¹ Ri'erizi gwanta Billət ri'gəska naa yang nui komna iya i pe' fitilai, a i nok reeka ura kamkp kiiz pezzaz. ² Uri gbenarə, iya gbenarə ai bo iya i gbe aiyi. ³ Yang nui a i mee i ai bəlla pe'en fitilal ai a ii al, a sə e totto waag roo pa. ⁴ Ama yang nui a i ipu gbenarə eyi i totun waag kolumbairə naa fitilaiya ii. ⁵ De' ura kankp kiiz pezzaz ezi lo'tə, gwani yas i gbengə rum sə i rus yas. ⁶ Teteegrə roo sə i gee derka, gəə ura kankp kiiz pezaz ezi keetən i reu. ⁷ Yang kita ki'eyi yas i ruuto sə i go'rəs fitilaiya ii. ⁸ Íya mə'niyai ina ka'tubo waa wáág topa, fitlaiya iirəirəi, nok fitilaiya booi i rimsək dera wáág ɓamsubo pu. ⁹ Íya ɓe'niya eyi i doosi bonge, dakskaa ee naa ii pa. noka ri'ik ren i yiptə a iik iya i yingəirə.' ¹⁰ De i ri'gə ar yimnarə sai ura naa kiiz pezza ezi rektitə, iya ipu zo'okrəi i tos, naa ura kam kiiz pezza ezi, sə i gbe'es sogna. ¹¹ De Yang núiyi i getə i doo bonge, 'Dangwanz, dangwanz gbe'rəsə mee. ¹² Ama i iisi bonge, 'Zəma zə' Npu dooskəndə N meen pa.' ¹³ Noka ri'ik gamn naa zo'kaa mok i mee ubla naa zo̱o̱ra zakənnal pa. ¹⁴ Goo puni maza rek but uta rəz, sə der seniya ulləi sə esi gbaaka zaudi a ulləz. ¹⁵ esə uza talent gbanaarə, uza bo ettəko, ura muzoz bo talenti muzo, kooneya ni gbama ulləm ni pinnak sə ri'gə. ¹⁶ Ura kwee talatin gbanaarə ezi lo'pa sei ri'gə, yiu sə yingə sə kin baksi talatin gbanaarə. ¹⁷ Ri'eri zi ura kwee talenti ettəkə ezi kintə baksi ittəkə. ¹⁸ Ama seenzaz kwee talent muzo ezi ree ze' dur buttə dii sə iis, wessa dangwanza ulləz za ullə səs. ¹⁹ Ípu era haa lo'pa sai Dangwanza saniya eyi rəi zappu, sə des kooneya ina esun. ²⁰ Ura kwee taalenti gbenaarəz zaa kamntə uri gbanaarə sə doosu bonge, 'Dngwanz talentiya esei gbenaarə eyi n kintə uri bən gbanaarə.' ²¹ Dangwanza ullə ezi doosu bonge Useeko sénza wessaz naa go'nummaz à bo'rusapu go'num, ina waa topandə n de'eska ina gbi'nandə paa.' ²² sénza kwee talenti ezi zaa sə doo bonge, "Dangwanz taalenti talenti ittikə zi à esei, gwenum n baktə uri paa ittikə. ²³ Dangwanza ulləz doosu bonge usuko sénza wessaz naa go'nummaz a go'rupu go'num neta waa topattə n de'eska neta gbi'tat, zam a gee tingtəm naa Dangwanza mooz.' ²⁴ senza kwee talent muzo ezi zaa doo gee, Dangwanz n mee moo maza a gbəə mari baarazzi, a le'len de'eska ara a ta'akrə, bən a toogus ton ara a faan pakrə, ²⁵ Mii ser kame nrə sums talenta mooz butto dii. Gwenəm ina moon kwe̱e̱m. ²⁶ Dangwanza ulləz doosu bonge moo senza a worazzi naa ke̱e̱kùz. A meemen mii maza n de'es ara mn ta'pakrəzzi sə n toogus ara n faan pakrəzi. ²⁷ Pii aka esə ura gbo̱u wessaz n getən ak nka kwe̱e̱ ina miin naa baksi. ²⁸ Noka riik kweerən talenti a ulləz, sə ii baksi ura puna talentii komnaz. Ura una pisu paz ko a pisu waa finti eni i kweerək. ²⁹ Noka ri'ik ura punaa in gbi'niz i baksuku ama ura puna in topas i kwerək sə i baksə ura naa in gbi'niz. ³⁰ Mangsən ke̱e̱ka senza ezi goka təgrarə, eri zi sə go'ok naa təkpa nu'. ³¹ Bəlla Waa Maz zakən naa gbi'kəma ulləm am naa tombaiya ulləi, sə gakp tengwanza ullə gbikəm rəz sə. ³² Gwandə mu' mari tele, i to̱o̱kənka, sə massək mari gwanirə te', ni neebaaz massən mai naa bui ak. ³³ De'sək mai na' go'nirə, ama bui na' u'karə. ³⁴ Sə gwanz doosuk iya na'narə gee 'Zan iya Daa miiz sə'sənnai pe'en ɓinta Daamirə nok moi iit diga ma'ka gamnaa dəllək. ³⁵ Wodu gome i ese rek, ɓə̀ngɓa kame i ese ina bo'karən n zaa ginzəz i kweeyə. ³⁶ Npu kandəzəz i tə'se, Npu kunzuz i gwene, Npu pursinarə i zaa miirə.' ³⁷ Iya naa go'num̈ eyi i iisku bonge, Dangwanz benazi e oga naa wodu sə e esa rekaya, koo naa ɓə̀ngɓa sə e esa ina a bo'kanya? ³⁸ gəbən benazi e oga ginzəz sə e tiisaya? koo zok kotto sə e te'saya? bən benazi e oga kunzəz koo pusunarə ³⁹ sə e zaa moorəya? ⁴⁰ Gwanz iisiki sə doosi gee, zemazi npu dooskəndə, de i bo'so uza muzo uriyangiya miirə airə te'ka. Koo iya ipu waa topai iirə te'ei miizi i bo'se ⁴¹ Ri'eri zi sə doosək iya ipu ullə na' uki rəi, ' Daan ara n piin ak, i mariya zuk ai, torən ra'a do̱o̱ gbamkpa pipak rə, ara i go'rə nok seetan naa malaikaiya ulləi ak, ⁴² nok wo̱du gome i ese rek pa; gbəngba bo're i ese ina bo̱karən pa; ⁴³ N za mara ginzəz i kweye pa; Npu kandizəz i ese yalupa; N kun sə i gbaye, i de̱e̱se pa ⁴⁴ Sə ii bən i iisku gee, "Dangwanz benazi e oga naa wodu koo naa ɓə̀ngɓa koo mara ginzəz, koo kandəzəz koo apu kunzuz, koo pusunarə sə e gbaa paya? ⁴⁵ IIsi ki sə dozi gee, zəma zə Npu dooskəndə, i bo'sə koo uza muzo iya yangiya ye'kiya airə te'pa ai, miizi i bo'se pa. ⁴⁶ Iya aiyi i tork ɓərka baara ɓamkpa piipallə.