¹ De' i daasapu dokaa torka ar əngəskənaa Billəkrə, a gee sera no̱k uza arə te' kana kasə tor pa. ² A geesapu paka tingkak əngəskaa Billəkrə, ni íí bo'sən Israilaiyak, ama paka rook naa gə iya i geen sə i daa eska timra iil pa. ³ Aà a esə timrai, a to̱o̱ton əngəskaa Billət, ni doo bonge, "Ni en ɓadəsən pak naa suksa baara miirə ak, i tork əngəska miirəkrə pa.'' Koo naa ri'ik, tomtya ulləi i bampu diga ma'ka dəllə. ⁴ Ar ukarə dosapu paka ublaa əngəskənaa gbansa akrə, "Bil inge ubla gbansa ra'akrə tomtəra." ⁵ Bən doo bonge, "Ii tor engəskənaa boorəkrə pa." ⁶ No̱ka ar əngəsən i gbomsusəpu aarə ina tor roori, iya i doosi paka tingkak ai tun do̱ka do̱' i duu pu haa sə kinə torka pa no̱k wengta zur. ⁷ Bil de og ubla uka der "Wongka" ni pagən Dauda rək, de lo'os ni i doosən bonge, "Wongka i naa gee gwera ullək, kai wengs timteya ii pa.'' ⁸ Joshua naka kami ar əngəskənaa Billəkrə, Bil ka pak no̱k ubla uka dəna mu'ka andə pa. ⁹ No̱ka ri'ik əngəskəna uka pii Ubla asawe no̱k mariya Billəi.n ¹⁰ Ura kinə torka zengsa Billəssək ur naa zura gwandəl əngəsapu naa tomteya ulləi, ni Bil əngəsənak. ¹¹ No̱k ri'ik a bo'rə ina wessan sə a kinə torka zasirə uza kana baz zaka pa sə torka nok wengka zura ulləl go'rən. ¹² Paka Billək paka naa zəngsakki naa gbama ar fongkaz rongkparə ittəkən i mas man rums diga zəngsə, naa le'en mu'səka sundəməya timləi na meegəskaa ullək. ¹³ Billə mu'ka puna sums zokkai piipa. No̱k ri'ik kala anya pu kaaka allə ura ar ge'kən neta bo'tə atrə. ¹⁴ De' a punaa firist a gbi'zaz ura keetə Paariz, Yesso Waza Billəz kams eska timra allə rekarə ullə. ¹⁵ A punaa firist a gbi'zaz naa ura gə̱ə̱səkaa yirkuwaz azau pa, amma ura ii gweeguz ko bilaya pakreya ni ak, amma hakkeirə paa pa. ¹⁶ No̱k ri'ik n ruu naa gbam sə a ree ara go'numa Billəkrə, sə naa bo'saa yirkurə sə a laa go'numa po'kaam ana pu laakrə.