarəm na ri'ra mol paya. Naa ri'ra mool sə a kees mai paya, naa ri'ra mool sə é bo'ro neta mesəm ret paya? ²³ sə n doosiki n meɗe meekən pama, ri'gən ang moi engbai. ²⁴ Nok ri'ik maza gee paka miirək sə bo'ro puna maza na ɓe'kuzaz, ura wom gwaaga ullok kai rə paak ²⁵ de' maam langtə, yə'tə, zaka ruuto sə fo' gwaagirə paa, nok i wom ge'rə paa. ²⁶ Kala maza gee paka miirək sə kam toms pas puni maza məzaz, ura wom gwaaga ullok waarəttə paaz. ²⁷ De' maam langtə sə yi'tə sə zaka ruuto fo' gwaagi haa kas, kaskaa ullok pu gweki. ²⁸ De Yeeso ɓams doosiki pakkirə sei məsəm kam bansa esi, kubruskənaa ullə ekirə. ²⁹ Nok kubrusini ni maza naa gɓi'kəmaz, ni biibai pak.