¹ Npu dookrə, maza pe'ek ɓintaz na wazzi, pu ɓes naa se̱nz pa, koo nok netta ɓinttə eti yas a ullətti. ² Ama urbən gaupu ura geesu bilaz naa íya naa go'nummairə dii, sei zoora daa úlləz ɗe'el na go'sapu. ³ Ri'erizi aa bən zoora á pii ni yangil, í kamaa wessawe' sə i ge̱e̱saa ni a gakpən dəllak. ⁴ Ama de zoor go'tə, Bil tomte Waza ullə kita kiiz dinŋu bissə diiz. ⁵ Bo'rə ri'erizi nok sə bo dops íya ípu bissə dii, nok sə ana gau yangiya ulləiyii. ⁶ Nok ii yangiyi, Bil tomte Rumsa gwandə Wazzəs aarə temtirə, ura der, ''Abba, Daaz.'' ⁷ Noka ri'ik moo se̱nzi es pa, moo wazzi, na moo wazzi, moo pe'ba ɓinteya Billəzzi. ⁸ Naa ri'ik do̱o̱ i me̱e̱ Bil pa, ii se̱niya i noos maiya unani paiyii. ⁹ Ama ri'ak de i me̱e̱sapu Bil, Bil bən me̱e̱n men, nok an sə ipu gəəkrə sa' neta zuk tomo pattə ya? I ii gəəka se̱niyi ni do̱o̱k ya? ¹⁰ I pii pin duuk naasa ubluttəs naa se'ra pəttattəs naa níím naa wi'rəi. ¹¹ Ser kamne kan ii gooni tomtiya n bo'ri iirə te'ei ípu zukak. ¹² Npu oorukəndə, uriyangi, gamn ni n gamn nak, nok mii bən n gau ni iik. i bo'se aibei unarə pa. ¹³ Ama i me̱e̱men nok zoka iise pak, sə n doosən paka tingkak ma'karə. ¹⁴ Ko de i me̱e̱me̱n ni goosa miirə zokrəs piinak, i bə'se koo i mu'se pa. Goptəra ri'ik i kweeye ni malaikaiya Billəzak, ni mii Yeeso Kweebaazzik. ¹⁵ Na ri'zi gə yaksa zoka iik aa pakya? Nok n meemen naka ina bo'rungkpanni ika wektətə no'a ii sə ika esei. ¹⁶ Ri'ak gə n gaupu umkeereya iiz noka n doosnən ina zəmannak ya? ¹⁷ Ipu laakəndə naa timr mulə nok go'nəm pa. Í íí markən naa mii nok sə ina duubo. ¹⁸ Go'gon kobənaya yaksən zok, nok bo'ruka neta wessat tak. Koo noka ipu naa mii pak. ¹⁹ Yangiya miirə ye'kiyai, nok iiyi sə npu geek baar gomdə, sei paka Kwebaazək na gapsapu iirə timlə. ²⁰ N win minge nka pu naa ii, sə aka pag oomi, nok i məse pu. ²¹ Doosinə iya ipu naa rəkəma duuka bissəm, i gee ina bis doon paya? ²² Pu bisənən bonge, "Ibrahim punaa yanga yaara mari ittəkə, a muzəz waza se̱nza kiizaz dinŋúzzi, a muzə a kiiza gwa'az dinŋúz. ²³ Ana ka gwene, waza senzə ezi i dinŋ́u marəmrə, a kiiza gwa'azəz í dinŋú alkawallə te'kazi. ²⁴ Aká le'len dooka neta at re'sa pakrəkrə, kita ki'a ai í goopu ni alkwalli ittikək. A muzəz diga yiiga Sinaaiyakrə, sə ding yanga se̱ni. Uzi Hazaratu. ²⁵ Ri'ak Hazaratu uzi goo yiiga Sinaiyal dəlla Araabiyallə; Goopu Urusalimaa ri'ak az, nok úr naa yangiya ulləi ípu se̱nurə. ²⁶ Ama Urusalimaa paaz pu se̱nurə pa, uzi maiya aaz. ²⁷ Pu biisənən, '' Moo Ku'mur zok rə yaga. Dangrəm naa yaksa zok, mo̱o̱ à dinŋe paz nok yangiya kitakiiza í fasuz zəi í ar an à kita kiza naa ya'zaz zəi.'' ²⁸ Ama ii, uriyangi, ni Ishakuk, yangiya alkawalləiyi. ²⁹ Zoora elirə ura í dinŋ́u marəmrəz uzi zaa ɓəs ura i dingu rumsə te'ez baar, pu ri'eri haa ri'ak. ³⁰ Anni rababaaz doo ya? "Nenəm se̱nza kiizaz naa waza ulləz ina ri'gə. No̱k waza senza kiizazəz mark ɓint naa waza kiiza gwa'azzəz pa. i keesuz pa." ³¹ No̱ka ri'ik uriyangi aa yangiya senza kiizaz zəiyi pa, ama aa yangiya kiiza gwa'azzəiyi.