¹ Wi' komna naa narkəi i ar n gəə n ree Ursalima naa Barnabas, gə n pe' Titus yam sə e ri'gə. ² N gəə roo nok Billi doose mina ree doosi paka tingka n doosə menki ak. N doo pakki lo̱'ti iya i to̱o̱ nka doosirə, n bo'rə ri'zi nok sə n me̱e̱ n nog nonzi pa koo n nogtə noma kottommi pa. ³ Koo Titus, ura epu yamaz Helinaawaazi, maza pi'u sə nau az piipa. ⁴ Uriyangiya songbrəi i zaa lo̱'ti nok sə bo gwen kweeka eerə pu Kweebaaz Yeeso rək. I ii boka yeree seni, ⁵ ama e daasi bila koo topa pa, nok zəmaa paka tingkakrək karə gau ina askarənni iirə pa. ⁶ Iya i og ni ipu oomi, (koo ina ii ina goo anya una kasse pa Bil yii iika zur pa) iya n doo ipu wessa ei i bakse una pa. ⁷ Gobtəra ri'ik, i og i dəngsepu dooka paka tingkak iya i naw pairə, ni i dəngsən Biturus dooka paka tingkak iya i napsapuirək. ⁸ Billa kam toms Biturus sə nok dooka paka Billək rekrə iya i naw airə, ri'eri zi bən pu tomsə miirə rekrə menkirə. ⁹ De Yakubu, Kefas naa Yohana iya i ogi iiyi i wom ikiliisiyai, i me̱e̱gəs go'numa i esəm, sə kweeye dakska zullə mii naa Barnabas. I bo'rə ri'eri zi nok sə ena ri'gə mengkirə sə ii boo ina ree iya i naw airə. ¹⁰ I doose ena sundə naa iya naa zaamai. Ina mii bən n íí bo'ka ri'eri. ¹¹ De Kefas zaa Antikaya, n yengru nok bo'rə ina go'pan. ¹² Mari uri inagə zaa diga Yakuburə Kefas regə ren rek naa mengki, ama de mariya ei i rektə sei dàà sə kees zura gwandəl menkiya eirə te'. Serumsen mariya í bonge sei maz na naupu sənnai. ¹³ Ri'eri zi bən Yahudawai uri i duu dankaama emi, Barnabas bən duu dankaama iim. ¹⁴ Zoka n ogən i duu ina zəma paka tingkakrən pa, n doosə Kefas gwanirə mu', ''Na moo Yahudawaazi sə mona gau gabta menkirət gobtəra gabta Yahudaawai rət, a bo'ok riga sə a pi' mengki riga sə i gau ni Yahudawaiyak ya?'' ¹⁵ Ee bən Yahudawaiyi diga dingkarə menkiya naa hakkei aiyi pa; ¹⁶ Naa ri'ik e me̱e̱men ura kink gbiska tomteya bissəirəz pipa ama na esəpu timr Yeeso Kweebaazə sən. Ee bən e esəpu timr Kweebaaz Yeesorə nok sə e kinə gbiska eska timlə Yeeso Kweebaazə ama no̱k tomteya bissəirə pa. nok tomteya bissəirə ura kink gbiskaz pipa. ¹⁷ Ama ana laa kinka gbiska Kweebaazə, sə ina oksaa aa mariya naa hakkei aiyi, ekigə Kweebaaz se̱nza hakkeirəzzi ya? Ouwo! ¹⁸ Gəbən minaka puu womka netta n laks do̱o̱t, n gabsapu maza ka'az dookaz. ¹⁹ Nok bis sə n wər bissə nok sə n gau maza Billəz. ²⁰ I ɓaye naa Kweebaaz. Miizi npunaa zəngs espa, ama Kweebaazi pu miirə zokrə. Gamnaa n gamn zokrək ri'ak n gau no̱k eska timr Waza Billəzzə, ura iya sə esə zura gwandəl nok miiz. ²¹ N è̱s go'nəma Billəm kanarə pa, nok go'num naka kink zok bissəzi, ekigə Kweebaaz wər kotto zi!