¹ Geen gen ina go'ok tomtiya irrə go'numrəi marirə mu' noka i okənnak pa, ina bo'rə ri' i kink faasəma Daapu irrə paariz pa. ² Noka ri'ik ina esək esəka iik kai Uu! gul ni mariya i mee Billpai i bo'ro ro'tərə, naa gə billittə paa noka mari i zankinik. Zemaze npu doskən i kweespu faasəma iim. ³ Ina esək esəka iik na' go'ni kai na mee ina na' ukan pu bo'runkpa rən pa. ⁴ Nok esəka iik na gau ina sumsumrən: Daa pu irə ura og ina pu sumsumrən, eskən en laada. ⁵ Mo̱na weerək kaa gooni mariya í mee Billpai yak, nok i ii de'ka gwaaga Billəkrə naa billittə paa naa bilitta ɓapsarəttə, sə i wəərə. Noka mari i oknik, zemaze i kweesa pu laadaa ííz. ⁶ Ama mo̱o̱ mona wəərək torum rora roorillə, sə à gbe'es sogna, sə à wəərə Daa Billa mool ura pu sumsum rə, ura og on ina pu sumsumron eska en laada mo̱o̱z. ⁷ Mo̱na pu wəərəkrə kaa gəəgəs ni menki i bo'onnak pa. Í mee inge paka haa eki geekbo gen. ⁸ Noka ri'ik kai goo ni íí eki pa, nok Daa mo̱o̱z meesapu ina a iin mona gə de̱su. ⁹ Noka ri'ik wəərən ri'ang, Daa eerə Billa paaz ri'ra mo̱o̱l na no̱o̱s zok, ¹⁰ Gwanta moot naa zaa, ina bo'rə dəllə roo ang ni i go'on Billə paak. ¹¹ Èsmee reka wo̱nkak. ¹² Ra'səsəmee hakeiya eerei, ni éma é ra'səsən iya í go'see ina go'pannak. ¹³ Kaa daayé sə é tor ɓasurə pa, ama keesəmee e̱ngka baaza azzə ¹⁴ Nok mona ra'səsə mari hakeiya ii pa, Daa pu moorə Billə paaz bən ra'səskai ran. ¹⁵ Ama mona ra'səsə mari hakkeiya ii pa Daa mo̱o̱z bən ra'səska hakeiya mooi pa. ¹⁶ Bən wakatiya mona pu suumairǝz, kaa doks muuga mook pa ni iya i mee Bil paiyak, nok i laks muuga iik, nok sə mari ina og bopu go'ok suumairə. Zəma Npu dooskəndə, í kweesapu faasəma iim. ¹⁷ Ama mo̱o̱ mo̱na pu suumairə wo̱o̱m waag zura mo̱o̱lə neksəm muuga mo̱o̱k. ¹⁸ Nok sə kaa yiisə mari apu suumukrə pa, sei Daa mo̱o̱z ura pu sumsumrəz, nok Daaa mo̱o̱z ura og sumsumaz eska faasəma mo̱o̱m. ¹⁹ Kai gbagə ina pissənnan dəllə pa, ara baar naa se'em naa rui i ruurukənnak pa. ²⁰ Ama gbagən ina pissənnan Billə paa, ara baar naa se'em le'səkənnak pa. ²¹ Nok ara ina mo̱o̱n pinnak roozi timra mo̱o̱l pu roo. ²² Nok uli oosaa zokrok, noka ri'ik no̱ra mo̱o̱l na pu oomi zoka mo̱o̱k yas gakp naa oosa. ²³ Ama no̱ra mo̱o̱l na okum pa zoka mo̱o̱k yam yas punaa təgra, noka ri'ik zoka mo̱o̱k napu naa təgra gə, təgra mo̱o̱k gakp rigaya? ²⁴ maza ka no̱o̱s dangwani ittəkəz gə piipa, koo à mu'us muzo koo iik à mùzoz. Koo à winə à muzoz koo à daa à mùzoz, à le'ek no̱o̱ska Bil naa zaudi pa. ²⁵ Noka ri'ik N pu dooskəndə kaa daamə naa zəngsa anɲas pa, naa ina i rekkan pa. Naa ina i bo'kan naa gə zoka iik yas naa ina i te'kan. Nok zəngs ar rék paya? ²⁶ Gwenən noya Billǝ paai i tà' dókt pa bellə p'ka. Í toogus rent werəmrə pa, naa ri'ik pat Daa esi en reka, moi ii i ar nói paya? ²⁷ Neezi iirə te' noka daamunnak səka le' baka topa diga wi'à ullərə paaya? ²⁸ nok an sə i daamə naa neta tegrarət ya? sundum naa buruma wo'som ni dagənnak, kinə toms pa le' go'ka yalən pa. ²⁹ Ni n pu dooskəndək koo Sulemaanu naa gbi'kəma ulləm le' sə te' yaləna oon ni neta atak pa. ³⁰ Bill nale' go'rukawo̱'sa buttəs apu wo̱ngka koo bo'ta as səka do̱o̱s zok, bəllə iya i esə timr oomipai. ³¹ Noka ri'ik kai daame naa ina rekarə koo bo'karən naa neta í te'ek zokrot pa. ³² Menki ma ipu laak neta ri'attə, Daa iirə billə paaz bən meemen í in yas, nok neta at pat menki i laa, sə Daaa Billəz mee ina i iin tele. ³³ Noka ri'ik laan gwanta Billət naa eska timra iil zanga. Í eska neta eti yas. ³⁴ Kai daamə naa bo'ta pa, bo'ta daamək naa zura gwandəl. kala ubla puna neta go'pat gwandə zullət.