¹ Mooi íí Galantiyaawaiya i ɓe'payai! Neezi səərən ya? Oo! Yeeso Kweebaazi ɓaanzəz sə yiiu ində nonlə paya? ² Ina anni kotto n ii minge nka me̱e̱ diga iirə: I kinə Rumsa nok tomsa bissəs ya koo eska timr paka i geekrə ya? ³ Mə'əma iim dakpu ri'ang ya? I ma' Rumsə, sə ri'ak i ɓamsək zokrə ya? ⁴ I ɓər baar nettə gən gən zuk- zəmazi pu zuk ya?. ⁵ Ura esen Rums sə kam tomsa məsəmrəz iirə te'ez bo'rə rii naa tomteya bissəi koo naa geekaa eska timlək ya? ⁶ Ni gwan Ibrahim ''Esən timr Billək i ge'u maza naa go'numazəz,'' ⁷ ri'erizi, me̱e̱n gəbən ura esə timr az tele waza Ibrahim rəs zi. ⁸ Rababaaz doosapu bonge Bil keesək menki no̱k eska timr, doosən mari paka tinka go'numa Ibrahim rəmrək bonge, ''Moorə zi sə dəl yas i kink sə'səm.'' ⁹ Nok ri'ik iya i esə timr ai i kinsapu sə'səm naa Ibrahim maza eska timraz. ¹⁰ Mariya i wengnən to̱mteya bissəiyai su' kamksipu; nok pu biisənən. ''Su' kamsapu koo neeya ura bo'rə ina bii zok rababaaza bissəndə pa tele.'' ¹¹ Ri'ak pu kaaka allə neeya gbisək Bil mu' naa tomsa bissəz piipa, nok ura naa go'numaz ɓiik nok eska timr. ¹² Nok dooka pu eska timlə pa, gobtəra ri'ik, ''Maza kam tomsa dookairəz ɓiik naa íí.'' ¹³ Kweebaaz dəpsaapu kamkpa su'a bissəkrə gau naa kamkpa su' no̱k àà, ni pu biisənənnak, ''Su' kamsapu ura i ɓaau raurə paaz.'' ¹⁴ Nok sə sə'səma Ibrhimrəm na gau naa menki Kweebaaz Yeesorə, noka kweekən alkawal Rumsək rekarə eska timlə. ¹⁵ Uriyangi, npu pak naa go̱o̱sa marəmrəz. Mari ina doksapu, ura waagəsək ko bakaz pipa na gapsapu dookazəz. ¹⁶ Ri'ak i doosə Ibrahim alkawal naa zeeuwa ulləu. Doo bonge, ''Zeeuwa ulləu pa,'' i doo mari gənŋrə paa, ama gobtəra ri'ik maz muzo, ''ama zeeuwa moou,'' Uzi Kweebaaz. ¹⁷ Ri'ak ina npu dookrən uni: Dookaiya i zaa wi' zu' zur naa mulol naa komnai ei 430 i è̱s alkawalla Bil bo'ru do̱o̱ ezi pa. ¹⁸ Ama ɓint naka zaa no̱k bissi, ekigə ka zaa nok alkawal pa. Ama Bil esə Ibrahim kotto rekarə alkawallə. ¹⁹ Anni sə i esən bis ya? I bagə bis nok aibei, haa sei zeeuwiya Ibrahim rə i bo'sunui alkawallai ina zaa. I ma' kamkpa toms naa gbama bissəm malaikarə naa ura tor aarə te'es. ²⁰ Ri'ak ura tor aarə te'ez ar an maz muzə, ama Bil gə mulozi. ²¹ Na ri'zi gə bis dingkəndin na alkawalla Billəz ya? Ouwo koo topa! Nok ina esə bisa le' eska zəngsas, sinəm ka pii pa go'num ka zaa nok bissi. ²² Noka ri'ik rababaaz gbe'sapu koo anya hakkeirə dii. Bil bo'rə ri' nok alkawala ullə keeskarəz rekarə eska timlə Yeeso Kwebaazə kintə sə esə iya i esə timrai. ²³ Eska timr kweebaaze nagə zaa apu senurə, gbe'e̱sniyi haa gbətkaa eska timləkre. ²⁴ Diga ri'ik dookai gapsaapu bila haa sei de Kweebaaz za sə a kin ke̱e̱ska nok eska timr. ²⁵ Ri'ak de eska timr zaapu, apu ura geesaa bilazzə dii pa. ²⁶ Nok ìi tele yangiya Billəiyi rəkarə eska timr Kweebaaz Yeesorə. ²⁷ Í yas í bo'sən pu batisma Kwebaazəz, i kweepu Kwebaaz. ²⁸ Yahudaawaaz ko Helinaawaaz se̱nz naa ura i keesúz, ko yara maz ko kita kiiz piipa, ii yas ipu muyo Yeeso Kwebaazzə. ²⁹ Ina pu Kwebaazə gə, ii zeeuwiya Ibrahim rəiyi pe'ba ɓinteiya alkawalla ezirəz