¹ Sei Yeeso pagən bansa mariya eyi naa Kubrubaiya ulləi bonge, ² Lamiya biibairəi naa Farisaawairəi i gau ar gapta Muusa gamnattə. ³ Noka ri'ik mina doosun una bo'ruka rən bo'run, nok doodon zi tan kotto kamn to̱ms pa. ⁴ I doksə mari gumsa mo'onsas sə i de 'esi bigarə ama gwani i le' yiika nendəz koo topa sə i pe'pa. ⁵ Tomteya Ii rəi i bo̱'ri nok sə mari ina ogbo sə i bo̱'rə dugruma irə yaləndem, sə yalənni na gou dii. ⁶ I ii ar gapta gbi'tat ar naasə, naa gəbən ar gapta gbi'tat rora Billəllə. ⁷ Naa gəbən iika de'eska maz ar luumarə, naa gəbən i ii ina derbo lamz. ⁸ Ama moo iigə i derkən lamz pa ama kubrubaaza iiz pu muzo iya i seetəi boo doowiyi. ⁹ I derk maz uza dəllə Daa pa, ipuna Daa muzo uzi pu Billə paa. ¹⁰ Kaina serən lamz pa, nok lamz pii muzo uzi kweebaaz. ¹¹ Ama ura gbi'za irə te'ez uzi gakp senza iiz. ¹² ura noos zura ulləllaz, i genkənu dii ura tiiz zura ulləllaz boo i noosuku. ¹³ Ina yirkurənni mooi ii lami, naa Farisaawai, dangkaamei, i gusapu gwanta Billət marirə mu'ka, in boo i torkpa, gəbən i daasə iya i torkai sə i torpa. ¹⁴ Ina yirku rənni moo ii biibai naa Farisaawai, dankaamei! nok i kweerə ina tuukuzzən, gwaamut, sə gə i weerə ye'enzəz. Nokka ri'ik i kweek wo'oskaa gbi'kak. ¹⁵ Ina yirku rənni moo ii biibai naa Farisaawai, dankaamei! i kor gɓəna naa dərme nok keeka kubrubaaz muzo. Na gau muzo i gapsuki ittəi waza ra'rəz haa sə arkə moi. ¹⁶ Ina yirkurənni mooi íí ruri, sə i doo inge konaya gba'təm naa rora Billəl unani pa, ama ura gba'təm naa zinariya rora Billəzəl gba'tuma ullom sai na kamupu. ¹⁷ Ii ruriya naa mə'əmai, a panni ar gbi'nin ya? koo kangeeriya oos gwaaga Billəz ya? ¹⁸ Ri'eri zi bən ura gba'təm naa ara net ma'antəkas unani pa, ama maza gbba'təm naa essek pu paakas gba'temmi kamku kan. ¹⁹ Moi ruri, apanni gbi'ninya, essə ya koo ar ma'ka neta oos essəkkat ya? ²⁰ Ri'erizi ura gba'təm naa net ma'antas gba'təm puna arki naa neta pu paat yas. ²¹ Gəbən ura gba'təm naa buugas, gba'təmpu naa ura pu gamnarə rooz yas. ²² Ri'erizi bən ura gba'təm naa ara paakas, gba'təm pu naa teng gwansa Billəz, naa ura gaptə paaz. ²³ Ina yirkurənni mooi biibai naa Farisaawai, dankaamei iya i esə essəka gu'meya soma so'oirəz, i kosapu neta to̱o̱ ika bo'rət ni rababaaza musa rəz doonak, eska timr naa go'num naa kweeka. Neta at uti to̱o̱ ika bo'rə, ika tos koo una munə tə'pa. ²⁴ Moi mara rurii, i tu'us wo̱o̱s sə i tum gelloba. ²⁵ Kak moi biibai naa farisaawai, dankaamei, i neks kuta kəttət naa dendirət sə i da̱a̱ ara te'ek naa səərəu naa diks. ²⁶ Moo farisaawaaz ruz, seem neksəka baara dendirəl naa kəttəl zanga sə ara sa'ak nagau naa oosa. ²⁷ Ina yirkurənni mooi biibai naa Farisaawai naa dankaamei, i gookən gon naa gagga pəriya i taks zokkai, i o̱o̱ gwenkarə goka ama ara te'ek puna zokrəma marirə bumsapum naa nen. ²⁸ Ri'erizi bən ii mariya naa go'num nolləiyi ama ipuna keeku naa dankaam timlə. ²⁹ Ina yirkurənni mooi íí biibai naa Farisaawai naa dangkaamei, i wom gagga anabawairəi sə gə í go'rəz iya i bo'ro gu'numai rəi. ³⁰ Sə i doo bonge, ena kapunaa billa do'ga mariya eirə eka doosi kuuska kwaala anabaawairəi pa. ³¹ Ri'zi sə i doo naa zura indəl inge ii yangiya íya í iu anabaawai rəiyi. ³² Sə i yiis laatəra do'ga mariya ii rəi. ³³ Moi bigi, moi yanga kome, i bo'ok riga sə gɓisə bisss ra'rəssə ya? ³⁴ Noka ri'ik, N tomtən anabawai naa mariya i mee sə i meegəsənnai naa biibai. Uri i ɓaaki sə i iwi, uri boo i ɗa'ki endə buumrə sə i neni reekarə dermiya gbi'kiyairə sə i gɓesi baar. ³⁵ Nok aibeiya kwaalla iya naa go'numai rə kuus zok delləl.naa gə ində zu'tirə, ma'karə kwaalla biibai rəllə rekarə kwaalla Zakariya waza Berikiyaz zəllə, ura i iwu buug naa ar ma'na nettə te'es. ³⁶ Zəmazi npu doosəkəndə,neta at yas bo'rum naa mariya bəlla alləl. ³⁷ Urusalima, moi ii mariya Urusalimai i ibdə anabawai, gə iya i tomti iirəi i to'gi naa bile, den rigazi keez daksək yangiya ulləi gwandə dentə diiya? ama i mu'us. ³⁸ Gwenən i daasən pu gwaaga iirə do̱o̱kak. ³⁹ Npu dooskəndə, i oke gəbən pa, sai ublaa i doon se'səm pu ura zak naa ri'ra Billəllaz.