¹ Sai Rumsa Billəs kam Yeeso rekarə doolo roo, nok sə setan na gwegu. ² Reg una pa ublut zu' ittə, naa tuktə zu' taarə sə wodu gomu. ³ Sai səər baaz zaa doosu bonge, na moo waza Billəzzi gə yərəm billa al na yerə bruodi. ⁴ Yeeso bagu bonge, ''Pu biisənin bonge, 'Naa burodi zi tan maz ɓiik pa, sei naa paka keetə Billək.''' ⁵ Sei Setan kamu dermiya oomii rə de'su denka gwaaga Billəkrə paari. ⁶ Sei doosu bongee. Naa moo Waza Billəzzi gitəm diiri nok pu biisinən, 'Doosuk malaikaiya ulləi sə ii ina geewa, Naa gbi'kəm i kweeka iirə nattə nok kaa dəu də' bìllə pa.''' ⁷ Yeeso doosu bonge, ''Gə pu biisənin, 'Ka gwəg Daa Billa mool pa.''' ⁸ Gəə setan kamu naa rekarə paarik, sə yiisu gwanta dəllət ni kwe'ennak. ⁹ Sə doosu bonge, ''N eska neta at tele mona gu' dii sə mona no̱o̱sə.'' ¹⁰ Yeeso doosu bonge, ri'gəm ang! nok pu biisənin a no̱o̱sək Daa Billa mool, gwan muloli a sénk.''' ¹¹ De setan daau, sei malaikai i zaa sénu. ¹² De' Yeeso gee i kamsapu Yohana, sei ri'gə rekare galili. ¹³ Daa Nazarat sə re gau Kafanahum, ɓapsa gbenaa Galilikrə reng naa buta Zaabulunat naa Naftali ¹⁴ Inni bo'rum nok yi'sika paka Saariza Bilkəz Isaya dook, ¹⁵ "Buta Zaabulunat naa Naftalit ɓapsa gbenarə ga'sa Urdunak naa Galili buta Menkirət! ¹⁶ mariya i gau təgra roi i og oosa, naa iya i gau or werkrəi naa zengsa ulloi iirəi oosa keetək." ¹⁷ Diga bəlla ellirə Yeeso ma' dooka paka Billək sə doo bonge, ''Pu'un na' no̱k gwanta Billət rektitə pu dera." ¹⁸ De' pu ri'gəttə popsa ɓenarə Galili sə og ii uri yanga dowwi ittəke Saminu ura i deru Bitirusaz naa Andarawus ipu mang yansa iisə gbenarə nok ii kangba dukttəiyi ¹⁹ Yeeso dosi gee, duutine mii nok n yeskən kanba mari. ²⁰ Orkiro i de'ette yansa iis sə ii duuw. ²¹ De' Yeeso pu ri'gəttə arkiro sei og yanga doowi ii ittəke, Yakubu waza Zabadirəz naa Yohana ɓarkrə naa daaa iiz Zabadi ipu po'ruk yansa iisə sə deri. ²² Arkirə i daatə ɓarki naa Daa iiz i duutu. ²³ Yeeso ree ata Galilittə kubrusən gwanirə ro'teya Billəirə, pu dook paka tingka gwanta Billəttə, sə rungbo iya naa kuntai naa iya zok iisi pai mariya eyi rə te'. ²⁴ De' paka ullok yas Suriya pat, mari i kamtu iya naa kuntai, naa iya zok ma'səi, naa iya ipu naa kunuwa mairəm, naa iya zaka fo'o̱i naa iya naa zok bo'sunkkai sə Yeeso rungbi. ²⁵ Sei bansa mari i duutu diga Galili, Dakafolis naa Uruselima, naa Yahudiya naa gəbən ga'sa Urdunnak.