¹ Malkaisad aa az, gwanza Salimaz, firist a Billa naa Gbi'kəmaz, ura oks Ibrahim zoora pu gətkəndə diga ikkpa gwanirək sə sə'su. ² Ulləzi Ibrahim esə muzə komnarə te' neta ulləttə. Riira ulləl ''Malkisadek'' uki ''gwanza go'numrəz. Riira ulləl ula bən uki ''gwanza Salimaz,'' uki, ''gwanza gabta wessattək.'' ³ Punaa daa, koo mai pa, punaa domdai pa, i me̱e̱ ublaa i dingnuk pa, koo ubla wərkənak pa. Googon Waza Billəz, sə gau firist ting ting. ⁴ Gwenəm gbi'kəma mazazzəm rəm, domda aaz Ibrahim ma esu muzo diga komnarə te' neta kinə ya'am rə. ⁵ No̱kka ri'ik diga zeewiya Lawi rəi iya i kinə gbi'kəma firist rəm i dosu dookairə te' ina kwee eska muzo Komnairə te'ka marirə nattə, uriyangiya iirəi rə, ii bən zeewiya Ibrahim rəiyi. ⁶ Amma Malkisadak ura i mee zeewa ulləu iirə te' pa, kwee muzo komnairə te' Ibrahim rə, sə'su, ura puna alkawal az. ⁷ Ina mu'uskarənni pa, bonge a gbi'zaz sə'sək ura topaz. ⁸ Ang mariya i kwee muzo diga komnarə te' mariya i wərk aiyi ubla ukarə. ⁹ Ama dookarə i esəpu seedaakum punaa zəngs. Lawi naa zura gwandəl ura kwee muzo diga komnairə te', ur bən esə a ullən Ibrahimrə. ¹⁰ No̱k Laawi bən pu diga geeteya domda ulləzzəz dəna Malkisadak sarən naa Ibrahim ak. ¹¹ Ri'ik naka gbaaka firissək gakkpən zeeuwa Laawi rəurə (no̱k ulləzi mari i kwee dookai) ika toz uza ɓes naa ruutə ni riigəskənaa Malkisadik, sə i geeu ur doka Haruna rək paya? ¹² Firist naa as pu zok, dookai bən assək zok. ¹³ Ura doo neta at ullə paa ezi, keetə meel ularə ɓese, ura maz meɗə kamsu toms bagadirə pa. ¹⁴ Ri'ik pu kaaka allə, i ding Dangwanza aaz diga zeeuwa Yahudarəzzi, ura Musa meɗə pagna paka firissək pa. ¹⁵ Ina a doon pu yi'təkrə kaaka allə, firist uza ruutuk naa goosa Malkisadek ak. ¹⁶ Firist a pəzzaz a az gakp naa goosa zokrəz pa, sei naa gbi'kəma zəngsa ɓampassəm. ¹⁷ No̱k raababaz essapu seedakuum ullə: "Moo firist zi haa dəl ɓamnarə ni goosa Malkisadek rək." ¹⁸ Dookaiya ulləi duuyii i gənni sa'ka no̱k gbama ulləm ya'rumpu naa kinka piipa. ¹⁹ Dookaiya Musa rəi go'rə koo una pa. No̱k ri'ik i toktutə gbaksa to'a ookapairə, mu' ang no̱k ur saa kink reksəka Billə. ²⁰ Gbaksa to'a ii i go'runkpa pa sei dei naa gbatəmkpa, no̱k firist a aarəi i gba'təmpa. ²¹ Amma Bil gba'təm de doo Yeeso rə, "Daa Bil gba'təm asək ina ullə timlən pa: 'Moo firist zi haa dəl ɓamna.''' ²² No̱k gba'təmkpa ak Yeeso gau ura yi'is ina Bil doon. ²³ Werk ro'on firistii a eyi gakkpa haa dəl ɓamna. a enini bo'rə sə firist ipi gənɲa waato muzo naa muzo uzarə sa'ka. ²⁴ Amma no̱k Yeeso gapsapu haa dəl ɓamnarə, firistii a ulləz bən i bəəsə uza pa ves. ²⁵ No̱ka ri'ik puna gbi'kəma kweekən iya i səətə Billə mu'kai haa ɓamna dəl, gau naa zəngs haa oorə nok ii. ²⁶ Firist a az uzi go' no̱k aa, Punaa hakkei pa pu ookapa ura səəru pisupaz, ko'su diga mariya naa hakkəiyai rə, sə gau ura gbi'zaz haa paari ²⁷ Ii una pa, ni firistiya i assaiyak, i esə hadaya koobənaya, ma'karə no̱k hakkeiya ii, naa gə a marirəi. Ur bo'rə də muko yas, dənna esən zura gwandəl laakrək. ²⁸ Dookai tosapu mariya ina gau firist a gbi'zaz koo de' i gbe'repu, amma paka gba'təmkarək sa'ka, tə'əs Waz ura ii go'ru ookapa haa dəl ɓamna.