¹ Sə Bil naa ruusapu naa Kwebaaz laan neta paat, ar Kweebaaz gamn na' go'na a Billəi rə. ² Sundum naa neta pu paarit, ka sundə naa neta dəllət pa. ³ Nok a wərpu, zəngsa moos pu sumskakək naa Kwebaaz Billə. ⁴ Nok Kwebaaz na gbərə, ura pu moorə timlə, i bən i gbərək naa ur gbikəma ulləm. ⁵ ipsən neta dəl iit, neta pu dəllət, kima kii, neta go'pat, naa gabta təgra rət, sutum baar uki kima kii. ⁶ Neta ri'eti kamtə kan suksa baar a Billət iya i wən zur ai. ⁷ Irim neta eti rə a gau te'ka ningka. ⁸ Ama dolezi i daak irim neta at, timr ma'ant, suksa baar, sundume a gopai, də'əs naa paka go'pak irə su' rə. ⁹ Kai paksə zuta iit songb pa, nok i tus maza do̱zaz naa tomsa ulləz. ¹⁰ Sə i tə maza pəzzaz, ura i yeru pəzzəz nok meka rə rekarə goosa ura go'rəs. ¹¹ Ara ak rə zi Heleniyawai naa Yahudawai, nakpa naa ura nau zok pas, mara gəni, baubawaz naa Sikithuyu senz naa ura i fasus, ama goptəra riik Kwebaaz uzi ko anya, gə pu ko anya rə. ¹³ Ii uriyagiya i iinǝnpa Bil te̱e̱gii, Gawun naa oka yirku, go'num' tiiska zur, naa gbe'ka timr. ¹² Gbaakǝnkǝn inde te'. Uza na punaa ina moosu naa uzan, na ra'sǝsu ni daa à aaz ra'sǝsǝnaak. ¹⁴ A ar neta attǝ yasan, iikǝnkǝni, uni ina dog mari sǝ i gau muyoi. ¹⁵ Daan gapta wessa a Kweebaazǝk na gau iirǝ timterǝ. Nok gapta wessa atti sǝ i de̱rnǝn zokka mukǝkrǝ. Gawun naaa iika useeko. ¹⁶ Daan paka Kweebaazǝk na gau iirǝ. Kubrusǝn sǝ i we̱e̱sǝnkini naa zinka ges. Zin gel naa iika useeko iirǝ timterǝ rekarǝ Billǝ. ¹⁷ Ina bo'rǝndǝ yas, koo pak koo toms, bo'on nok ri'ra dangwanz Yeesorǝk. iisǝn Daa Bil useeko ullǝ. ¹⁸ Kitaki' noosǝn yaariya ii, ni go'on Daa Billǝ mu'uk. ¹⁹ Yaara mari iin kitaki' a ii, kai zogsirǝ pa. ²⁰ Yangi, noosǝn sǝ i duu do̱'ga mariya ii koo andǝya, nok ina tingnanni Daa Billǝ. ²¹ Dai, kai yengrǝ yangiya ii pa, nok bo'ta zok wǝssi. ²² Se̱ni, duun dangwaniya iirǝ i se̱ni zokrǝi koo andǝya, kai bo'rǝ tomsa oka no'rǝs nok marii okǝnǝnnak pa, ama bo'on gonga indǝ timterǝ. Serǝmmum Bil. ²³ Kala ina i bo'rǝn, kamǝn ni i kamsǝ Billak, ni mazak pa. ²⁴ I me̱e̱me̱n i kweek toksa iirǝ ɓintǝs. Kweebaaz Yeesozi i se̱nu. ²⁵ Nok ura bo'rǝ e̱nkuz kin toksa ullǝ e̱nkure bo'rǝs, gǝ be'sum pu roo pa.