¹ Ru'a eyirə, Yohana ura bo'rə batismaz zaa doosə mari paka Billək doora Yahudiyallə bonge, ² ''Pu'un na' no̱k gwanta Billət pu dera." ³ Ura ezi zi Ishaya anabi doo bonge, "Gwera der su' doolo rook, 'Go'rəsum bilaa Daa Bil duukak, le̱e̱sən bilitta naa bopsat."' ⁴ Yohana tə' neta naa suka gelobarət, sə dog seeg naa wok. Rekaa ullək siiri naa wo̱si. ⁵ sei mariya Uruseliimai naa Yahudiyai yas naa ata ɓapsa wo̱maa Urdunnak, sə i ke̱e̱tə rekarə ullə. ⁶ Sə bo'si batisma womaa Urdunakrə, sə i doo hakkeiya ii. ⁷ De' og Farisaawai naa sadukiyaawai gən ipu zakrə ora ullo batisma rekrə, doosi gee ii engbaiya ai rikak ni ai nee doosun ina nog suksa baar a zakas ya? ⁸ bo' on tomtiya i yiikən gee, i pu'sa pu na'ai. ⁹ kai sundo inde timte rə gee apu naa Ibrahim daa aaz, nok a doosuk Bill le'ek len keetə Ibrahim yangi bilirə te. ¹⁰ Nok i gapsa pu bo̱o̱tus te̱ttə dii, kala te'a reu wessa pak i dopsuk sə i koos ra'rə. ¹¹ Ni n bo'sun batisma naa maam rekarə ra'siska hakeiya iiy re, ama ura pu zakrə miirə sa'kaz anne an gbi'kəm, koo gwera ullo tagillə n le'ek binsika pa. Uzi bo'su kun batisma naa Rumsa Billəs naa ra'a. ¹² Kampu keta gbeskarət gwanse na'rə nok n gbeska dokt naa goni i doosiki ra'a ɓampakrə. ¹³ Sei Yeeso ruutə diga Galili rekarə Womaa Urdunnakrə, nok sə Yohana na bo'su batisma. ¹⁴ Ama Yohana iinu ro'oknu bonge, n ii kinka batisma moorə sə gə a zaa mirə a?'' ¹⁵ Yeeso iisu bonge iim ri'ak, ''Iim ri'ak, nok ina wessanni erə yi'iska go'num tele.'' Sə Yohana iisu. ¹⁶ De' i bo'su batisma sei Yeeso keete maamiro ya'a, sei ora paak gbə'rum nok ur. Sei rumsa Billəs toiitə ullo paa ni goluzzak. ¹⁷ Sei gwera keete diga paari bonge ''Ura az Waza miirə n euwaz. N gee yaksa zok ur go'ma go.''