¹ Ina e ii dookan aa an: Apunaa firist a gbi'zaz ura gau na' go'na gwanta Billəttə paari. ² Ura kamə toms ara ookapakrəz, naa gwaaga Daa rək zəma gabsak, maz pa. ³ Kala firist a gbi'zaz i tosu toms no̱k yiika esək naa hadaya. Ri'zi gapsapu ullə kamtək kan ina yiikarən. ⁴ To̱o̱ haa ri'ak Kweebaaz nakapu dəllə roo ka gau firist pa ves, de uri i pii iya i yii esəka marirəi ni dookai ii dook. ⁵ I noos neta rigəskənaa paarittət naa zəngsa nettirət, ni Muusa Bil do̱o̱sunuk de pi go'kən gwaaga Billək rək: Bil doo bonge, ''Gwenəm go'rum koo anya wessawe' ni i yiisənak yiigrə.'' ⁶ Amma ri'ak kweebaaz kwee tomsa ar az no̱k uzi gəəgəska dookaiya oomiir, de' è doosapu paari dookaiya rəi. ⁷ Naka naa doka ma'karə aa eyi i kasə koo unarə pa, ika gee səka laa ittə pa dokairəi. ⁸ De Bil og aibeiya marirəi, doo bonge "Gwenən ublut pu zakrə Daa Bil bonge N go'ok do̱kaa pənnan naa mariya Israilai, naa zeeuwiya Yahuza rəi. ⁹ Gakp ni dokaa N bo'rə naa do'ga mariya iiyak pa; ublaa N kamni nattək sə N keesəni buta Masarrət. Gwanki N daanik, no̱ka a de dokaa miirən rəpa, Bil doo ri', Daa Bil doo ri'. ¹⁰ A anni doka N bo'ok naa mariya Israilai ya, sa'kaa ubluta attə, Bil doo ri'. N tosuk dookaiya mii iirə sundumerə, gə n biiki iirə timterə. N gakp Billa iil, ii bən i gakp mariya mii. ¹¹ I kubruskən doowi iirə te' naa kura gwaageya ii naa bən kala doowi, i dook bonge, 'Meem Daa Bil.' Gwani yas i meeke, diga waizəz haa rekarə a gbi'zaz iirə tə. ¹² No̱k N oksiki yirku engka baara iilə, hakkeiya ii n metək sunduka pa.'' ¹³ Ni doon bonge, "dookaa pəriyai" gən pu a seenkak doonən. Amma ina do̱'gəssan lo'sapu gapsapu ina yaakyan an.