¹ De ar oo, sei do'ga tori naa do̱o̱niya marirəi i doks su' naazi Yeeso rə paa, sə bo ipsu. ² Sei i dogu sə i ri'gunu, i kamu Bilaatussə gwanza gbi'zaz dellirəzzə. ³ Sei Yahuda ura yinguz de og zeespu Yeeso bissa wərkrəz, sə gən weesa sugtunsa kweetə firissa gbi'sas naa doonirə esi. ⁴ Sə doo bonge, ''N bo'rəpu aibei zoka n esən ura punaa aibe paz ina iu.'' Ama i doosu bonge, an kassee ya? mon gwenum naa zura mool.'' ⁵ Sə mangs weesa sugtunsa esi gwaga Billəkrə, sə kee ree aggə zura gwandəl naa gwera. ⁶ Firissa gbi'zaz ində weesa sugtunsa esi sə doo bonge, '' Too ara eka gbagən weesa as ar gbakna weesək pa, nok weesa i kuusən kwaalassi.'' ⁷ Sə i wi'gəs gwanirə te'ka weesirə paa, sə i yiu ar gaggi nok iika mari ginirə. ⁸ Noka ri'ikki sə i der ara eki, ''Ar kwaal'' haa wonka. ⁹ Ina annabi Irmiya doon yi'ispu zok, bonge, i pe' weesa sugtunsa zur naa komnai ei a mariya Israilai i geekənnallə, ¹⁰ sə i esə nok yikkpa ara gaggəllək, ni Daa Bil doosnek.'' ¹⁵ Ama bəlla naasəllə ko bənaya gwanza gbi'zaz doksapu fassəkee fan maz muzo a mari i teegəs iya i dogdirəirə te'ka. ¹⁶ Zoora elirə keeka maz uza pii gbe'narə, i deru Barnabas. ¹⁷ De i tookən ar mukə gwani yas, sə Bilaatus doosi bonge, i ii mina fattən ura paz ya? Barnabas ya, koo Yeeso a i deru Kweebaazaz ya?'' ¹⁸ Nok meemen i esə Yeeso ullə nok keekuwi. ¹⁹ Pu gamnarə tensa bissəssə paa sei kiiza ulləz tomte su' bonge, ''Keem bilaa maza naa go'numazzək nok rudumrə te' n ɓər baar haa nok ur.'' ²⁰ Sei firissiiya gbi'kiyai naa dooni i sugrə bansa mariya eyi ina daa Barnabas, ina iu Yeeso. ²¹ Gwanza gbizaz desi bonge, iya ittəkə airə te' i ii mina fattən ura pazya?'' I doo bonge, ''Barnabas.'' ²² Bilaatus doosi bonge, ''Mina bo'sə Yeeso ura i deru Kweebaazaz anya?'' Gwani yas i iisu bonge, ''Ɓanu.'' ²⁵ Mariya eyi yas i doo bonge, ''Hakkeiya ullə kwa'rəi ina gau erə paa na yangiya eei.'' ²⁶ Sə fassisii Barnabas, sə daa Yeeso ina ɓawu. ²⁷ Sei soozaiya gwanzai i kam Yeeso dakaa gwanzəkrə, sə i daks soozai yas gwandə. ²⁸ Sə tusu i tə'su yaluwa biuwa gwantəu. ²⁹ I bobsu meetuwolla kəptəz sə i ku'suu zullə, sə i esu gwalaa gwaani naa doonirək, sə i gau gondə mu' sə i ɓə'su, " Bil na zo'a gwanza yahudaawai rəz.'' ³⁰ I tu'su tuttə, sə i pe' gbalaa sə i zomnu zullə. ³¹ De i ɓə'su, i tus yaluwa ewi sə i tə'su a gwandəu sə i ri'gunu ɓaaka. ³² I pu keetəkrə sei i sar naa maza Bakuraanis uza i deru saminu, uzi i piu na duutəbo nok sə na gum vaga rau. ³³ De i reks ara i der golgotakrə' wato "Ara ƙungba zu'terək. ³⁴ I esu maama inabirəm i fee naa zogum nok sə bo' ama de gwegə, sei mu'us bo'ka. ³⁵ e i ɓau sei wog woogəz sə i mas yalləna ullən gonirə te'ka. ³⁶ Sei gau eri sə i zo'ou. ³⁷ Gwandə zullə paa, i bii biit ina ɓanundə gee, ''Ura azzi Yeeso, gwanza Yahudaawairəz.'' ³⁸ I ɓau naa rui uri ittəi, ura muzəz na' go'narə ura muzəz boo na'ukarə. ³⁹ Iya i ar arkirəi i doosu səəra pak sə i rikə zur. ⁴⁰ sə i doo gee mowa a le'ek wa'aska rora Billəi sə a wom ublət taatəz, kweem zura mondəl, na moo waza Billəzzi gə' tiitəm vaga rauwa ewi rə paa. ⁴¹ Ri'eri gəbən lamiya gbi'kiyai i doosu saari pak, naa biibai naa do̱o̱ni i doo bonge. ⁴² Kwee uri ama le' kweeka zura gondəl pa. Na gwanza Israilai rəzzi na tiitə vaga rauwirə sə è esə timr ullə. ⁴³ Esə timr Billə, Bil naa kweeu r'iak me̱, Bil na kweeu me̱ naa iwu in gə. No̱k ur bən doo bonge, 'Boo Waza Billəzzi.''' ⁴⁴ Gə ruiya i ɓaayi yamai ii bən i doosu irəm paka eki. ⁴⁵ Diga bəlla bamrəllə sə təgra gbe'es dəl yas haa rekarə bəlla piti muzollə. ⁴⁶ Bəlla piti muzollə Yeeso wo̱o̱ naa gwera gbi'kak sə doo bonge, ''Eli, Eli, Lama sabaktani?'' uki, Billa miil, Billa miil, no̱k an sə kose ya?'' ⁴⁷ Uri iya ipu de'narə arkirəi de i gee, i doo bonge, ''Pu derk Iliya rə.'' ⁴⁸ Naa gbaku uza noktə iirə te' pe'tə nee, pu yi'sənzəz maam yaanəm sə aktə rau yiisə sə esu na bo'. ⁴⁹ Uri a i seetəi i doo bonge, ''Daanu gwan muzo. A og koo Iliya naa zaa kweeku kwen gə.'' ⁵⁰ Sei Yeeso gə wo̱o̱ su' naa gwera gbi'kak sə fas zəngsa ulləz. ⁵¹ sei yaluwa gwaaga Billəkrə roo taagəs ittəko diga paari haa diiri, sə but lamrə sə bille i uwa'gəs. ⁵² sə gaggi i gbe'rəm, zong na iya i rəs rumsəirəz i ruu. ⁵³ I keerətə gaggirə, de ruutə rumsə, tor della ookapa elirə sə gbəsə mari gənɲa. ⁵⁴ Soojai naa iya ipu zo'ok Yeeso rooi i og ara but lamrənak naa neta bo'rum at, ii yas ser kami go'ma go' sə i doo bonge, ''Zəma zə' ura az Waza Billəzzi.'' ⁵⁵ Kita ki' uri iya i duutə Yeeso diga Galilii no̱k sə bo gbaau ai ipu eri de'tə ar ye'na sə i gwenə. ⁵⁶ Iirə te' iiyi Maryamu Magdaliya, Maryamu maiya Yakubu naa Yusufu rəz, naa maiya yangiya Zabadirəi. ⁵⁷ De' nimz bo'rum, Maza naa zaudiz uza zaa diga Arimatiya, i deru Yusufu, urbən Kubru baaza Yeeso rəzzi. ⁵⁸ Ree Bilatussə sə orə ina etubo zoka Yeeso rək, sei Bilatus doosi ina esu. ⁵⁹ Yusufu pe' zokki sə ɓundus yaluwa okapau liilin deurə. ⁶⁰ Sei tos zokki gagəra a pəlla go'sə gonallə, ara bilerəkrə sə giitətə billa gbi'la eli sogna gaggəllirə sə ri'gə. ⁶¹ Maryamu naa Magdaliya naa Maryamu a muzoz ipu gamnarə gaggəllirə mu. ⁶² Ublaa gbo'təkrə, ublaa go'rəka zokrəs ar, firissii a gbi'kiyai naa Farisaawai i dakən naa Bilatus. ⁶³ I doo bonge, ''Moowa naa gbi'kəmas, e sundə ina səərbaaza az doon zoora punaa zəngs as, doo bonge, 'Ru' ina ar taarəkə bo ruutək diga roobaamrə.' ⁶⁴ No̱ka ri'ik doom ina geu gaggəlli haa rekarə ru' taarəkə, no̱k bo'ta sə kubrubaiya ulləi i zaa ruuru sə i doosə mari bonge, 'Ruupu diga roobaairə te',' səərəmeya ɓapsarəi i ark an a seenzaz.'' ⁶⁵ Bilatus doosi bonge, ''Pe'en soojai. Sə ina ree geu arki ni i le'kənk.'' ⁶⁶ Sə i ree i geu gaggəlli, i bi' na' billirə paa sə se'es soojai ina zo' arki.