¹ Ubla əngəskənaa Yahudaawai rək as nittə dii, ublaa seenkak luumarək sei Maryamu Magdaliya naa Maryamuwa muzoz i rəə gwenk gagəllirə. ² De' buta gbam gbi'tat nok tombaaza kweebazzəzaz uzazi ttitə diga paari sə zaa giia billi sə gau paa. ³ Go̱o̱sa gbətkaa ullək sekəm ni Oosak, yaluwa ulləu bunnin ni talwi. ⁴ Iya i zo' gaggəlli i ninks ser kami i yer ni i wərapuk. ⁵ Ama malaikaazi doosə kitaki'a eyi bonge, ser kana kamun pa, n meemen ipu laak Yeesorə zi ura i ɓaau az. ⁶ Pu ari pa, ni doosənin zan i gwenə ara i gbopsunuk. Ri' bən ɓala ya' i doosə kubrubaiya ulləi, "Ruupu roobaamrə, gwenən pu ində mu' artikən an rekarə buta Galilittə." ⁷ Aa eri zi i sə i oku.' Gwenən n doosən pu. ⁸ i ruutə naa ɓaku ar gaggəllirə naa ser naa yaksa zok wesawe, i npg noka irə doosukən kubrubai ina bo'rumman. ⁹ Sei i sar na a Yeeso, sə dosi gəə, "N de'sən" iza, i kəu denta ullət sə i noosu. ¹⁰ sei Yeeso dosi gəə, "Ser kana kamən pa, ri'gən i dosə uriyangi a mii ina ree galili aa erizi i okə. ¹¹ De kita ki' ei ipu rigəkrə, sei uri iya i zo' arkii i tor dəllə te' sə i doosə firissa gbi'zaz neta bo'rum at tele. ¹² Se firissii i dakən naa do̱o̱ni sə i zees pakki gwanirə te', sə i esə soojai wees gbi'səs, ¹³ sə i doosi bonge, ''Doosən mari bonge, kubrubaiya 'Yeesorəi' i zaa naa tuks sə i ruur zoka ullək ipu rumrə.' ¹⁴ Paka ak na reks gwanza gbi'zazNazarattazə tokrəparuku sə e keesən gberka baalə. ¹⁵ De' sozai i kwee wesi i bo'rə ni i doosinik. Paka eki faks Yahudaawairə te' haa zakarə wongka. ¹⁶ Kubrubaiya ulləi komna naa muzoz ai i ri'gə buta Galiliittə, sə i ree yiiga Yeeso doosi rək. ¹⁷ De i ogu i noosu ama uri i sinkən. ¹⁸ Sei Yeeso səətə mis iirə sə doosi bonge, ''I esepu gbi'kəma paarəm naa a diirəm yas. ¹⁹ Noka ri'ik ren i kubrusən mariya dərmerəi yas. I bo'si batisma naa riira Daa, naa Wazzəllə, naa Rumsa Billəssəl. ²⁰ Geesini, ina duu neta N kubrusənən at yas. Gwenən, N punaa ii koo bənaya, rekarə ɓamkpaa dəlləkrə.''